ರಾಮನಗರ:ಜ/02/21/ಶನಿವಾರ. ಕೇವಲ ಸಾಹಿತ್ಯ ಚಟುವಟಿಕೆಗಳಿಗಷ್ಟೇ ಸೀಮಿತವಾಗದೆ ಸಾಹಿತ್ಯೇತರ ಚಟುವಟಿಕೆಗಳಲ್ಲಿ ಸಕ್ರಿಯವಾಗಿರುವ ರಾಮನಗರ ತಾಲ್ಲೂಕು ಕನ್ನಡ ಸಾಹಿತ್ಯ ಪರಿಷತ್ತು ಚಲನಶೀಲ ನೆಲೆಯಲ್ಲಿ ಕೆಲಸ ಮಾಡುತ್ತಿದೆ ಎಂದು ಮಾಜಿ ತಾಲ್ಲೂಕು ಪಂಚಾಯಿತಿ ಅಧ್ಯಕ್ಷ ಗಾಣಕಲ್ ನಟರಾಜು ಶ್ಲಾಘಿಸಿದರು.

ಅವರು  ರಾಷ್ಟ್ರಕವಿ ಕುವೆಂಪು ರವರ ಜನ್ಮ ದಿನಾಚರಣೆ ಅಂಗವಾಗಿ ತಾಲ್ಲೂಕು  ಕನ್ನಡ ಸಾಹಿತ್ಯ ಪರಿಷತ್ತು ಹಮ್ಮಿಕೊಂಡಿದ್ದ ಐದನೇ ವರ್ಷದ ರಕ್ತದಾನ ಶಿಬಿರದ ಉದ್ಘಾಟನಾ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಸತತ ಐವತ್ತು ನಾಲ್ಕು ಬಾರಿ ರಕ್ತದಾನ ಮಾಡಿ  ದಾಖಲೆ ಸೃಷ್ಟಿಸಿದಕ್ಕೆ ಅಭಿನಂದನೆ ಸ್ವೀಕರಿಸಿ  ಮಾತನಾಡಿದರು.

ರಕ್ತದಾನ ಶಿಬಿರ  ದೊಡ್ಡ  ಆಂದೋಲನವಾಗಿ ಪಸರಿಸಬೇಕು ಎಂಬ ಆಶಯ ವ್ಯಕ್ತಪಡಿಸಿದರು.

ತಾಲ್ಲೂಕು ಪಂಚಾಯಿತಿ ಕಾರ್ಯನಿರ್ವಹಣಾಧಿಕಾರಿ ಶಿವಕುಮಾರ್ ಮಾತನಾಡಿ ರಕ್ತದಾನ ಶಿಬಿರವು ಇನ್ನೂ ದೊಡ್ಡ ಮಟ್ಟದಲ್ಲಿ ಆಗಬೇಕು ಇದಕ್ಕಾಗಿ ವಿಶೇಷವಾದ ಕಾರ್ಯಕ್ರಮ ರೂಪಿಸಬೇಕು. ಈ ಸಂಬಂಧ ಸಮಾಲೋಚನೆ ನಡೆಸಿ ಸೂಕ್ತ ನಿರ್ಧಾರಗಳನ್ನು ತೆಗೆದುಕೊಳ್ಳಬೇಕೆಂದು ಆಶಿಸಿದರು.

ಕಾರ್ಯಕ್ರಮ ಉದ್ಘಾಟಿಸಿದ ಸಮಾಜ ಸೇವಕ ಕಾಂತರಾಜ್ ಪಟೇಲ್ ಮಾತನಾಡಿ ವಿಶ್ವ ಮಾನವ ರಾಷ್ಟ್ರಕವಿ ಕುವೆಂಪು ಅವರ ಜನ್ಮ ದಿನಾಚರಣೆಯ ದಿನ ಸಾಹಿತ್ಯ ಪರಿಷತ್ತು ಇಂಥಹದ್ದೊಂದು ಕಾರ್ಯಕ್ರಮವನ್ನು ಮಾಡುತ್ತಿರುವುದು ಶ್ಲಾಘನೀಯ ಎಂದು ನುಡಿದರು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ನಾರಾಯಣ ಆಸ್ಪತ್ರೆಯ ಡಾ!! ಮಧುಸೂಧನ ವಹಿಸಿದ್ದರು. ಮುಖ್ಯ ಅತಿಥಿಗಳಾಗಿ  ರಾಜ್ಯ ಪರಿಷತ್ ಸದಸ್ಯರು ಜಿಲ್ಲಾ ಸರ್ಕಾರಿ ನೌಕರರ ಸಂಘ, ಸತೀಶ್  ಹಂಸದ್ವನಿ ಕಲಾಬಳಗದ ರವಿಕುಮಾರ್ , ನಗರಸಭೆ ಸದಸ್ಯ ಮಂಜುನಾಥ್ , ಗ್ರಾಮ.ಪಂಚಾಯತಿ. ಸದಸ್ಯ ಪ್ರಕಾಶ್ , ಎಸ್.ಟಿ.ನಂದೀಶ್ ಮಾಲಿಕರು ಎಸ್.ಟಿ.ನ್ ಆರ್ಕೆಡ್, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಸಹಾಯಕ ನಿರ್ದೇಶಕ  ವಿನಯ್ ಕುಮಾರ್, ಸಾಹಿತಿ ಡಾ.ಎಂ. ಬೈರೇಗೌಡ , ತಾಲ್ಲೂಕು ಕನ್ನಡ ಸಾಹಿತ್ಯ ಪರಿಷತ್ ಖಜಾಂಚಿ  ರಾಜೇಶ್, ಕಾರ್ಯದರ್ಶಿ ಶೈಲಾ ಶ್ರೀನಿವಾಸ್,  ಯಕ್ಷರಾಜು, ವೆಂಕಟೇಶ್, ಕಿರಣ್ ಕುಮಾರ್, ಬಿ.ಟಿ.ರಾಜೇಂದ್ರ ,ನವೀನ್, ಹೊನ್ನೇಗೌಡ, ರಘು ಸಂಜೀವಿನಿ ಬ್ಲಡ್ ಬ್ಯಾಂಕ್,ರಾಮಲಿಂಗು ಬೆಳ್ಳಿ ಬ್ಲಡ್ ಬ್ಯಾಂಕ್, ಮುಂತಾದವರು ಪಾಲ್ಗೊಂಡಿದ್ದರು.

ಗೋ ರಾ ಶ್ರೀನಿವಾಸ...

ಮೊ:9845856139.