ಚನ್ನಪಟ್ಟಣ:ಜು/೨೫/೨೦/ಶನಿವಾರ. ಯೋಗೇಶ್ವರ್ ಜನಮೆಚ್ಚಿದ ಶಾಸಕರಲ್ಲ. ಅವರು ಮತದಾರರಿಂದ ಆಯ್ಕೆಯಾದ ಶಾಸಕರೂ ಅಲ್ಲ. ಅತ್ತುಕರೆದು ಹಿಂಬಾಗಿಲಿನಿಂದ ಶಾಸಕರಾದ ವ್ಯಕ್ತಿ. ಎರಡು ಬಾರಿ ಜನಾಶೀರ್ವಾದದಿಂದ ರಾಜ್ಯದ ಮುಖ್ಯಮಂತ್ರಿಯಾಗಿದ್ದ ಕುಮಾರಸ್ವಾಮಿ ಯವರ ಬಗ್ಗೆ ಮಾತನಾಡುವ ಹಕ್ಕಿಲ್ಲ. ಅವರು ಅಧಿಕಾರದ ರಾಜಕಾರಣಿಯೇ ಹೊರತು, ಜನರ ಕಷ್ಟಕ್ಕೆ ಸ್ಪಂದಿಸುವ ಶಾಸಕ ಅಲ್ಲಾ ಎಂದು ತಾಲ್ಲೂಕು ಜೆಡಿಎಸ್ ಅಧ್ಯಕ್ಷ ಜಯಮುತ್ತು ರವರು ನೂತನ ಮೇಲ್ಮನೆ ಸದಸ್ಯ ಸಿ ಪಿ ಯೋಗೇಶ್ವರ್ ಟಾಂಗ್ ನೀಡಿದರು.

ಹೆಚ್ ಡಿ ಕುಮಾರಸ್ವಾಮಿ ಮತ್ತು ಡಿ ಕೆ ಶಿವಕುಮಾರ್ ಇಬ್ಬರು ನಿವೃತ್ತ ಕುದುರೆಗಳು ಎಂಬ ಹೇಳಿಕೆ ನೀಡಿದ್ದ ಸಿಪಿವೈ ರವರ ಹೇಳಿಕೆಗೆ ಇಂದು ತಾಲ್ಲೂಕು ಶಾಸಕರ ಕಛೇರಿಯಲ್ಲಿ ಪತ್ರಿಕಾಗೋಷ್ಠಿ ಕರೆದು ಅವರು ಮಾತನಾಡಿದರು.

ಮುಂದಿನ ಬಾರಿ ಚುನಾವಣೆಯಲ್ಲಿ ಗೊತ್ತಾಗುತ್ತದೆ.

ಹೆಚ್ಡಿಕೆ ಮತ್ತು ಡಿಕೆಶಿ ಎಷ್ಟು ಬಲಶಾಲಿ ಎಂದು.

ಎರಡು ಬಾರಿ ಮುಖ್ಯಮಂತ್ರಿ ಆಗಿದ್ದವರ ಬಗ್ಗೆ ಮಾತಾನಾಡುವಾಗ ನಾಲಿಗೆ ಎಚ್ಚರ ತಪ್ಪಬಾರದು. ಈಗಾಗಲೇ ಸರ್ಕಾರ ಕೆಡವಿ ತಪ್ಪು ಮಾಡಿದ್ದಾರೆ. ಇವರು ಹದಿನೆಂಟು ವರ್ಷ ಅಧಿಕಾರದಲ್ಲಿದ್ದು ಏನು ಮಾಡಿದರೆ. ಅಧಿಕಾರವಿಲ್ಲದ ಎರಡು ವರ್ಷಗಳ ಅವಧಿ ಮತ್ತು ಕೊರೊನಾ ಸಂದರ್ಭದಲ್ಲಿ ಅವರ ಪಾತ್ರವೇನು. ಕುಮಾರಸ್ವಾಮಿ ಗೆ ಅವರ ಸರ್ಟಿಫಿಕೇಟ್ ಬೇಕಾಗಿಲ್ಲ. ನಾನು ಶಾಸಕ ಅವರು ಶಾಸಕ ಎನ್ನುವ ಧೋರಣೆ ಸಲ್ಲ. ಅವರು ಎರಡು ಬಾರಿ ಮುಖ್ಯಮಂತ್ರಿ ಆಗಿದ್ದವರು.

ಕೊನೆ ಪಕ್ಷ ನೀವು ನಿಮ್ಮ ಹಿಂಬಾಲಕರಿಗೆ ಏನು ಮಾಡಿದ್ದೀರಿ. ಕೊರೊನಾ ಲೆಕ್ಕಿಸದೆ ೩೩ ದಿನ ಅನ್ನ ಸಂತರ್ಪಣೆಯನ್ನು ಕುಮಾರಸ್ವಾಮಿ ಯವರು ಮಾಡಿದ್ದಾರೆ. ನೀವು ಏಕೆ ಮಾಡಿಲ್ಲ ಎಂದು ಅವರು ಹರಿಹಾಯ್ದರು.

