ಚನ್ನಪಟ್ಟಣ:ನ/03/20/ಮಂಗಳವಾರ. ತಾಲೂಕಿನ ಹಿರಿಮೆಯ ಗರಿ, ಪುರಾಣ ಪ್ರಸಿದ್ಧ ಶ್ರೀ ಕೆಂಗಲ್ ಆಂಜನೇಯ ಸ್ವಾಮಿ ದೇವಾಲಯದ ಹುಂಡಿಯನ್ನು ದಂಡಾಧಿಕಾರಿ ನಾಗೇಶ್ ರವರ ನೇತೃತ್ವದಲ್ಲಿ ಇಂದು ತೆರೆಯಲಾಯಿತು.

ದೇವಾಲಯದ ಕಾಣಿಕೆ ಹುಂಡಿಗಳು ಮತ್ತು ದಾಸೋಹದ ಹುಂಡಿ ಸೇರಿದಂತೆ ಮಾರ್ಚಿ ತಿಂಗಳಿನಿಂದೀಚೆಗೆ ಕೊರೊನಾ ನಡುವೆಯೂ ಭಕ್ತರು 9,90,632 ರೂಪಾಯಿಗಳ ಹಣವನ್ನು ಹುಂಡಿಗೆ ಹಾಕುವ ಮೂಲಕ ತಮ್ಮ ಹರಕೆಯನ್ನು ತೀರಿಸಿ ಕೃತಾರ್ಥರಾಗಿದ್ದಾರೆ.

ಇದೇ ಸಾಲಿನ ಮಾರ್ಚ್ ತಿಂಗಳಿನಲ್ಲಿ ಹುಂಡಿ ತೆರೆದಿದ್ದು, 24 ಲಕ್ಷ ಹಣ ಸಂಗ್ರಹವಾಗಿತ್ತು. ಕಳೆದ ಏಳು ತಿಂಗಳಲ್ಲಿ, ಕೊರೊನಾ ನಡುವೆಯೂ ಹತ್ತಿರತ್ತಿರ ಹತ್ತು ಲಕ್ಷ ಹಣ ಹಣ ಸಂಗ್ರಹವಾಗಿರುವುದು ಜನರು ದೇವರ ಮೇಲಿಟ್ಟಿರುವ ನಂಬಿಕೆಯಾಗಿದೆ ಎಂದು ಅರ್ಚಕರು ಅಭಿಪ್ರಾಯಪಡುತ್ತಾರೆ.

ತಹಶಿಲ್ದಾರ್ ನಾಗೇಶ್ ರವರ ನೇತೃತ್ವದಲ್ಲಿ, ವೀಡಿಯೋ ಚಿತ್ರೀಕರಿಸಿ ಹುಂಡಿ ತೆರೆದು ಹಣ ಎಣಿಕೆ ಮಾಡಲಾಯಿತು. ಆರು ತಾಸಿಗೂ ಹೆಚ್ಚು ಸಮಯ ಹಣ ಎಣಿಕೆ ಮಾಡಿ ದೇವಾಲಯದ ಹೆಸರಿನ ಬ್ಯಾಂಕ್ ಖಾತೆಗೆ ಹಣ ಜಮಾ ಮಾಡಲಾಯಿತು ಎಂದು ಅವರು ತಿಳಿಸಿದರು.

ಎಣಿಕೆಯ ನಡುವೆಯೇ ನಮ್ಮ ಪತ್ರಿಕೆಯ ವರದಿಗಾರರ ಜೊತೆ ಮಾತನಾಡಿದ ತಹಶಿಲ್ದಾರ್ ನಾಗೇಶ್ ರವರು, ಈ ಕ್ಷೇತ್ರಕ್ಕೆ ರಾಜ್ಯ ಮತ್ತು ಹೊರ ರಾಜ್ಯಗಳಿಂದಲೂ ಭಕ್ತಾಧಿಗಳು ಬರುತ್ತಾರೆ. ಮದುವೆಗಳು ನಡೆಯುತ್ತವೆ. ಕೆಲ ಭಕ್ತಾಧಿಗಳು ಬುಕ್ತಿ ಮಾಡುತ್ತಾರೆ. ಹೆಚ್ಚಾಗಿ ಇದೊಂದು ಪುರಾಣ ಪ್ರಸಿದ್ಧ ದೇವಾಲಯವಾಗಿದೆ. ಆದರೆ ಶುದ್ದ ಕುಡಿಯುವ ನೀರಿನ ಘಟಕ ಇಲ್ಲದಿರಿವುದು ನನ್ನ ಗಮನಕ್ಕೆ ಬಂದಿದೆ. ಶುದ್ಧ ನೀರಿನ ಘಟಕ ನಿರ್ಮಿಸಲು ಅನುಮತಿ ನೀಡುವಂತೆ ಜಿಲ್ಲಾಧಿಕಾರಿಗಳಿಗೆ ಇಂದೇ ಪತ್ರ ಬರೆಯುತ್ತೇನೆ. ಶುಕ್ರವಾರ ಭೇಟಿ ಮಾಡಿ ಚರ್ಚಿಸಿ ಘಟಕ ನಿರ್ಮಿಸಲು ಕ್ರಮ ಕೈಗೊಳ್ಳುತ್ತೇನೆ ಎಂದರು.

ಹುಂಡಿ ಎಣಿಕೆ ಸಮಯದಲ್ಲಿ ಮುಜರಾಯಿ ಇಲಾಖೆಯ ತಹಶಿಲ್ದಾರ್ ದಯಾನಂದ, ದೇವಾಲಯದ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಯೇಸುರಾಜ್, ರಾಜಸ್ವ ನಿರೀಕ್ಷಕ ಕಾಂತರಾಜು, ಕಸಬಾ ಹೋಬಳಿಯ ಗ್ರಾಮ ಲೆಕ್ಕಾಧಿಕಾರಿಗಳು, ಗ್ರಾಮಸಹಾಯಕರು, ದೇವಾಲಯದ ಸಿಬ್ಬಂದಿಗಳು ಭಾಗಿಯಾಗಿದ್ದರು.

ಗೋ ರಾ ಶ್ರೀನಿವಾಸ...

ಮೊ:9845856139.