ಚನ್ನಪಟ್ಟಣ:ಆ/24/20/ಸೋಮವಾರ. ಕುಮಾರಸ್ವಾಮಿ ಯವರು ನಮ್ಮ ಸರ್ಕಾರದ ಮೇಲೆ ಆರೋಪ ಮಾಡುವುದಿಲ್ಲ. ಅವರು ನಮ್ಮವರು, ಅವರು ಬಿಜೆಪಿ ನೇತೃತ್ವದ ಸರ್ಕಾರದ ಜೊತೆ ಚನ್ನಾಗಿದ್ದಾರೆ. ಸಲಹೆ ಸೂಚನೆ ಕೊಡುತ್ತಿದ್ದಾರೆ. ಡಿಕೆ ಸಹೋದರರೇ ದೊಡ್ಡ ಕಳ್ಳರು. ಅವರು ನಮ್ಮನ್ನು ಕಳ್ಳರು ಎಂದು ಹೇಳುತ್ತಾರೆ ಎಂದು ವಿವಾದಾತ್ಮಕ ಹೇಳಿಕೆಯನ್ನು ನೀಡುವ ಮೂಲಕ ತಮ್ಮ ವಾಗ್ಜರಿಯನ್ನು ಮುಂದುವರೆಸಿದರು.

ಅವರು ಇಂದು ತಾಲ್ಲೂಕು ಪಂಚಾಯತಿ ಕಾರ್ಯಾಲಯದಲ್ಲಿ ಗ್ರಾಮ ಪಂಚಾಯತಿ ಪಿಡಿಓ ಮತ್ತು ಆಡಳಿತಾಧಿಕಾರಿಗಳ ಸಭೆಯ ನಂತರ ಪತ್ರಕರ್ತರ ಪ್ರಶ್ನೆಗೆ ಉತ್ತರಿಸಿದರು.

ನರೇಗಾ ಕಾಮಗಾರಿಯ ಬಿಲ್ಲನ್ನು ಮಾಡಿಕೊಡದೆ ಅಭಿವೃದ್ಧಿಗೆ ಬಿಜೆಪಿ ಸರ್ಕಾರ ಅಡ್ಡಗಾಲಾಗಿದೆ ಎಂದು ಕುಮಾರಸ್ವಾಮಿ ದೂರಿದ್ದಾರೆ. ಡಿ ಕೆ ಶಿವಕುಮಾರ್ ನರೇಗಾ ಕಾಮಗಾರಿಗೆ ಸಂಬಂಧಿಸಿದಂತೆ ಸರ್ಕಾರ ಪೋನ್ ಕದ್ದಾಲಿಕೆ ಮಾಡುತ್ತಿದೆ ಎಂದು ದೂರಿದ್ದಾರೆ ಎಂಬ ಪ್ರಶ್ನೆಗೆ ಅವರು ಈ ರೀತೀಯಾಗಿ ಉತ್ತರಿಸಿದರು. 

ಇದಕ್ಕೂ ಮೊದಲು ತಾಲ್ಲೂಕು ಪಂಚಾಯ್ತಿ ಸಭಾಂಗಣದಲ್ಲಿ ತಾಲ್ಲೂಕು ಪಂಚಾಯ್ತಿ ಅಧ್ಯಕ್ಷ ಹೆಚ್.ರಾಜಣ್ಣನವರ ಅಧ್ಯಕ್ಷತೆಯಲ್ಲಿ ನಡೆದ ಗ್ರಾಮ ಪಂಚಾಯ್ತಿ ವ್ಯಾಪ್ತಿಯಲ್ಲಿ ಅನುಷ್ಠಾನಗೊಂಡಿರುವ ಸರ್ಕಾರದ ಯೋಜನೆಗಳ ಪ್ರಗತಿ ಪರಿಶೀಲನಾ ಸಭೆಯಲ್ಲಿ ಭಾಗವಹಿಸಿದ್ದ ವಿಧಾನ ಪರಿಷತ್ ಸದಸ್ಯ ಸಿ.ಪಿ ಯೋಗೇಶ್ವರ್ ಅವರು ಪಾಲ್ಗೊಂಡು ಹಲವು ಸಲಹೆಗಳನ್ನು ನೀಡಿದರು.

