ಕಳೆದ ಎರಡು ವರ್ಷಗಳಿಂದ ಮೀಸಲಾತಿಯ ಗೊಂದಲದಿಂದ ನೆನಗುದಿಗೆ ಬಿದ್ದಿದ್ದ ಚನ್ನಪಟ್ಟಣ ಹಾಗು ರಾಮನಗರ ನಗರಸಭೆಯ ಚುನಾವಣೆಗೆ ಈಗ ಮುಕ್ತಿ ದೊರಕಿದೆ. ಏಪ್ರಿಲ್ 27 ಕ್ಕೆ ಎರಡೂ ಕಡೆ ಚುನಾವಣೆ ಯನ್ನು ಸರ್ಕಾರ ಘೋಷಣೆ ಮಾಡಿದೆ.

ಆರಂಭಕ್ಕೆ ಎರಡೂ ಕಡೆ ಮೀಸಲಾತಿಯನ್ನು ನ್ಯಾಯ ಸಮ್ಮತವಾಗಿ ಮಾಡಿಲ್ಲ ಎಂಬ ವಿಷಯ ಹಿಡಿದು ಕೊಂಡು ಚುನಾವಣೆಯ ಮುಂದೂಡಿಕೆಗೆ ಕಾರಣವಾಗಿತ್ತು.

ಈ ವಿಷಯದಲ್ಲಿ ನ್ಯಾಯಾಲಯ ಮೀಸಲಾತಿಯನ್ನು ಪರಿಷ್ಕರಿಸಿ ಅಧಿಕೃತ ಪಟ್ಟಿಯನ್ನು ಸಲ್ಲಿಸಲು ಪೌರಾಡಳಿತ ಸಚಿವಾಲಯಕ್ಕೆ ಹಿಂದಿರುಗಿಸಿತ್ತು. ಸರ್ಕಾರ ಪರಿಷ್ಕರಿಸಿ, ಪಟ್ಟಿಯನ್ನು ಸಲ್ಲಿಸಿದ ನಂತರ ಸಮಗ್ರವಾಗಿ ಪರಿಶೀಲಿಸಿದ ನಂತರ ಒಪ್ಪಿ ಕಳುಹಿಸಿ ಕೊಟ್ಟಿದೆ.

ಈಗ ರಾಜ್ಯದ 6 ನಗರ ಸಭೆಗಳು, 3 ಪುರಸಭೆಗಳು ಹಾಗೂ 2 ಪಟ್ಟಣ ಪಂಚಾಯ್ತಿಗಳಿಗೆ ಏಪ್ರಿಲ್ 27 ನ್ನು ಚುನಾವಣೆ ದಿನಾಂಕವಾಗಿ ಘೋಷಿಸಲಾಗಿದೆ.

ರಾಮನಗರ ಜಿಲ್ಲಾಧಿಕಾರಿಗಳು ಏಪ್ರಿಲ್ 8 ರಂದು ಅಧಿಕೃತವಾಗಿ ಚುನಾವಣಾ ವೇಳಾಪಟ್ಟಿ ಪ್ರಕಟಿಸಲಿದ್ದಾರೆ. ಏಪ್ರಿಲ್ 8 ರಿಂದ ನಾಮಪತ್ರ ಸಲ್ಲಿಸಬಹುದು, ಏಪ್ರಿಲ್ 15 ನಾಮಪತ್ರ ಸಲ್ಲಿಕೆಗೆ ಕೊನೆಯ ದಿವಸವಾಗಿರಲಿದೆ.

ಏಪ್ರಿಲ್ 16 ನಾಮಪತ್ರ ಗಳ ಪರಿಶೀಲನೆ, ಏಪ್ರಿಲ್ 19 ನಾಮಪತ್ರಗಳನ್ನು ಹಿಂಪಡೆಯಲು ಅವಕಾಶ ಕಲ್ಪಿಸಲಾಗಿದೆ. ಏಪ್ರಿಲ್ 27 ಮತದಾನ, ಏಪ್ರಿಲ್ 29 ಅಗತ್ಯ ಬಿದ್ದ ವಾರ್ಡ್‌ ಗಳಲ್ಲಿ ಮರು ಮತದಾನ, ಏಪ್ರಿಲ್ 30 ಮತ ಎಣಿಕೆ ನಡೆಯಲಿದೆ ಎಂದು ಪ್ರಕಟಿಸಿಲಾಗಿದೆ.

ನಿಧಾನಕ್ಕೆ ಬಿರುಸುಗೊಳ್ಳುತ್ತಿರುವ ಚಟುವಟಿಕೆ

ಈಗಿನ ಮಾಹಿತಿ ಯಂತೆ ಜೆಡಿಎಸ್‌ನ ಕುಮಾರಸ್ವಾಮಿಯವರು ಈಗಾಗಲೇ ತಮ್ಮ ಕೇತಿಗಾನಹಳ್ಳಿ ತೊಟದ ಮನೆಯಲ್ಲಿ ಸಭೆ ಕರೆದು ಚರ್ಚಿಸಿದ್ದಾರೆ.

