ಚನ್ನಪಟ್ಟಣ: ಅತಿ ಹೆಚ್ಚು ಒತ್ತಡ ಮತ್ತು ಸಮಯದ ಪರಿವೆಯೇ ಇಲ್ಲದೆ ಕೆಲಸ ನಿರ್ವಹಿಸುವ ಏಕೈಕ ಇಲಾಖೆ ಪೋಲಿಸ್ ಇಲಾಖೆ. ಇಂತಹ ಇಲಾಖೆಯಲ್ಲಿ ಕೆಲಸ ನಿರ್ವಹಿಸುವ ಎಲ್ಲಾ ವರ್ಗದ ಪೋಲಿಸರು ಬಹಳ ಒತ್ತಡದಿಂದ ಕೆಲಸ ನಿರ್ವಹಿಸುವುದರಿಂದ ತಮ್ಮ ಕುಟುಂಬಕ್ಕೆ ಸಮಯ ನೀಡಲಾಗುತ್ತಿಲ್ಲ. ತಾವುಗಳು ಕೆಲಸದಲ್ಲಿ ಮಾನಸಿಕ ಖಿನ್ನತೆಗೆ ಒಳಗಾಗುತ್ತೀರಿ. ಆದ್ದರಿಂದ ಕೆಲಸ ಮುಗಿದ ತಕ್ಷಣ ಬೇರೆ ಮೋಜುಮಸ್ತಿಯಲ್ಲಿ ಕಾಲಕಳೆಯದೆ, ತಮ್ಮ ಕುಟುಂಬಕ್ಕಾಗಿ ಮೀಸಲಿಡಿ ಎಂದು ಬೆಂಗಳೂರು ಕೇಂದ್ರ ವಲಯದ ಐಜಿಪಿ ಚಂದ್ರಶೇಖರ್ ಪೋಲೀಸರಿಗೆ ಕಿವಿಮಾತು ಹೇಳಿದರು.  ಬೇರೆ ಇಲಾಖೆಗಿಂತಲೂ ಹೆಚ್ಚು ಸಮಯ ಕೆಲಸ ನಿರ್ವ ಹಿಸಿತ್ತಾರೆ .ತಾವೇಷ್ಟೆ ಒತ್ತಡ ದಿಂದ ಕೆಲಸ ನಿರ್ವಹಿಸಿದರೂ ಸಹ ಕರ್ತವ್ಯದಲ್ಲಿ ಅಸಡ್ಡೆ ತೋರುವುದಿಲ್ಲ. ಸಣ್ಣ ಮಕ್ಕಳಿರುವ ಪೋಲಿಸರು ತಮ್ಮ ಮಕ್ಕಳು ಮತ್ತು ಕುಟುಂಬಕ್ಕು ಹೆಚ್ಚು ಸಮಯ ನೀಡಬೇಕು. ಎಂದು ಬೆಂಗಳೂರು ಕೇಂದ್ರ ವಲಯ ಪೋಲಿಸ್ ಮಹಾ ನಿರೀಕ್ಷಕ  ಎಂ ಚಂದ್ರ ಶೇಖರ್ ತಿಳಿಸಿದರು. 

ಅವರು ಇಂದು ನಗರದ ಸಶಸ್ತ್ರ ಮೀಸಲು ಪಡೆ ಮೈದಾನದಲ್ಲಿ  2020 ರ ಜಿಲ್ಲಾ ಪೋಲಿಸ್ ಕ್ರೀಡಾ ವಾರ್ಷಿಕೋತ್ಸವದ ಸಮಾರೋಪ ಸಮಾರಂಭದಲ್ಲಿ ಮುಖ್ಯ ಅತಿಥಿಯಾಗಿ ಭಾಗವಹಿಸಿ ಮಾತನಾಡಿದರು.

ಪ್ರತಿನಿತ್ಯ ಒಂದಲ್ಲ ಒಂದು ರೀತಿಯ ಒತ್ತಡದಲ್ಲಿ ಕಾರ್ಯನಿರ್ವಹಿಸುವ ಮಹತ್ವದ  ಹುದ್ದೆಯಲ್ಲಿರುವ ಪೊಲೀಸರಿಗೆ, ಒತ್ತಡದ ಬದುಕಿನಲ್ಲಿ ಹಲವಾರು ರೋಗರುಜಿನಗಳು ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತವೆ. ಆ ರೀತಿಯ ಆರೋಗ್ಯದ ಮೇಲೆ ಬೀಳುವ 

