ಕೇಂದ್ರ ಸರ್ಕಾರ ರೂಪಿಸಿರುವ ರೈತ ವಿರೋಧಿ ಕಾಯ್ದೆಗಳನ್ನು, ವಿರೋಧಿಸಿ ದೆಹಲಿಯಲ್ಲಿ ನಡೆಯುತ್ತಿರುವ ರೈತರ ಪ್ರತಿಭಟನೆ ಕಳೆದ ಎರಡು ತಿಂಗಳಿನಿಂದ ನಡೆಯುತ್ತಿದ್ದು, ಈಗಲೂ ಮುಂದುವರೆದಿದೆ. ಇದನ್ನು ಬೆಂಬಲಿಸುವ ಸಲುವಾಗಿ ರಾಜ್ಯದ ಎಲ್ಲಾ ಜಿಲ್ಲೆಗಳನ್ನೂ ಕಾಲ್ನಡಿಗೆಯ ಮೂಲಕ ಸುತ್ತುತ್ತಿರುವ ಬಾಗಲಕೋಟೆ ಯುವ ರೈತ ನಾಗರಾಜು ರವರು ಇಂದು ಚನ್ನಪಟ್ಟಣಕ್ಕೆ ಆಗಮಿಸಿದರು.

ಮೊದಲಿಗೆ ಮಹದೇಶ್ವರ ಬೆಟ್ಟದಲ್ಲಿ ತಮ್ಮ ಪಾದಯಾತ್ರೆ ಆರಂಭಿಸಿದ ನಾಗರಾಜುರವರು ಕನಕಪುರದ ಮೂಲಕ ನಿನ್ನೆ ರಾಮನರಕ್ಕೆ ಬಂದಿದ್ದು, ಇಂದು ಬೆಳಿಗ್ಗೆ ಚನ್ನಪಟ್ಟಣಕ್ಕೆ ಆಗಮಿಸಿ ದರು.

ಇಲ್ಲಿನ ಷೇರು ಹೋಟೆಲ್ ಸರ್ಕಲ್ ಬಳಿ ಬರುತ್ತಿದ್ದಂತೆ ಕರ್ನಾಟಕ ರಾಜ್ಯ ರೈತ ಸಂಘದ ವಿಭಾಗೀಯ ಅಧ್ಯಕ್ಷ ಎಂ ರಾಮುರವರು ಸ್ವಾಗತಿಸಿದರು.

ನಂತರ ನಗರದಲ್ಲಿರುವ ರೈತ ಸಂಘದ ಕಛೇರಿಗೆ ಆಗಮಿಸಿದ ಅವರು ಸ್ವಲ್ಪ ಸಮಯ ವಿಶ್ರಮಿಸಿದರು. ಆ ಸಮಯದಲ್ಲಿ ನಾಗ ರಾಜುರವರನ್ನು ಮಾತಿಗೆಳೆ ದಾಗ ಅವರು ಉತ್ತರಿಸಿ, ಈಗಾಗಲೇ ರೈತರು ಹಲ ವಾರು ಸಂಕಷ್ಟಗಳನ್ನು ಎದುರಿಸುತ್ತಿದ್ದಾರೆ. ವೈಜ್ಞಾನಿಕ ಬೆಲೆ ಸೇರಿದಂತೆ ಯಾವುದರಲ್ಲೂ ಆತನಿಗೆ ಸ್ವಯಂ ನಿರ್ಧಾರ ಸಾಧ್ಯವಾಗಿಲ್ಲ. ಇಂತಹ ಸಮಯದಲ್ಲಿ ಕೇಂದ್ರ ಸರ್ಕಾರವು ರೈತರಿಗೆ ಮರಣ ಶಾಸನ ತರುವಂತಹ ಕಾಯ್ದೆಗಳನ್ನು ರೂಪಿಸಿದೆ. ಅದನ್ನು ವಿರೋಧಿಸಿ ದೆಹಲಿಯಲ್ಲಿ ರೈತರು ಬೃಹತ್ ಹೋರಾಟ ಮಾಡುತ್ತಿದ್ದಾರೆ. ಅವರಿಗೆ ಬೆಂಬಲ ನೀಡಲು ಹಾಗೂ ನಮ್ಮ ರೈತರಿಗೆ ಅರಿವು ಮೂಡಿಸಲು ರಾಜ್ಯದಾ ದ್ಯಂತ ಕಾಲ್ನಡಿಗೆ ಯಾತ್ರೆ ಹಮ್ಮಿಕೊಂಡಿದ್ದೇನೆ ಎಂದರು.

ಈ ಯಾತ್ರೆಯ ಮೂಲ ಉದ್ದಿಶ್ಯ, ರೈತ ಸಮುದಾ ಯದಲ್ಲಿ ಜಾಗೃತಿಯನ್ನು ಮೂಡಿಸುವುದಾಗಿದೆ. ರೈತರು ಕತ್ತಲೆಯಲ್ಲಿಯೇ ಉಳಿದುಬಿಟ್ಟರೆ, ಬೆಳಕಿನಲ್ಲಿರುವ ರಾಜಕಾರಣಿಗಳು ಹಾಗೂ ಅಧಿಕಾರಿಗಳು ಈ ಸಮುದಾಯವನ್ನು ಹುರಿದು ಮುಕ್ಕಿ ಬಿಡುವ ಅಪಾಯವಿದೆ. ಇದರಿಂದ ಜಾಗೃತಿ ಗೊಳಿಸಲು ಇದೊಂದು ಸಣ್ಣ ಪ್ರಯತ್ನ ಎಂದು ಅವರು ಹೇಳಿದರು.

ನಂತರ ಅವರು ಮದ್ದೂರು ಮಾರ್ಗವಾಗಿ ತಮ್ಮ ಕಾಲ್ನಡಿಗೆ ಯಾತ್ರೆ ಯನ್ನು ಮುಂದುವರೆಸು ವುದಾಗಿ ತಿಳಿಸಿ, ಇಲ್ಲಿಂದ ನಿರ್ಗಮಿಸಿದರು. ಸಂದರ್ಭ ದಲ್ಲಿ ರೈತ ಪ್ರಮುಖರು ಬೀಳ್ಕೊಟ್ಟರು.

ಗೋ ರಾ ಶ್ರೀನಿವಾಸ...

ಮೊ:9845856139.