ಬಯಲುಸೀಮೆ ಸಂಪಾದಕ ಸು ತ ರಾಮೇಗೌಡ

ಚನ್ನಪಟ್ಟಣ:ಆ/11/20/ಮಂಗಳವಾರ. ಚನ್ನಪಟ್ಟಣ ಕ್ಷೇತ್ರದ ಮಾಜಿ ಶಾಸಕ, ಹಾಲಿ ವಿಧಾನ ಪರಿಷತ್ ಸದಸ್ಯರಾದ ಸಿ.ಪಿ ಯೋಗೇಶ್ವರ್‌ಗೆ ಎರಡು ಮುಖವಿದೆ. ಬಾಹ್ಯವಾಗಿ ತೋರಿಸುವುದೇ ಒಂದು ಮುಖ, ಆಂತರಿಕವಾಗಿ ನಡೆಯುವುದೇ ಮತ್ತೊಂದು ಮುಖ.

ಈಗಾಗಲೇ ಆ ರೀತಿಯಲ್ಲಿ ಪ್ರಯೋಗ ಮಾಡಿ ಸಾಕಷ್ಟು ಪಳಗಿದ್ದಾರೆ. ಆಮೇಲೆ ಸಮಯಕ್ಕೆ ಒಂದು ಕಥೆ ಹೆಣೆಯುವುದು ಅವರಿಗೆ ರಕ್ತಗತವಾಗಿ ಬಂದಿರುವ ಗುಣ.

ಈಗ ಅವರು ಒಂದು ಕಡೆ ಕಾಂಗ್ರೆಸ್ ನಾಯಕರನ್ನು, ಮತ್ತೊಂದು ಕಡೆ ಜೆಡಿಎಸ್ ನಾಯಕರನ್ನು ವಿರೋಧ ಕಟ್ಟಿಕೊಂಡು ಆಗಿದೆ. ಅದರಿಂದ ಅವರು ಉಳಿಯಲು ಬೇರೆ ಬೇರೆ ತಂತ್ರ ಮಾಡಲೇಬೇಕು.

ಆ ದಿಕ್ಕಿನಲ್ಲಿ ಅವರು ಈಗ ಸಾಕಷ್ಟು ವೇಗವಾಗಲಿದ್ದಾರೆ. ಭವಿಷ್ಯದ ದಿನಗಳಲ್ಲಿ ಕಾಂಗ್ರೆಸ್ ಹಾಗೂ ಜೆಡಿಎಸ್ ಎರಡೂ ಪಕ್ಷಗಳಲ್ಲಿ ಯಾರ‍್ಯಾರು ಅಸಹನೆಯನ್ನು ಹೊಂದಿದ್ದಾರೆ, ಅವರನ್ನು ತನ್ನತ್ತ ಸೆಳೆಯುವ ಒಂದು ಗುರಿಯನ್ನು ಹೊಂದಿದ್ದಾರೆ.

ಯಾವ ಯಾವ ಪಕ್ಷ ದಲ್ಲಿ ಅತೃಪ್ತರು ಇದ್ದಾರೆ, ಅವರಿಗೆ ಯಾವ ರೀತಿಯಲ್ಲಿ ಬಲೆ ಹಾಕಿ ತನ್ನ ಕಡೆಗೆ ಸೆಳೆಯಬೇಕು ಅದಕ್ಕೆ ಪೂರ್ವಭಾವಿ ತಯಾರಿ ಏನು ಮಾಡಬೇಕು ಎಂಬುದೆಲ್ಲವನ್ನೂ ಚಿಂತಿ ಸಿದ್ದಾರೆ.

ಈ ಸಾರಿ ಮಾಡುವ ಪ್ರಯೋಗವು ತಮಗೆ ಯಾವ ರೀತಿಯಲ್ಲಿ ಒಲಿಯಬೇಕು ಎಂಬುದನ್ನು ಈಗಿನಿಂದಲೇ ಕೂಡಿ ಕಳೆಯುವ ಒಂದು ದಾರಿಯಲ್ಲಿ ಅವರು ಇದ್ದಾರೆ ಎಂಬುದು ಗಮನಾರ್ಹ.

*ನೇರಚುನಾವಣೆಯ ಕಡೆಗೆ ಒಲವು*

ಇಲ್ಲದ್ದಕ್ಕೆ ಹಲ್ಲು ಬೀರನೇ ಗಂಡ ಎಂದು ಯೋಗೇಶ್ವರ್ ವಿಧಾನ ಪರಿಷತ್ ಸದಸ್ಯಗಿರಿಯನ್ನು ಎರಡೂವರೆ ವರ್ಷ ಕಟ್ಟಿ ಕೊಂಡಿರಬಹುದು, ಆನಂತರದಲ್ಲಿ ನೇರ ಚುನಾವಣೆಯ ಕಡೆಗೆ ಮುಖ ಮಾಡುವ ಲೆಕ್ಕ ಹೊಂದಿದ್ದಾರೆ.

ಸದ್ಯದ ಪರಿಸ್ಥಿತಿಯಲ್ಲಿ ಯೋಗೇಶ್ವರ್ ವಿಧಾನ ಪರಿಷತ್ ಸ್ಥಾನದಿಂದ, ಕ್ಷೇತ್ರದಲ್ಲಿ ಪಕ್ಷವನ್ನು ಗಟ್ಟಿಗೊಳಿಸಲಿರುವುದು ಈಗಿನ ಅವರ ಗುಪ್ತ ವಿಷಯ ಸೂಚಿಯಾಗಿದೆ.

