ಚನ್ನಪಟ್ಟಣ:ನ/05/20/ಗುರುವಾರ.

ರಾಜ್ಯ ಸರ್ಕಾರಿ ನೌಕರರ ಸಂಘದ ರಾಜ್ಯಾಧ್ಯಕ್ಷನಾಗಿ ನಿಮ್ಮೆಲ್ಲರ ಜವಾಬ್ದಾರಿ ನನ್ನ ಮೇಲಿದೆ. ಸರ್ಕಾರದಿಂದ ಪ್ರಾಮಾಣಿಕವಾಗಿ ಸಿಗಬೇಕಾದ ಎಲ್ಲಾ ಸೌಲಭ್ಯಗಳನ್ನು ತಮಗೆ ಒದಗಿಸಲು ಹೋರಾಡುತ್ತೇನೆ. ಇದು ನನ್ನೊಬ್ಬನಿಂದ ಆಗುವ ಕೆಲಸವಲ್ಲ. ಬೆನ್ನೆಲುಬಾಗಿ ನೀವು ನನ್ನ ಜೊತೆಯಲ್ಲಿದ್ದರೇ ಮಾತ್ರ ಸಾಧ್ಯ ಎಂದು ಕರ್ನಾಟಕ ರಾಜ್ಯ ಸರ್ಕಾರಿ ನೌಕರರ ಸಂಘದ ರಾಜ್ಯಾಧ್ಯಕ್ಷ ಷಡಕ್ಷರಿ ಅಭಿಪ್ರಾಯ ಪಟ್ಟರು.

ಅವರು ಇಂದು ನಗರದ ಪ್ರವಾಸಿ ಮಂದಿರದ ಆವರಣದಲ್ಲಿ ಸರ್ಕಾರಿ ನೌಕರರ ಸಮಸ್ಯೆಗಳನ್ನು ಆಲಿಸಿ ಸನ್ಮಾನ ಸ್ವೀಕರಿಸಿ ಮಾತನಾಡಿದರು.

ಉತ್ತಮ ಆಸ್ಪತ್ರೆಯಲ್ಲಿ ನೌಕರ ಮತ್ತು ಆತನ ಕುಟುಂಬಕ್ಕೆ ಆರೋಗ್ಯಭಾಗ್ಯ ಸಿಗಬೇಕು, 2023 ಕ್ಕೆ ಕೇಂದ್ರ ಸರ್ಕಾರದ ನೌಕರರಿಗೆ ನೀಡುವಷ್ಟೇ ಸಂಬಳ ರಾಜ್ಯ ಸರ್ಕಾರಿ ನೌಕರರಿಗು ಸಿಗುವಂತೆ ಮಾಡುವುದು ನನ್ನ ಆದ್ಯ ಕರ್ತವ್ಯ. ರಾಜ್ಯ ಸರ್ಕಾರದ ಎಲ್ಲಾ ಇಲಾಖೆಯ ನೌಕರರಗಿಂತ ಶಿಕ್ಷಕರ ಪರ ಅತಿ ಹೆಚ್ಚು ಹೋರಾಟ ಮಾಡಬೇಕಾಗಿದೆ. ಎನ್ ಪಿ ಎಸ್ ಬಗ್ಗೆ ಹೆಚ್ಚು ಕಾಳಜಿ ವಹಿಸಿದ್ದೇನೆ ಎಂದರು.

ರಾಜ್ಯ ಸರ್ಕಾರಿ ನೌಕರರ ಸಂಘದಲ್ಲೂ ಸಹ ಗುಂಪು ರಾಜಕೀಯವಿದೆ, ಇದು ಮೊದಲು ತೊಲಗಬೇಕು. ಆಯಾಯ ಅಧ್ಯಕ್ಷರ ಮೇಲೆ ಅಸಮಾಧನವಿದ್ದರೆ, ಕುಳಿತು ಪರಿಹರಿಸಿಕೊಳ್ಳಿ, ಅಥವಾ ನಮ್ಮ ಗಮನಕ್ಕೆ ತನ್ನಿ. ಎಲ್ಲಾ ನೌಕರರು ಒಗ್ಗೂಡಿ ಕೆಲಸ ಮಾಡಿದರೆ ಮಾತ್ರ ಸಂಘಟನೆಯ ಆಶೋತ್ತರಗಳು ಈಡೇರಲಿವೆ.

