ಕಿಚ್ಚ ಸುದೀಪ ಚಾರಿಟೇಬಲ್ ಸೊಸೈಟಿ ವತಿಯಿಂದ 'ಕ್ಯಾನ್ಸರ್ ಮುಕ್ತ ಭಾರತ' ಅಭಿಯಾನದಡಿ ಭಾನುವಾರ ನಗರದ ಸರ್ಕಾರಿ ಬಾಲಕರಕಾಲೇಜು ಮೈದಾನದಲ್ಲಿ ಮಹಿಳೆಯರಿಗಾಗಿ ಬೃಹತ್‌ ಉಚಿತ ಆರೋಗ್ಯ ತಪಾಸಣಾ ಶಿಬಿರ ಹಮ್ಮಿಕೊಳ್ಳಲಾಗಿತ್ತು.

ಯುವ ಮುಖಂಡ ಚಂದುಕರಿಯಪ್ಪ ನೇತೃತ್ವದಲ್ಲಿ ನಡೆದ ಈ ಶಿಬಿರದಲ್ಲಿ ನೂರಾರು ಮಹಿಳೆಯರು ತಪಾಸಣೆಗೆ ಒಳಗಾದರು. ಬೆಳಗ್ಗೆ 9 ರಿಂದ ಸಂಜೆ 6 ಗಂಟೆಯ ತನಕ ನಡೆದ ಈ ಶಿಬಿರದಲ್ಲಿ ಕಿದ್ವಾಯಿ ಸ್ಮಾರಕ ಕ್ಯಾನ್ಸರ್ ಸಂಸ್ಥೆಯ ಖ್ಯಾತವೈದ್ಯರಾದ ಡಾ.ಸಿ.ರಾಮಚಂದ್ರ, ಡಾ.ಸಿ.ರಮೇಶ್, ಡಾ.ಎ.ಎಸ್.ಮಹಂತೇಶ್, ಡಾ.ಅರುಣ್‌ಕುಮಾರ್ ಮೋದಿ, ಡಾ.ಸತ್ಯನಾರಾಯಣ, ಎಂ.ಆರ್. ವಸಪ್ಪ ಬಸಪ್ಪೂರ್, ಡಾ.ರಾಜಲಕ್ಷ್ಮಿ, ಡಾ.ವಿಜಯಲಕ್ಷ್ಮಿ, ಡಾ.ರಸ್ಲ, ಡಾ.ಪ್ರಶಾಂತ್‌ ಜೆ. ಸೇರಿದಂತೆ ನುರಿತ ಸಿಬ್ಬಂದಿ ತಜ್ಞರುಗಳು ಭಾಗವಹಿಸಿದ್ದರು.

ಈ ವೇಳೆ ಕಾರ್ಯಕ್ರಮಆಯೋಜಕ ಹಾಗೂ ಯುವ ಮುಖಂಡ ಚಂದುಕರಿಯಪ್ಪ ಮಾತನಾಡಿ, ಭಾರತವನ್ನು 'ಕ್ಯಾನ್ಸರ್ ಮುಕ್ತ' ಮಾಡುವ ಸಲುವಾಗಿ ಈ ಒಂದು ಆರೋಗ್ಯಕರ ಯೋಜನೆಯನ್ನು ರಾಜ್ಯಾಧ್ಯಂತ ಕಿಚ್ಚ ಸುದೀಪ ಚಾರಿಟೇಬಲ್ ಸೊಸೈಟಿ ಹಮ್ಮಿಕೊಂಡು ಬರುತ್ತಿದೆ. ತಾಲೂಕಿನ ಜನತೆಗೆ ಅನುಕೂಲವಾಗಲಿ ಎಂಬ ಉದ್ದೇಶದಿಂದ ನನ್ನ ಮನವಿಯ ಮೇರೆಗೆ ನಗರದಲ್ಲಿ ಈ ಶಿಬಿರ ಹಮ್ಮಿಕೊಂಡ ಸೊಸೈಟಿಗೆತಾಲೂಕಿನಜನತೆಯ ಪರವಾಗಿಕೃತಜ್ಞನೆ ಸಲ್ಲಿಸುತ್ತೇನೆಎಂದು ತಿಳಿಸಿದರು.