ನಾಳೆ ಏನೋ ಎನ್ನುವ ಹತಾಶೆಯಲ್ಲಿ ನೀವಿದ್ದೀರಿ. ಹಾಗಾಗಿ ಏನೇನೋ ಮಾತಾನಾಡುತ್ತಿದ್ದೀರಿ. ಯಾರು ಯಾವಾಗ ಬೇಕಾದರೂ ಏನು ಬೇಕಾದರೂ ಆಗಬಹುದು. ಯೋಚಿಸಿ ಮಾತನಾಡಿ ಎಂದರು.

ನಗರ ಜೆಡಿಎಸ್ ಅಧ್ಯಕ್ಷ ರಾಂಪುರ ರಾಜಣ್ಣ (ಲೋಕೇಶ್) ಮಾತನಾಡಿ ಇದು ಗರ್ವದ ಹೇಳಿಕೆ, ಹಂಗೆ ಬಿದ್ದಿದ್ದೋಳಿಗೆ ಕಂಬಳಿ ಕೊಟ್ಟಿದ್ದಕ್ಕೆ ಉದ್ದುದ್ದ ಮೊಳ ಹಾಕ್ತಿದ್ಲಂತೆ ಎನ್ನುವ ಗಾದೆಯಂತೆ ಮಾತನಾಡಿದ್ದಾರೆ. ರಾಷ್ಟ್ರೀಯ ಪಕ್ಷದ ನಾಯಕ ಮತ್ತು ಎರಡು ಬಾರಿ ಮುಖ್ಯಮಂತ್ರಿ ಆಗಿದ್ದವರ ಬಗ್ಗೆ ಹೇಗೆ ಮಾತನಾಡಬೇಕೆಂದು ಮೊದಲು ತಿಳಿದುಕೊಳ್ಳಲಿ ಎಂದರು.

ನಮ್ಮ ನಾಯಕರು ರನ್ನಿಂಗ್ ಕುದುರೆಗಳು, ಇವರು ಸತ್ತ ಕುದುರೆಗಳು. ಪ್ರತಿ ಮನೆಗೆ ಕಿಟ್, ಪ್ರತಿ ದಿನ ನಿರ್ಗತಿಕರಿಗೆ ಊಟ. ಬಡವರ ಸೇವೆ ಮಾಡ್ತಿದ್ದಾರೆ. ನಿಮಗೆ ಅಧಿಕಾರ ಇಲ್ಲದಿದ್ದರೇನು ಸರ್ಕಾರ ಇತ್ತಲ್ಲ, ನೀವು ಮಾಡಬಹುದಿತ್ತು. ಆದರೆ ನೀವು ಮಾಡುವುದಿರಲಿ, ಮತದಾರರಿಗೆ ಮುಖವನ್ನು ತೋರಿಸಲಿಲ್ಲ.

ಪತ್ರಿಕಾಗೋಷ್ಠಿ ನಡೆಸುವಾಗ ಒಬ್ಬ ಶಾಸಕರ ಅಕ್ಕಪಕ್ಕದಲ್ಲಿ ಅಧಿಕಾರಿಗಳಿರಬೇಕು. ಆದರೆ ನೀವು ಕಾರ್ಯಕರ್ತರನ್ನು ಕೂರಿಸಿಕೊಂಡು ಪತ್ರಿಕಾಗೋಷ್ಠಿ ನಡೆಸಿದ್ದೀರಿ. ಇದಕ್ಕೆ ಮೊದಲು ಸ್ಪಷ್ಟನೆ ನೀಡಿ ಎಂದು ಆಗ್ರಹಿಸಿದರು. ನೀವು ಹೀಗೆ ನಮ್ಮ ನಾಯಕರ ವಿರುದ್ಧ ಇಲ್ಲಸಲ್ಲದ ಆರೋಪಗಳನ್ನು ಮಾಡಿದರೆ, ಬಹಿರಂಗ ಪ್ರತಿಭಟನೆ ಮಾಡಬೇಕಾದಿತು ಎಂದು ಎಚ್ಚರಿಕೆ ನೀಡಿದರು.

ಪತ್ರಿಕಾಗೋಷ್ಠಿಯಲ್ಲಿ ತಾಲ್ಲೂಕು ಪಿ ಎಲ್ ಡಿ ಬ್ಯಾಂಕ್ ಅಧ್ಯಕ್ಷ ಗೋವಿಂದಳ್ಳಿ ನಾಗರಾಜು, ಜೆಡಿಎಸ್ ನ ಸ್ಥಳೀಯ ಮುಖಂಡ ಹಾಪ್ ಕಾಮ್ಸ್ ದೇವರಾಜು ಉಪಸ್ಥಿತರಿದ್ದರು.

ಗೋ ರಾ ಶ್ರೀನಿವಾಸ...

ಮೊ:9845856139.