ಸಂಘದ ಅಧ್ಯಕ್ಷ ಸ್ಥಾನವನ್ನು ದುರುಪಯೋಗ ಪಡಿಸಿಕೊಳ್ಳುವ ಜಾಯಮಾನ ನನ್ನದಲ್ಲ. ಕೇವಲ ಒಂದು ವರ್ಷದಲ್ಲಿ ನಿಮ್ಮದೇ ಆದಂತಹ ಒಂಭತ್ತು ಕೋಟಿ ಹಣವನ್ನು ಜಮೆ ಮಾಡಿದ್ದೇನೆ. ಇದುವರೆಗೂ ಒಳ್ಳೆಯ ಕೆಲಸ ಮಾಡಿದ್ದೇವೆ ಮುಂದೆಯೂ ಸಹಕಾರ ನೀಡಿ. ಸರ್ಕಾರಿ ನೌಕರರ ಎಲ್ಲಾ ಧ್ಯೇಯೋದ್ದೇಶಗಳನ್ನು ಈಡೇರಿಸಿತ್ತೇನೆ. ಸರ್ಕಾರವು ನಮ್ಮ ಪರವಾಗಿದೆ, ಮುಖ್ಯಮಂತ್ರಿಗಳು ನೌಕರರ ಪರ ಇದ್ದಾರೆ. ಸರ್ಕಾರಿ ನೌಕರರ ಸಂಘ ಎಂದರೆ ಒಗ್ಗಟ್ಟಿನ ಸಂಘ ಎಂಬ ಭಯ ಇದೆ ಎನ್ನುವ ವಾತಾವರಣ ನಿರ್ಮಾಣ ಮಾಡಿದ್ದೇವೆ ಎಂದರು.

ಸರ್ಕಾರಿ ನೌಕರರ ಸಂಘದ ಸಾಧನೆ ನೋಡಿ ಮಿಕ್ಕ ಸಂಘಟನೆಗಳು ಒಗ್ಗೂಡಿ, ಎಚ್ಚೆತ್ತು ಕೊಂಡು ಕೆಲಸ ಮಾಡುವಂತಹ ಸಾಧನೆಯನ್ನು ನಮ್ಮ ಸಂಘ ಮಾಡಿ ತೋರಿಸಲಿದೆ. ಇನ್ನು ಮುಂದೆ ಎಲ್ಲರೂ ಒಗ್ಗೂಡಿ ಕೆಲಸಮಾಡುವ ಮೂಲಕ ರಾಜ್ಯ ಸರ್ಕಾರಿ ನೌಕರರ ಸಂಘವು ಮಾದರಿಯಾಗಲಿದೆ ಎಂದರು.

ಅಧ್ಯಕ್ಷರ ಜೊತೆ ಕಾರ್ಯದರ್ಶಿ ಜಗದೀಶ್ ಗೌಡಪ್ಪ ಪಾಟೀಲ್, ಖಜಾಂಚಿ ಆರ್ ಶ್ರೀನಿವಾಸ, ಗೌರವ ಅಧ್ಯಕ್ಷ ಶಿವರುದ್ರಯ್ಯ, ಹೆಚ್ ಗಿರಿಗೌಡ. ತಾಲ್ಲೂಕು ಅಧ್ಯಕ್ಷ ಚಂದ್ರಶೇಖರ್, ಕಂದಾಯ ಇಲಾಖೆಯ ನೌಕರರ ಸಂಘದ ಅಧ್ಯಕ್ಷ ಭರತ್, ಬಿಇಓ, ಚಂದ್ರಶೇಖರ, ಹರಿದಾಸ, ಕಂದಾಯ ಇಲಾಖೆಯ ಸಿಬ್ಬಂದಿಗಳು, ಶಿಕ್ಷಕರು ಮತ್ತಿತರ ಇಲಾಖೆಯ ಸರ್ಕಾರಿ ನೌಕರರು ಮತ್ತು ಪದಾಧಿಕಾರಿಗಳು ಉಪಸ್ಥಿತರಿದ್ದರು.

ಗೋ ರಾ ಶ್ರೀನಿವಾಸ...

ಮೊ:9845856139.