ಸಾಧಾರಣ ಅಲಂಕಾರ ಮತ್ತು ಪೂಜೆಯಲ್ಲಿ ಕೆಂಗಲ್ ಆಂಜನೇಯ ಸ್ವಾಮಿ

ಚನ್ನಪಟ್ಟಣ:ಜು/೨೫/೨೦/ಶನಿವಾರ. ಕೊರೊನಾ ಎಂಬ ಮಹಾಮಾರಿಯಿಂದ ಮೊದಲನೆಯ ಶ್ರಾವಣ ಮಾಸದ ಶನಿವಾರವು ವಿಗ್ರಹಗಳಿಗೆ ವಿಶೇಷ ಪೂಜೆಯಿಲ್ಲದೆ, ದರ್ಶಿಸಲು ಭಕ್ತಗಣವೂ ಇಲ್ಲದೆ ಸಂಪೂರ್ಣ ಕಳೆಗುಂದಿತ್ತು.

ಮೊದಲ ಶ್ರಾವಣದಲ್ಲೂ ಬಾಗಿಲು ಮುಚ್ಚಿರುವ ಶ್ರೀ ಅಪ್ರಮೇಯ ಸ್ವಾಮಿ ದೇವಾಲಯ

ಮೊದಲನೆಯ ಶ್ರಾವಣ ಮಾಸದಲ್ಲಿ ಕೆಂಗಲ್ ಆಂಜನೇಯ ಸ್ವಾಮಿ ದೇವಾಲಯದಲ್ಲಿ ಹತ್ತರಿಂದ ಹದಿನೈದು ಸಾವಿರ ಮಂದಿ ಸೇರುತ್ತಿದ್ದರು. ಕೊನೆಯ ಶ್ರಾವಣ ಮುಗಿಯುವ ತನಕವೂ, ಪ್ರತಿ ಶನಿವಾರವೂ ಅಯ್ಯನಗುಡಿಯ ಜಾತ್ರೆಯಂತೆಯೇ ನಡೆಯುತ್ತಿತ್ತು. ಕಲ್ಯಾಣಿ ಪೂಜೆ, ಗರುಡಗಂಭ ಪೂಜೆಯಿಂದ ಮೊದಲ್ಗೊಂಡು, ಕಳಶಾರಾಧನೆ, ಬೆಣ್ಣೆ ಅಲಂಕಾರ, ವಿಶೇಷ ಹೂವಿನ ಅಲಂಕಾರ ನಡೆದು ಸರತಿ ಸಾಲಿನಲ್ಲಿ ನಿಂತ ಭಕ್ತರು ಹರ್ಷದ್ಘಾರಗಳೊಂದಿಗೆ ಪೂಜೆ ಸಲ್ಲಿಸುತ್ತಿದ್ದರು. ಕೊರೊನಾ ಸೋಂಕಿನ ಭಯದಿಂದ ಕೇವಲ ಅರ್ಚಕರು ಮಾತ್ರ ಎಂದಿನ ಪೂಜೆ ಪುನಸ್ಕಾರ ಮಾಡಿ ಬಾಗಿಲು ಮುಚ್ಚಿದರು.

ನಗರದ ದೊಡ್ಡಮಳೂರು ಗ್ರಾಮದ ಶ್ರೀ ಅಪ್ರಮೇಯ ಸ್ವಾಮಿ ದೇವಾಲಯವಂತು ಬೆಳಗ್ಗಿನ ಹನ್ನೊಂದು ಗಂಟೆಯಾದರೂ ಬಾಗಿಲು ತೆರೆದಿರಲಿಲ್ಲ. ನಗರದ ಹೊರವಲಯದ ನೀಲಕಂಠನಹಳ್ಳಿ ಗ್ರಾಮದಲ್ಲಿರುವ ಶ್ರೀ ಶ್ರೀನಿವಾಸ ದೇವಾಲಯದಲ್ಲಿ ಎಂದಿನಂತೆ ಸಾಧಾರಣ ಪೂಜಾ ಕೈಂಕರ್ಯಗಳು ನಡೆದವು. ಇಲ್ಲಿಯೂ ಸಹ ಹೇಳಿಕೊಳ್ಳುವ ಭಕ್ತರು ಸೇರಿರಲಿಲ್ಲ.

ಸಾಧಾರಣ ಅಲಂಕಾರ ಮತ್ತು ಪೂಜೆಯಲ್ಲಿ ಕೆಂಗಲ್ ಆಂಜನೇಯ ಸ್ವಾಮಿ

ಕೋಟೆ ಪ್ರದೇಶದಲ್ಲಿರುವ ಶ್ರೀ ವರದರಾಜ ಸ್ವಾಮಿ ದೇವಾಲಯದಲ್ಲಿಯೂ ಸಹ ಸಾಧಾರಣ ಪೂಜೆ ನಡೆಯಿತೇ ವಿನಹ ವಿಶೇಷ ಪೂಜೆಗಳು ಇರಲಿಲ್ಲ. ಶ್ರಾವಣದ ಹಿಂದಿನ ದಿನ ನಗರದ ಬಹುತೇಕ ಪ್ರದೇಶಗಳಲ್ಲಿ ಸ್ವಾಮಿಯ ಮೆರವಣಿಗೆ ನಡೆಯುತ್ತಿತ್ತು. ಶುಕ್ರವಾರ ಮಧ್ಯಾಹ್ನ ಒಂದು ಗಂಟೆಗೆ ಸ್ವಾಮಿ ಹೊರಟರೆ ರಾತ್ರಿ ಹತ್ತು ಗಂಟೆಗೆ ಮತ್ತೆ ದೇವಾಲಯಕ್ಜೆ ಬಿಜಂಗೈಯುತ್ತಿತ್ತು. ಆದರೆ ಈ ವರ್ಷ ಯಾವುದೇ ರೀತಿಯ ಕಾರ್ಯಕ್ರಮಗಳು ನಡೆಯಲಿಲ್ಲ.

ನಗರದ ಲಕ್ಷ್ಮಿ ನಾರಾಯಣ ದೇವಾಲಯ ಸೇರಿದಂತೆ ತಾಲ್ಲೂಕಿನಾದ್ಯಂತ ಇರುವ ವೆಂಕಟೇಶ್ವರ, ಹನುಮಂತ ದೇವಾಲಯಗಳು, ಇನ್ನಿತರ ದೇವರುಗಳ ದೇವಾಲಯಗಳು ಕೊರೊನಾ ಭಯದಿಂದ ಬೆಳಗಿನ ಸಾಧಾರಣ ಪೂಜೆಗಷ್ಟೇ ಸೀಮಿತವಾಗಿದ್ದರಿಂದ ಭಕ್ತರು ನಿರಾಸೆಯಾಗಿದ್ದರು. ಇನ್ನೂ ಕೆಲ ಭಕ್ತಾದಿಗಳು ದೇವಾಲಯಗಳ ಬಾಗಿಲಿನ್ನೇ ಪೂಜಿಸುವ ಮೂಲಕ ತಮ್ಮ ಭಕ್ತಿಯನ್ನು ಮೆರದು ಸಾರ್ಥಕಗೊಂಡರು.

ಗೋ ರಾ ಶ್ರೀನಿವಾಸ...

ಮೊ:9845856139.