ಚನ್ನಪಟ್ಟಣ:ಆ/18/20/ಮಂಗಳವಾರ.

ಹಿರಿಯ ಪತ್ರಕರ್ತ ಸು ತ ರಾಮೇಗೌಡ

ನಗರೋತ್ಥಾನ ಎಂಬ ಪದದ ಅರ್ಥ, ನಗರವನ್ನು ಹಲವು ಹತ್ತು ರೀತಿಯಲ್ಲಿ ಉನ್ನತೀಕರಿಸುವುದು ಎಂದು. ಆದರೆ ಈ ಯೋಜನೆಯು ನಗರದ ಜನರ ಆರೋಗ್ಯ ಕೆಡಿಸುತ್ತಿದೆ, ಅಲ್ಲಿನ ಜನರ ಗೌರವ ಕಳೆಯುತ್ತಿದೆ ಎಂದು ನಿಧಾನಕ್ಕೆ ಅರ್ಥವಾಗುತ್ತಿದೆ.

ನಗರಸಭೆಯು ನಗರೋತ್ಥಾನ ಎಂಬ ಯೋಜನೆಯ ಅಡಿಯಲ್ಲಿ ಸಿಮೆಂಟ್ ಬಾಕ್ಸ್ ಡ್ರೈನೇಜ್ ಗಳನ್ನು ಮಾಡುತ್ತಿದೆ, ಆದರೆ ಅದನ್ನು ಮುಚ್ಚುತ್ತಿಲ್ಲ.

ಹೀಗೆ ನೀವು ಮುಚ್ಚದೆ ಹಾಗೆ ಬಿಟ್ಟರೆ ಅಲ್ಲಿ ಸೊಳ್ಳೆಗಳ ಸಂತಾನವೃದ್ಧಿಯಾಗುತ್ತದೆ. ಆ ಮೋರಿಗಳಿಗೆ ಕಸ ಕಡ್ಡಿ ತುಂಬಿಕೊಂಡು ಕೊಳೆತು ಕೆಟ್ಟವಾಸನೆಯು ಬರುತ್ತದಲ್ಲ ಎಂದು ನಗರ ಸಭೆಯ ಆಯುಕ್ತರನ್ನು ಕೇಳಿದರೆ ಅವರಿಂದ ಸಮರ್ಪಕ ಉತ್ತರವಿಲ್ಲ.

ನಗರೋತ್ಥಾನ ಯೋಜ ನೆಯ ಅಡಿ ಬಾಕ್ಸ್ ಡ್ರೈನೇಜ್ ಮಾಡುವುದಕ್ಕೆ ಅವಕಾಶವಿದೆ, ಅದಕ್ಕೆ ಮೇಲ್ಗಡೆ ಸ್ಲಾಬ್ ಅಳವಡಿಸಲು ಅವಕಾಶವಿಲ್ಲ ಎಂದು ಹೇಳುತ್ತಾರೆ.

ಅಂದರೆ ಈ ಯೋಜನೆ ಯನ್ನು ಸಿದ್ದಪಡಿಸಿದವರಲ್ಲಿ ಚರಂಡಿಯಲ್ಲಿ ಕಸಕಡ್ಡಿ ತುಂಬಿದರೆ ಅಲ್ಲಿ ಗಬ್ಬುನಾತ ಬರುತ್ತದೆ ಎಂಬ ಕಲ್ಪನೆಯೇ ಇರಲಿಲ್ಲವೇ ಎಂದು ತಿಳಿಯದು.

ಚರಂಡಿಗೆ ಕಕ್ಕಸ್ಸು ನೀರು ಬಿಡುವ ಪರಿಕಲ್ಪನೆ ಇರಲಿಕ್ಕಿಲ್ಲ

ಬೇರೆ ನಗರಗಳಲ್ಲಿ ಒಳ ಚರಂಡಿ ವ್ಯವಸ್ಥೆಯು ಇರ ಬಹುದು, ಆದರೆ ಚನ್ನಪಟ್ಟಣ ನಗರದಲ್ಲಿ ಒಳಚರಂಡಿ ವ್ಯವಸ್ಥೆ ಇಲ್ಲ. ಕಕ್ಕಸ್ ಬಾವಿಯನ್ನು ಉಳ್ಳವರು ಬೆರಳೆಣಿಕೆಯ ಸಂಖ್ಯೆಯಲ್ಲಿ ಇರಬಹುದು.