ನಗರಸಭೆಯ ಚುನಾವಣೆಯ ಸುಳಿವು ಸಿಕ್ಕ ನಂತರ, ಯೋಗೇಶ್ವರ್ ಕೋವಿಡ್ ಲಸಿಕೆ ಪಡೆಯುವ ನೆಪದಲ್ಲಿ ಊರಿಗೆ ಬಂದು ಮಂಡಿ ಪೇಟೆಯ ಕಾಮನ ಉತ್ಸವದ ಕಡೆಗೂ ಹೋಗಿ ಬಂದಿದ್ದಾರೆ.

ಅವರ ಸೈರನ್ ಗಾಡಿಯು ಚುನಾವಣೆಯ ಸೂಚನೆಯನ್ನು ನೀಡಿ ಹೋಗಿದೆ. ಇನ್ನು ಕಾಲ ಇಲ್ಲ, ಎಂಟು ದಿವಸಗಳಲ್ಲಿ ಯಾರ‍್ಯಾರು ಸ್ಪರ್ಧಾಳುಗಳು ಎಂದು ಗುರುತಿಸಿಕೊಂಡು ನಾಮಪತ್ರ ಸಲ್ಲಿಸಲು ಅಣಿಯಾಗಬೇಕಾಗಿದೆ.

*ಡಿ.ಕೆ ಸಹೋದರರ ಮಾತೇ ಅಂತಿಮ*

ಕಾಂಗ್ರೆಸ್ ಅಭ್ಯರ್ಥಿಗಳನ್ನು ಅಂತಿಮ ಗೊಳಿಸುವುದರಲ್ಲಿ ಡಿ.ಕೆ ಶಿವಕುಮಾರ್ ಅವರದೇ ಅಂತಿಮ ನಿರ್ಧಾರ.

ಒಂದು ಕಡೆ ಲೋಕಸಭೆ ಚುನಾವಣೆ ಮತ್ತೊಂದು ಕಡೆ ವಿಧಾನಸಭಾ ಉಪ ಚುನವಣೆ, ಇವೆಲ್ಲವುಗಳನ್ನೂ ಗಮನದಲ್ಲಿರಿಸಿಕೊಂಡು, ಎರಡೂ ಪಕ್ಷಗಳ ಅಭ್ಯರ್ಥಿಗಳನ್ನು ಹಿಂದಿಕ್ಕಬಲ್ಲ ಶಕ್ತಿಯು ಇರುವವರಿಗೆ ಅವಕಾಶ ಕೊಟ್ಟು ಗೆಲ್ಲಿಸಬೇಕು.

ಇಷ್ಟರ ನಂತರವೂ ಸಹ ಆಂತರಿಕವಾದ ಹೊಂದಾಣಿಕೆಯಾದರೆ ಹೇಳಲಾಗದು.

ರಾಮನಗರ ನಗರಸಭೆ ಮೀಸಲಾತಿ ಪಟ್ಟಿ

ವಾರ್ಡ್ 1-ಪರಿಶಿಷ್ಟ ಜಾತಿ ಮಹಿಳೆ, ವಾಡ್ 2- ಪರಿಶಿಷ್ಟ ಜಾತಿ, ವಾರ್ಡ್ 3- ಪರಿಶಿಷ್ಠ ಜಾತಿ ಮಹಿಳೆ, ವಾಡ್ 4- ಹಿಂದುಳಿದ ವರ್ಗ(ಎ) ಮಹಿಳೆ, ವಾರ್ಡ್ 5- ಸಾಮಾನ್ಯ, ವಾರ್ಡ್ 6- ಪರಿಶಿಷ್ಟ ಜಾತಿ, ವಾರ್ಡ್ 7- ಹಿಂದುಳಿದ ವರ್ಗ (ಬಿ) ಮಹಿಳೆ, ವಾರ್ಡ್ 8- ಸಾಮಾನ್ಯ ಮಹಿಳೆ. ವಾಡ್೯ 9- ಹಿಂದುಳಿದ ವರ್ಗ (ಎ), ವಾರ್ಡ್ 10- ಸಾಮಾನ್ಯ ಮಹಿಳೆ, ವಾರ್ಡ್ 11- ಹಿಂದುಳಿದ ವರ್ಗ ಬಿ, ವಾರ್ಡ್ 12- ಹಿಂದುಳಿದ ವರ್ಗ ಎ ಮಹಿಳೆ, ವಾರ್ಡ್ 13- ಸಾಮಾನ್ಯ, ವಾರ್ಡ್ 14- ಸಾಮಾನ್ಯ, ವಾರ್ಡ್ 15- ಸಾಮಾನ್ಯ ಮಹಿಳೆ, ವಾರ್ಡ್ 16- ಹಿಂದುಳಿದ ವರ್ಗ ಎ, ವಾರ್ಡ್ 17- ಹಿಂದುಳಿದ ವರ್ಗ ಎ ಮಹಿಳೆ, ವಾರ್ಡ್ 18- ಸಾಮಾನ್ಯ, ವಾರ್ಡ್ 19- ಸಾಮಾನ್ಯ, ವಾರ್ಡ್ 20- ಸಾಮನ್ಯ ಮಹಿಳೆ, ವಾರ್ಡ್ 21- ಪರಿಶಿಷ್ಟ ಜಾತಿ, ವಾರ್ಡ್ 22- ಹಿಂದುಳಿದ ವರ್ಗ ಎ, ವಾರ್ಡ್ 23- ಸಾಮಾನ್ಯ, ವಾರ್ಡ್ 24- ಸಾಮನ್ಯ ಮಹಿಳೆ, ವಾರ್ಡ್ 25- ಹಿಂದುಳಿದ ವರ್ಗ ಎ, ವಾರ್ಡ್ 26-ಪರಿಶಿಷ್ಟ ಪಂಗಡ, ವಾರ್ಡ್ 27- ಸಾಮಾನ್ಯ ಮಹಿಳೆ, ವಾರ್ಡ್ 28-ಸಾಮಾನ್ಯ. ವಾರ್ಡ್ 29-ಸಾಮಾನ್ಯ, ವಾರ್ಡ್ 30- ಸಾಮಾನ್ಯ ಮಹಿಳೆ, ವಾರ್ಡ್ 31- ಸಾಮಾನ್ಯ ಮಹಿಳೆ.

