ರಾಮನಗರ:ಡಿ/೧೮/20/ಗುರುವಾರ. ಗ್ರಾಮ ಪಂಚಾಯಿತಿ ಚುನಾವಣೆ-2020 ರ ಅಂಗವಾಗಿ  ಚನ್ನಪಟ್ಟಣ ತಾಲ್ಲೂಕಿನಲ್ಲಿ ನಾಮಪತ್ರ ಸಲ್ಲಿಸುವ ಪ್ರಕ್ರಿಯೆಯು ಡಿ.16 ಕ್ಕೆ ಅಂತ್ಯಗೊಡಿದ್ದು, 482 ಸದಸ್ಯ ಸ್ಥಾನಗಳಲ್ಲಿ ಒಂದು ಸ್ಥಾನಕ್ಕೆ ನಾಮಪತ್ರಸಲ್ಲಿಕೆಯಾಗದೇ ಖಾಲಿ ಉಳಿದಿರುತ್ತದೆ ಹಾಗೂ ಉಳಿದ ಸ್ಥಾನಗಳಿಗೆ ಒಟ್ಟು 1782 ನಾಮಪತ್ರ ಸಲ್ಲಿಕೆಯಾಗಿರುತ್ತದೆ ಎಂದು ಚನ್ನಪಟ್ಟಣ ತಹಶೀಲ್ದಾರ್ ನಾಗೇಶ್ ರವರು ತಿಳಿಸಿದ್ದಾರೆ.

ತಗಚಗೆರೆ ಗ್ರಾ.ಪಂ ವ್ಯಾಪ್ತಿಯ ಯಲಚೀಪಾಳ್ಯ ಕ್ಷೇತ್ರವು  ಸಾಮಾನ್ಯ ಮಹಿಳೆಗೆ ಮೀಸಲಾಗಿದ್ದು, ಆ ಕ್ಷೇತ್ರದಲ್ಲಿ ಆ ಸ್ಥಾನಕ್ಕೆ ಯಾರೂ ನಾಮಪತ್ರ ಸಲ್ಲಿಸದೇ ಇರುವುದರಿಂದ ಖಾಲಿ ಉಳಿದಿದ್ದು ಇಡೀ ತಾಲ್ಲೂಕಿನಲ್ಲಿ ಕಪ್ಪು ಚುಕ್ಕಿ ಇಟ್ಟಂತೆ ಆಗಿದೆ.

ಒಟ್ಟು ನಾಮಪತ್ರ ಸಲ್ಲಿಕೆಯ ವಿವರ ಈ ಕೆಳಗಿನಂತಿದೆ.

 ಮಾಕಳಿ-36, ದಶವಾರ-39, ನಾಗವಾರ-61, ತಿಟ್ಟಮಾರನಹಳ್ಳಿ-41, ಮೈಲನಾಯಕನಹಳ್ಳಿ-48, ಬೇವೂರು-53, ಮಂಡ್ಯಬೊಮ್ಮನಾಯ್ಕನಹಳ್ಳಿ-46, ಬ್ಯಾಡರಹಳ್ಳಿ-48, ಮುದಗೆರೆ -65, ಮತ್ತಿಕೆರೆ-50, ಮಳೂರು-56, ಸುಳ್ಳೇರಿ-62, ಮಳೂರುಪಟ್ಟಣ-63, ಅಕ್ಕೂರು-39, ಕೂಡ್ಲೂರು-49, ಚಕ್ಕೆರೆ-52, ಸೋಗಾಲ-40, ಬಾಣಗಹಳ್ಳಿ-54, ಹಾರೋಕೊಪ್ಪ-64, ಇಗ್ಗಲೂರು-73, ಹೊಂಗನೂರು-80,  ನೀಲಸಂದ್ರ-58, ತೆಗಚಗೆರೆ-63, ವಂದಾರಗುಪ್ಪೆ-83, ರಾಂಪುರ-59, ಬಿ.ವಿ.ಹಳ್ಳಿ-51, ಸಿಂಗರಾಜಿಪುರ-41, ಕೋಡಂಬಹಳ್ಳಿ-86, ಎಲೆತೋಟದಹಳ್ಳಿ-50, ಭೂಹಳ್ಳಿ-64, ಜೆ.ಬ್ಯಾಡರಹಳ್ಳಿ-66 ಮತ್ತು ವಿರೂಪಾಕ್ಷಿಪುರ-42 ಸೇರಿ ಒಟ್ಟು 1782 ನಾಮಪತ್ರ ಸಲ್ಲಿಕೆಯಾಗಿರುತ್ತದೆ.

ತಾಲ್ಲೂಕಿನ 32 ಗ್ರಾಮ ಪಂಚಾಯತಿಗಳಲ್ಲಿ ಮಾಕಳಿ ಗ್ರಾಮ ಪಂಚಾಯತಿಯಲ್ಲಿ ಅತಿ ಕಡಿಮೆ ಅಂದರೆ 36 ನಾಮಪತ್ರಗಳು ಸಲ್ಲಿಕೆಯಾಗಿದ್ದರೆ, ಕೋಡಂಬಳ್ಳಿ ಗ್ರಾಮ ಪಂಚಾಯತಿಯಲ್ಲಿ ಅತಿ ಹೆಚ್ಚು ಅಂದರೆ 86 ನಾಮಪತ್ರಗಳು ಸಲ್ಲಿಕೆಯಾಗಿವೆ.

ನಾಳೆ ನಾಮಪತ್ರ ಹಿಂಪಡೆಯಲು ಕೊನೆಯ ದಿನವಾಗಿದ್ದು, ಎಷ್ಟು ಮಂದಿ ನಾಮಪತ್ರ ವಾಪಸ್ಸು ಪಡೆಯುತ್ತಾರೆ , ಕಣದಲ್ಲಿ ಎಷ್ಟು ಮಂದಿ ಉಳಿಯಲಿದ್ದಾರೆ ಎಂಬುದು ನಾಳೆ ಸಂಜೆಯ ವೇಳೆಗೆ ನಿಖರವಾಗಿಲಿದೆ.

ಡಿ.೧೯ ರಿಂದ ಕಣದಲ್ಲಿ ಉಳಿಯುವ ಅಭ್ಯರ್ಥಿಗಳು ತಮ್ಮ ಪ್ರಚಾರ ಭರಾಟೆಯನ್ನು ಮುಂದುವರಿಸುತ್ತಾರೆ.

ಗೋ ರಾ ಶ್ರೀನಿವಾಸ...

ಮೊ:9845856139.