ಆದರೆ ಕಳೆದ 5 ವರ್ಷಗಳ ಹಿಂದೆಯೇ ಪ್ರತಿರಸ್ತೆಯಲ್ಲಿಯೂ ಸಹ ಒಳಚರಂಡಿ ಪೈಪ್ ಅಳವಡಿಸಿ, ನಿರ್ವಹಣಾ ಬಾವಿಗಳನ್ನೂ ಸಹ ನಿರ್ಮಿಸಲಾಯ್ತು.

ಈವರೆಗೂ ಸಹ ಆ ಬಾವಿಗಳಿಗೆ ಸಂಪರ್ಕ ನೀಡಿ ಒಳಚರಂಡಿಗೆ ಚಾಲನೆ ನೀಡಿ, ಆ ಕೊಳಕು ನೀರನ್ನು ಸೆಪ್‌ಟಿಕ್ ಟ್ಯಾಂಕ್ ಮಾಡಿ ಹರಿಸುವ ಗೋಜಿಗೇ ಹೋಗಲಿಲ್ಲ.

ಹೀಗಾಗಿ ಅದು ಅಲ್ಲಿಯೇ ಮುಲ್ಕಿ ಬಿದ್ದು, ಇಡೀ ಊರನ್ನೇ ಗಬ್ಬು ಏಳಿಸುವುದು ಕಂಡು ಬರುತ್ತಿದೆ. ಕೆಲವು ಕಡೆ ಕನ್ಸರ್‌ವೆನ್ಸಿಗಳು ಉಳಿದಿವೆ. ಅಲ್ಲಿನ ಪಕ್ಕದ ಮನೆಗಳಿಗೆ ವಾಸನೆ ಹಾಗೂ ಸಮೃದ್ಧವಾಗಿ ಸೊಳ್ಳೆಗಳು ಹೆಗಲು ಏರಿಕೊಂಡಿವೆ.

*ಕೆಲವು ಕಡೆ ಚರಂಡಿ ಗಳ ಮೇಲೆ ಸ್ಲಾಬ್*

ಎಂತಹ ವಿಚಿತ್ರವೆಂದರೆ ಅಂಚೆ ಕಛೇರಿ ರಸ್ತೆಯಲ್ಲಿ ಚರಂಡಿಗಳ ಮೇಲೆ ಸಿಮೆಂಟ್ ಚಪ್ಪಡಿಗಳನ್ನು ಹಾಕಿ ಮುಚ್ಚಲಾಗಿದೆ, ಆದರೆ ರೈಲ್ವೇ ಸ್ಟೇಷನ್ ರಸ್ತೆ, ಮೂರ್ತಿಮಹಲ್ ರಸ್ತೆಯ ಲ್ಲಿನ ಚರಂಡಿಗಳಿಗೆ ಸಿಮೆಂಟ್ ಚಪ್ಪಡಿ ಹಾಕಿಲ್ಲ.

ಹಾಕಿರುವುದು ಯಾವ ಯೋಜನೆ, ಹಾಕದೇ ಇರುವುದು ಯಾವ ಯೋಜನೆ ಎಂದೇ ತಿಳಿಯದು. ಯಾವುದೇ ಒಂದು ಯೋಜನೆ ರೂಪಿಸುವಾಗ ತೆರೆದ ಚರಂಡಿಗಳನ್ನು ಮುಚ್ಚದೇ ಹೋದರೆ ಎಂತಹ ಅನಾಹುತವಾಗುತ್ತದೆ ಎಂದು ತಿಳಿಯದೇ?.