ಈಗಾಗಲೇ ಸರ್ವೇ ನಂಬರ್‌ಗಳಲ್ಲಿ ಮನೆ ಕಟ್ಟಿಕೊಂಡಿರುವವರಿಗೆ ಶೀಘ್ರವಾಗಿ ೧೧ಬಿ ಖಾತೆ ಮಾಡಿಕೊಡಿ. ಅವರಿಗೆ ಸರ್ಕಾರಿ ಸವಲತ್ತುಗಳು ದೊರೆಯುವಂತಾಗಲಿ ಎಂದರು.

ಹಲವಾರು ವಸತಿ ಯೋಜನೆಗಳಡಿಯಲ್ಲಿ ಮನೆಗಳು ಕಾಲುಭಾಗ, ಅರ್ಧಭಾಗ ಕಾಮಗಾರಿ ಆಗಿದ್ದು, ಅವುಗಳಿಗೆ ಬಾಕಿ ಹಣ ಬಿಡುಗಡೆಯಾಗದಿ ರುವುದರಿಂದ   ಮನೆಗಳ ಕೆಲಸ ನಿಂತು ಹೋಗಿದೆ. ನಾಲ್ಕು ಕೋಟಿ ಬಿಡುಗಡೆ ಯಾದರೆ ಮನೆಗಳು ಸಂಪೂರ್ಣವಾಗುತ್ತವೆ ಎಂದು ಹಲವಾರು ಪಿಡಿಓ ಗಳು ಮತ್ತು ಆಡಳಿತಾಧಿ ಕಾರಿಗಳು ವರದಿ ನೀಡಿದರು.

ನರೇಗಾ ಯೋಜನೆಗ ಳಲ್ಲಿ ಕೆಲ ಕೆರೆಗಳು, ಕಟ್ಟೆಗಳ ಹೂಳು ತೆಗೆದಿದ್ದು ಪಿಚ್ಚಿಂಗ್ (ಕಲ್ಲು ಕಟ್ಟುವಿಕೆ) ಆಗದೆ ಇರುವವು ಬೆರಳೆಣಿಕೆ ಯಷ್ಟು ಮಾತ್ರ ಇವೆ. ಬದು ಗಳು, ಕೃಷಿ ಹೊಂಡಗಳು, ದನದ ಕೊಟ್ಟಿಗೆಗಳ ಕಾಮಗಾರಿ ಸಂಪೂರ್ಣ ಮುಗಿ ದಿವೆ. ಇ-ಸ್ವತ್ತು ಚಾಲ್ತಿಯಲ್ಲಿವೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದರು.

ಕೂಡ್ಲೂರು ಗ್ರಾಮದಲ್ಲಿ ಒಂದು ಬಡಾವಣೆ ನಿರ್ಮಾಣವಾಗಿ ಹಲವಾರು ವರ್ಷಗಳೇ ಕಳೆದರೂ  ಮನೆ ಕಟ್ಟಲು ಸಾಧ್ಯವಾಗುವಂತೆ ದಾಖಲೆಗಳನ್ನು ಸರಿ ಮಾಡಿ ಮನೆ ನಿರ್ಮಿಸಲು ಅನುಕೂಲ ಮಾಡಿ ಕೊಡುವಂತೆ ಗ್ರಾಮ ಪಂಚಾಯತಿ ಪಿಡಿಓಗೆ ಸಿಪಿವೈ ಖಡಕ್ ವಾರ್ನಿಂಗ್ ನೀಡಿದರು.

ತಾಲ್ಲೂಕಿನಾದ್ಯಂತ ರೆವಿನ್ಯೂ ಸೈಟ್‌ಗಳ ಕಾಮಗಾರಿ ಎಲ್ಲೆಲ್ಲಿ ನಡೆಯು ತ್ತಿದೆಯೋ ಅದನ್ನು ತಾಲ್ಲೂಕು ಆಡಳಿತ, ಜಿಲ್ಲಾಡಳಿತದ ಗಮನಕ್ಕೆ ತಂದು ನಿಲ್ಲಿಸಿ.