*ಚನ್ನಪಟ್ಟಣ ನಗರಸಭೆ ಮೀಸಲಾತಿ*

ವಾರ್ಡ್ 1- ಬಿಸಿಎಂ(ಎ) ಮಹಿಳೆ, ವಾರ್ಡ್ 2- ಸಾಮಾನ್ಯ, ವಾರ್ಡ್ 3- ಬಿಸಿಎಂ(ಬಿ) ಮಹಿಳೆ, ವಾರ್ಡ್ 4- ಸಾಮಾನ್ಯ, ವಾರ್ಡ್ 5- ಬಿಸಿಎಂ(ಎ), ವಾರ್ಡ್ 6- ಸಾಮಾನ್ಯ ಮಹಿಳೆ, ವಾರ್ಡ್ 7- ಬಿಸಿಎಂ(ಬಿ), ವಾರ್ಡ್ 8- ಬಿಸಿಎಂ(ಎ) ಮಹಿಳೆ, ವಾರ್ಡ್ 9- ಸಾಮಾನ್ಯ, ವಾರ್ಡ್ 10- ಸಾಮಾನ್ಯ ಮಹಿಳೆ, ವಾರ್ಡ್ 11- ಬಿಸಿಎಂ(ಎ), ವಾರ್ಡ್ 12- ಎಸ್ಸಿ, ವಾರ್ಡ್ 13- ಎಸ್ಟಿ, ವಾರ್ಡ್ 14- ಎಸ್ಸಿ, ವಾರ್ಡ್ 15- ಸಾಮಾನ್ಯ ಮಹಿಳೆ, ವಾರ್ಡ್ 16- ಬಿಸಿಎಂ(ಎ) ಮಹಿಳೆ, ವಾರ್ಡ್-17- ಸಾಮಾನ್ಯ, ವಾರ್ಡ್ 18- ಸಾಮಾನ್ಯ, ವಾರ್ಡ್ 19-ಸಾಮಾನ್ಯ ಮಹಿಳೆ. ವಾರ್ಡ್ 20- ಬಿಸಿಎಂ(ಎ), ವಾರ್ಡ್ 21- ಸಾಮನ್ಯ, ವಾರ್ಡ್ 22-ಸಾಮಾನ್ಯ, ವಾರ್ಡ್ 23- ಬಿಸಿಎಂ(ಎ), ವಾರ್ಡ್ 24- ಸಾಮಾನ್ಯ, ವಾರ್ಡ್ 25-ಸಾಮಾನ್ಯ ಮಹಿಳೆ, ವಾರ್ಡ್ 26-ಎಸ್ಸಿ, ವಾರ್ಡ್ 27- ಸಾಮಾನ್ಯ ಮಹಿಳೆ, ವಾರ್ಡ್ 28- ಸಾಮಾನ್ಯ ಮಹಿಳೆ, ವಾರ್ಡ್ 29- ಎಸ್ಸಿ ಮಹಿಳೆ, ವಾರ್ಡ್ 30- ಎಸ್ಸಿ ಮಹಿಳೆ, ವಾರ್ಡ್ 31- ಸಾಮಾನ್ಯ ಮಹಿಳೆ. ಮೀಸಲಾತಿ ಪ್ರಕಟಿಸಲಾಗಿದೆ.

ಗೋ ರಾ ಶ್ರೀನಿವಾಸ...

ಮೊ:9845856139.