ಕ್ಯಾನ್ಸರ್ ಎಂಬ ಮಾರಣಾಂತಿಕ ಖಾಯಿಲೆಯ ಬಗ್ಗೆ ಎಚ್ಚರ ವಹಿಸುವ ಅಗತ್ಯವಿದೆ. ಗ್ರಾಮೀಣ ಭಾಗದ ಜನತೆ ಈ ಬಗ್ಗೆ ನಿರ್ಲಕ್ಷ್ಯ ವಹಿಸುವ ಕಾರಣದಿಂದ ಸಾವುನೋವುಗಳು ಸಂಭವಿಸುತ್ತಿದೆ. ತಾಲೂಕಿನ ಮಹಿಳೆಯರಿಗಾಗಿ ಇದೇ ಮೊದಲ ಬಾರಿಗೆ ನಗರದಲ್ಲಿ ಈ ಶಿಬಿರ ಆಯೋಜಿಸಿದ್ದು, ಮುಂದಿನ ದಿನಗಳಲ್ಲಿ ತಾಲೂಕಿನ ಗ್ರಾಮಾಂತರ ಪ್ರದೇಶದಲ್ಲಿ ಹಮ್ಮಿಕೊಳ್ಳಲು ಮುಂದಾಗುತ್ತೇವೆ. ಮಹಿಳೆಯರು ಆರೋಗ್ಯವಾಗಿದ್ದರೆ ಮಾತ್ರ ಆ ಕುಟುಂಬ ಆರೋಗ್ಯವಾಗಿರಲು ಸಾಧ್ಯ ಎಂದು ಅಭಿಪ್ರಾಯಪಟ್ಟರು.

ಈ ವೇಳೆ ಆಸ್ಪತ್ರೆಯ ವೈದ್ಯರು ರೋಗದ ಬಗ್ಗೆ ಸಾರ್ವಜನಿಕರಿಗೆ ತಿಳುವಳಿಕೆ ಮೂಡಿಸಿದರು. ಬಾಯಿ ಅಥವಾ ದೇಹದ ಇತರ ಭಾಗದಲ್ಲಿ ವಾಸಿಯಾಗದ ಹುಣ್ಣು, ಗಂಟು, ಆಹಾರ ಸೇವಿಸಲು ಕಷ್ಟವಾಗುವುದು, ಬಾಯಿ ತೆರೆಯಲು ಕಷ್ಟವಾಗುವುದು, ಸ್ತ್ರೀಯರಿಗೆ ಸ್ತನದಲ್ಲಿ ಗಂಟು ಮೂಡುವುದು, ತೂಕ ಕಡಿಮೆಯಾಗುವುದು ಹಾಗೂ ಹಸಿವು ಇಲ್ಲದಿರುವುದು ಕ್ಯಾನ್ಸರ್‌ನ ಲಕ್ಷಣಗಳಾಗಿವೆ. ಧೂಮಪಾನ, ಗುಟ್ಕಾ, ತಂಬಾಕಿನ ಸೇವನೆ ಅಧಿಕವಾಗಿರುವವರು ತಪ್ಪದೇ ತಪಾಸಣೆಗೆ ಒಳಗಾಗಬೇಕು ಹಾಗೂ ತಂಬಾಕು ಉತ್ಪನ್ನಗಳಿಂದ ದೂರವಿರಬೇಕು ಎಂದು ಮಾಹಿತಿ ನೀಡಿದರು.

ಜೆಡಿಎಸ್ ಮುಖಂಡ ಎಂ.ಸಿ.ಕರಿಯಪ್ಪ, ಕಿಚ್ಚ ಸುದೀಪ ಚಾರಿಟೇಬಲ್ ಸೊಸೈಟಿ ಅಧ್ಯಕ್ಷರಮೇಶ್ (ಕಿಟ್ಟಿ), ಕರವೇ ರಾಜ್ಯ ಕಾರ್ಯದರ್ಶಿ ಎಂ.ಎನ್.ಸತ್ಯನಾರಾಯಣ, ಜೆಡಿಎಸ್‌ ಮಹಿಳಾ ಘಟಕದ ಜಿಲ್ಲಾಧ್ಯಕ್ಷೆ ರೇಖಾಉಮಾಶಂಕರ್, ಎಚ್‌ಡಿಕೆ ಆಪ್ತ ಸಹಾಯಕ ಪಟ್ಲುಕೆಂಚೇಗೌಡ ಸೇರಿದಂತೆ ತಾಲೂಕು ಕಿಚ್ಚ ಸುದೀಪ್ ಅಭಿಮಾನಿಗಳು ಉಪಸ್ಥಿತರಿದ್ದರು.

ಗೋ ರಾ ಶ್ರೀನಿವಾಸ...

ಮೊ:9845856139.