ಸರ್ಕಾರಕ್ಕೆ ಬಿಡಬೇಕಾದ ಸಿಎ ಸೈಟ್‌ಗಳನ್ನು ಬಿಡದೆ ಮನೆ ಕಟ್ಟುತ್ತಿರುವುದರಿಂದ ಮುಂದೆ ನೀರಿನ ಟ್ಯಾಂಕ್, ಅಂಗನವಾಡಿ ಮತ್ತು ಸ್ಕೂಲ್ ಕಟ್ಟಡ ಕಟ್ಟಲು ಅನಾನುಕೂಲವಾಗುತ್ತಿದೆ ಎಂದು ಅಧ್ಯಕ್ಷ ಹರೂರು ರಾಜಣ್ಣ , ಪಿಡಿಓ ಮತ್ತು ಆಡಳಿತಾಧಿಕಾರಿಗಳಿಗೆ ಸೂಚನೆ ನೀಡಿದರು.

ಸಿಪಿವೈ ಮತ್ತೆ ಮಾತ ನಾಡಿ ನಾನು ಮೇಲ್ಮನೆ ಸದಸ್ಯನಾಗಿ ಈ ಸಭೆಯಲ್ಲಿ ಅಧಿಕೃತವಾಗಿ ಭಾಗವಹಿಸಿ, ತಾಲ್ಲೂಕಿನ ಜನರ ಕಷ್ಟವನ್ನು ಅರಿತು ಅವರಿಗೆ ತಲುಪಬೇಕಾದ ಸವಲತ್ತು ಗಳನ್ನು ತಲುಪಿಸಲು ಪ್ರಯತ್ನಿಸುತ್ತೇನೆ ಎಂದರು.

ನರೇಗಾ ಯೋಜನೆಯಡಿಯಲ್ಲಿ ಬಾಕಿ ಉಳಿದಿರುವ ಹಣ ಬಿಡುಗಡೆಗಾಗಿ ಸಂಬಂಧಿಸಿದ ಎಲ್ಲಾ ಅಧಿಕಾರಿಗಳ ಬಳಿ ಮಾತಾನಾಡಿದ್ದೇನೆ. ಕನಕಪುರ ತಾಲೂಕು ಒಂದರಲ್ಲಿ ಸಮಸ್ಯೆ ಉಂಟಾಗಿರುವುದರಿಂದ ಇಡೀ ಜಿಲ್ಲೆಯಲ್ಲಿ ಸಮಸ್ಯೆ ಆಗಿದೆ. ಶೀಘ್ರವಾಗಿ ಪರಿಹರಿಸುತ್ತೇವೆ ಎಂದು ಅಧಿಕಾರಿಗಳು ಉತ್ತರಿಸಿದ್ದಾರೆ ಎಂದು ಇದೇ ವೇಳೆ ಅವರು ತಿಳಿಸಿದರು.

ತಾಲ್ಲೂಕು ಪಂಚಾಯತಿ ಕಾರ್ಯಾಲಯದಲ್ಲಿ ನಡೆದ ಅಧಿಕಾರಿಗಳ ಸಭೆಯಲ್ಲಿ ತಾಲ್ಲೂಕಿನ ಬಿಜೆಪಿ ಮುಖಂಡರು ಆರಂಭದಿಂದ ಕೊನೆಯವರೆಗೂ ಆಸೀನರಾಗಿದ್ದು ಯೋಗೇಶ್ವರ್ ಮಾತನ್ನು ಆಲಿಸುವ ಮೂಲಕ ಇದು ಅಧಿಕಾರಿಗಳ ಸಭೆಯೋ ಅಥವಾ ಕಾರ್ಯಕರ್ತರ ಸಭೆಯೋ ಎಂಬ ಗೊಂದಲ ಮೂಡಿದ್ದು ಸಹಜವಾಗಿತ್ತು.

ಕಾರ್ಯಕ್ರಮದಲ್ಲಿ ತಾಲ್ಲೂಕು ಪಂಚಾಯತಿ ಕಾರ್ಯನಿರ್ವಹಣಾಧಿಕಾರಿ ಚಂದ್ರು, ಸ್ಥಾಯಿ ಸಮಿತಿ ಅಧ್ಯಕ್ಷ ಸುರೇಶ್ ಹಾಗೂ ತಾಲ್ಲೂಕಿನ ವಿವಿಧ ಇಲಾಖೆಯ ಅಧಿಕಾರಿಗಳು ಹಾಜರಿದ್ದರು.

ಗೋ ರಾ ಶ್ರೀನಿವಾಸ...

ಮೊ:9845856139.