ದುಷ್ಪರಿಣಾಮಗಳನ್ನು ನಿಯಂತ್ರಿಸಲು ಸರ್ಕಾರ ಅದರಲ್ಲೂ ಪೊಲೀಸ್ 

ಇಲಾಖೆ ವರ್ಷಕ್ಕೊಂದು ಭಾರಿ ಈ ರೀತಿಯ ಕ್ರೀಡೆಗಳನ್ನು ಆಯೋಜನೆ ಮಾಡಿ ತಮ್ಮ ಒತ್ತಡವನ್ನು ನೀಗಿಸಿಕೊಳ್ಳಬೇಕು ಎಂದರು. ಕ್ರೀಡಾಕೂಟಗಳು, ಪೊಲೀಸರ ಆರೋಗ್ಯವನ್ನು ಸ್ಥಿರವಾಗಿಡಲು ಹಾಗೂ ಅವರಲ್ಲಿರುವ ಕ್ರೀಡಾ ಪ್ರತಿಭೆಗಳನ್ನು  ಮೆರೆಯಲು ಈ ಕ್ರೀಡಾಕೂಟಗಳು ಹೆಚ್ಚು ಸಹಕಾರಿಯಾಗಿದೆ ಎಂದು ತಿಳಿಸಿದರು.

ಸಣ್ಣ ಮಕ್ಕಳಿರುವ ಪೋಲೀಸರು, ಮಕ್ಕಳು ಕನಿಷ್ಠ ಹದಿನೈದು ವರ್ಷಗಳಾಗುವವರೆಗಾದರೂ ಮಕ್ಕಳ ಜೊತೆಗೆ ಹೆಚ್ಚು ಸಮಯ ಕಳೆಯಬೇಕು. ಆ ಸಮಯದಲ್ಲಿ ಮಾತ್ರ ಮಕ್ಕಳನ್ನು ಸಮಾಜಮುಖಿಯಾಗಿ ಮಾಡಲು ಸಾಧ್ಯ ಎಂದು ಅಭಿಪ್ರಾಯ ಪಟ್ಟರು.

ಪೋಲೀಸರು ಜನಸ್ನೇಹಿಯಾಗಿ ಇರಬೇಕು. ಪೋಲೀಸರಿಗೆ ಎಲ್ಲವೂ ತಿಳಿದಿರುವುದಿಲ್ಲ. ಅವರಿಗೆ ಮಾಧ್ಯಮ ಸೇರಿದಂತೆ ಹಲವರು ಮಾಹಿತಿ ನೀಡಿರುತ್ತಾರೆ. ಹೋಂಗಾರ್ಡ್ ಗಳು ತಮ್ಮ ಜೊತೆ ಕೆಲಸ ನಿರ್ವಹಿಸುತ್ತಾರೆ. ಅವರನ್ನು ಸಹ ನೀವು ಇಂದು ಗುರುತಿಸಿರುವುದು ಶ್ಲಾಘನೀಯ ಎಂದರು.

ಈ ಸಂದರ್ಭದಲ್ಲಿ ವಿಜೇತರಾದ ಪೋಲಿಸ್ ಕ್ರೀಡಾ ಪಟುಗಳಿಗೆ ಬಹುಮಾನ ವಿತರಣೆ ಮಾಡಲಾಯಿತು.

ಕಾರ್ಯಕ್ರಮದಲ್ಲಿ ಜಿಲ್ಲಾ ಪೋಲಿಸ್ ವರಿಷ್ಠಾಧಿಕಾರಿ ಗೀರಿಶ್, ಪೋಲಿಸ್ ಉಪವಿಭಾಗಾದಿಕಾರಿಗಳಾದ ಚನ್ನಪಟ್ಟಣ ದ ಕೆ ಎನ್. ರಮೇಶ್, ಮಾಗಡಿ  ಓಂ ಪ್ರಕಾಶ್, ರಾಮನಗರ ದ ಮೋಹನ್ ಕುಮಾರ್, ಜಿಲ್ಲಾ ಶಸಸ್ತ್ರ ಮೀಸಲು ಪಡೆಯ ಮಹೇಶ್,

ಜಿಲ್ಲೆಯ ಎಲ್ಲಾ ವೃತ್ತನಿರಿಕ್ಷಕರು, ,ಉಪನಿರಿಕ್ಷಕರು ಕ್ರೀಡಾಪಟುಗಳು ,ಪೋಷಕರು ಮುಂತಾದವರು  ಉಪಸ್ಥಿತರಿದ್ದರು.

ಗೋ ರಾ ಶ್ರೀನಿವಾಸ...

ಮೊ:9845856139.