ಅಂತೂ ನಗರವ್ಯಾಪ್ತಿ ಯಲ್ಲಿ ಅನೇಕ ಬೀದಿಗಳಲ್ಲಿ ತೆರೆದ ಚರಂಡಿಯನ್ನು ಮಾಡಿದ ನಂತರ, ಹಿಂದಿನ ಯೋಜನೆಯಂತೆ ಗಬ್ಬುವಾಸನೆಯನ್ನು ತಡೆಯಲಾ ಗದೆ, ಮನೆಯ ಮಾಲೀಕರೆ ಮೇಲ್ಗಡೆ ಕಲ್ಲು ಹಾಸು ಅಥವಾ ಸಿಮೆಂಟ್ ಹಾಸು ಗಳನ್ನು ಹಾಕಿಕೊಳ್ಳುತ್ತಿದ್ದಾರೆ.

ಆದರೆ ಅಷ್ಟೊಂದು ದುಬಾರಿ ಹಣವನ್ನು ತೆರಲು ಎಲ್ಲಾ ನಿವಾಸಿಗಳು ಸಿದ್ದರಿಲ್ಲ. ಸಿದ್ದರಾಗಿರುವವರು ಮಾಡಿಸಿಕೊಳ್ಳಬಹುದು, ಉಳಿದವರು ಖಾಲಿ ಬಿಟ್ಟು ಅದರಿಂದ ವಾಸನೆಯು ನಿರಂತರವಾಗಿ ಪಸರಿಸುತ್ತದೆ.

ಹಿಂದೆ ಕೇವಲ ನೀರು ಮಾತ್ರ ಹರಿಯುತ್ತಿತ್ತು, ಈಗ ಕಕ್ಕಸ್ಸು ಸಮೇತ ಹರಿಯುತ್ತಾ ವಾಸನೆಯ ಜೊತೆಗೆ ಅಸಹ್ಯ ದೃಷ್ಯ ವನ್ನೂ ಸಹ ಹೊರ ಹೊಮ್ಮಿಸುವ ಕೆಲಸವನ್ನು ಮಾಡುತ್ತಿದೆ.

ಇದಕ್ಕೆ ಬೇಗ ಪರಿಹಾರ ಕಂಡು ಹಿಡಿಯುವ ಕೆಲಸವನ್ನು ನಗರಸಭೆ ಅಥವಾ ತಾಲ್ಲೂಕು ಆಡಳಿತ ಗಮನಿಸಿ ಮಾಡಬೇಕಾಗಿದೆ. ಆ ಕೆಲಸ ಆದಷ್ಟು ಬೇಗ ಆಗಬೇಕು.

ಇಲ್ಲದೇ ಹೋದರೆ ಈ ನಗರ ವಾಸಿಗಳು ಬೇರೆ ಬೇರೆ ರೀತಿಯ ಸಮಸ್ಯೆ ಗಳಿಗೆ ಒಳಗಾಗಬೇಕಾದ ಸಂದರ್ಭ ಒದಗಿ ಬರಬಹುದಾಗಿದೆ. ಇದು ಬರದ ರೀತಿಯಲ್ಲಿ ನೋಡಿಕೊಳ್ಳಬೇಕಾದ ಅನಿವಾರ್ಯತೆ ಇದೆ.

ಈಗಾಗಲೇ ಮಾಧ್ಯಮಗಳು ಈ ನಗರ ವ್ಯಾಪ್ತಿಯಲ್ಲಿ ಇರುವ ಅನೇಕ ಸಮಸ್ಯೆಗಳನ್ನು ಬಿಡಿ ಬಿಡಿ ಯಾಗಿ ಚರ್ಚಿಸಿದ್ದು ಇದೆ, ಆದರೆ ಯಾವುದಕ್ಕೂ ಪರಿಹಾರ ದೊರೆತಿಲ್ಲ.

ಗೋ ರಾ ಶ್ರೀನಿವಾಸ...

ಮೊ:9845856139.