ಈ ರೀತಿಯ ಪ್ರಯೋ ಗದಿಂದ ಜೆಡಿಎಸ್ ನಾಯಕ ಹೆಚ್.ಡಿ ಕುಮಾರಸ್ವಾಮಿ ಹಾಗೂ ಕಾಂಗ್ರೆಸ್ ನಾಯಕ ಡಿ.ಕೆ.ಶಿಯನ್ನು ಈ ಕ್ಷೇತ್ರದಲ್ಲಿ ಕಟ್ಟಿ ಹಾಕುವ ಒಂದು ತಂತ್ರವೂ ಸಹ ಇದೆ.

ಡಿ.ಕೆ.ಶಿ ಇಲ್ಲದಿದ್ದರೂ ಡಿ.ಕೆ ಸುರೇಶ್ ಅವರನ್ನು ಕಟ್ಟಿ ಹಾಕಿ ಅವರು ಮೈ ಪರಚಿಕೊಳ್ಳುವ ರೀತಿಯಲ್ಲಿ ಮಾಡುವ ಒಂದು ಪ್ರಯೋಗವು ಇದರ ಹಿಂದೆ ಅಡಗಿರುವುದು ಗುಟ್ಟಿನ ವಿಷಯವಲ್ಲ.

ಕಳೆದ ೨೦ ವರ್ಷಗಳಿಂದಲೂ ಇದೇ ಒಂದು ತಂತ್ರವನ್ನು ಬಳಸಿ ಕಾಂಗ್ರೆಸ್ ಹಾಗೂ ಜೆಡಿಎಸ್‌ನವರಿಗೆ ಟಾಂಗ್ ಕೊಡುತ್ತಲೇ ಬರುತ್ತಿದ್ದಾರೆ. ಒಂದೆರಡು ಸಾರಿ ವಿಫಲವಾಗಿದ್ದೂ ಸಹ  ಉಂಟು.

ಆದರೆ ಈ ಸಾರಿ ಆ ರೀತಿಯಲ್ಲಿ ಆಗದಂತೆ ನೋಡಿಕೊಳ್ಳುವ ಒಂದು ದಿಕ್ಕಿನಲ್ಲಿ ಅವರು ವೇಗವಾಗಬಹುದಾದ ಎಲ್ಲಾ ಸೂಚನೆಗಳು ಇವೆ. ಅದು ಯಾವ ರೀತಿಯದ್ದು ಎಂದು ಪರದೆಯ ಮೇಲೆ ನೋಡಬೇಕು.

*ಗೌರವ ಉಳಿಸಿಕೊಳ್ಳಬೇಕಾದ ಸಂದಿಗ್ಧತೆ:*

ಕಳೆದ ಚುನಾವಣೆಯಲ್ಲಿ ಕಾಂಗ್ರೆಸ್‌ನಿಂದ ಬಿಜೆಪಿಗೆ ಬಂದಾಗ ಯಡವಟ್ಟು ಆಗಿರುವುದು ನಿಜ. ಆದರೆ ಈ ಸಾರಿ ಎರಡೂವರೆ ವರ್ಷ ಕಾಲ ತನ್ನದೇ ಆದ ಪ್ರಯೋ ಗದಲ್ಲಿ ನಿರತರಾಗಿ ಯಶಗಳಿಸಬಹುದು.

ಈ ಒಂದು ಲೆಕ್ಕಾಚಾರ ದಲ್ಲಿ ಅವರು ಯಾವ ಯಾವ ರೀತಿಯಲ್ಲಿ ಪ್ರಯೋಗ ಮಾಡಬಹುದೋ ಆ ಎಲ್ಲಾ ರೀತಿಯಲ್ಲಿಯೂ ಪ್ರಯೋಗ ಮಾಡುತ್ತಿರುವುದು ಕಂಡು ಬರುತ್ತಿದೆ.

ಅದನ್ನು ಸಾಧಿಸಿ ತೋರಿಸುವ ಹಿನ್ನೆಲೆಯಲ್ಲಿ ಅವರು ಯಾವುದೇ ರೀತಿಯಲ್ಲಿ ಬೇಕಾದರೂ ಅರ್ಪಿಸಿಕೊಳ್ಳುವ ಲೆಕ್ಕದಲ್ಲಿ ಇರುವುದು ಗೋಚರಿಸುತ್ತಿದೆ.

ಅದರ ಹಿನ್ನೆಲೆಯಲ್ಲಿ ಈಗ ಅವರು ತಮ್ಮ ಹೊಸ ಹೊಸ ಪ್ರಯೋಗ ಗಳನ್ನು ಹೇಗೆ ಮಾಡಬಹುದು ಎಂಬುದನ್ನು ಪರದೆಯ ಮೇಲೆಯೇ ನೋಡಬೇಕು. ಅದು ಯಾವ ರೂಪದಲ್ಲಿ ಘಟಿಸುತ್ತದೆ ಎಂದು ಕಾದು ನೋಡ ಬೇಕಾಗಿದೆ.

ಯೋಗೇಶ್ವರ್ ಅವರೂ ಸಹ ಸಮಯ ನೋಡಿ ಹುಳುಮೆ ಮಾಡುವ ಗಿರಾಕಿ. ಅದನ್ನು ಕ್ರಮಬದ್ಧ ವಾಗಿ ಮಾಡಿ ತಮ್ಮ ದಾರಿಯನ್ನು ಹಸನು ಮಾಡಿ ಕೊಳ್ಳುವ ಕೆಲಸವನ್ನು ಅವರು ಕ್ರಮಬದ್ಧವಾಗಿ ಮಾಡಬಲ್ಲರು. ಇದೇ ವಿಷಯವನ್ನು ಈಗ ಜನರೂ ಸಹ ಹೇಳುವ ಕೆಲಸವನ್ನು ಮಾಡುತ್ತಿದ್ದಾರೆ.

ಗೋ ರಾ ಶ್ರೀನಿವಾಸ...

ಮೊ:9845856139.