ಚನ್ನಪಟ್ಟಣ: ತಮ್ಮನ್ನು ಕೊರೊನಾ ವಾರಿಯರ್ಸ್ ಎಂದು ಪರಿಗಣಿಸುವುದರ ಜತೆಗೆ 15 ನೇ ಹಣಕಾಸು ಯೋಜನೆಯಲ್ಲಿ ವೇತನವನ್ನು ಪಾವತಿಸುವಂತೆ ಆಗ್ರಹಿಸಿ, ರಾಜ್ಯ ಗ್ರಾ.ಪಂ. ನೌಕರರ ಸಂಘ ಮತ್ತು ಸಿಐಟಿಯು ಕಾರ್ಯಕರ್ತರು ಮನವಿ ಮಾಡಿದ್ದಾರೆ.

ಅಯಾಯ ಗ್ರಾ.ಪಂ. ಪಿಡಿಓಗಳ ಮೂಲಕ ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಇಲಾಖೆಯ ಪ್ರಧಾನ‌ ಕಾರ್ಯದರ್ಶಿಗಳಿಗೆ  ಮನವಿ ಸಲ್ಲಿಸಿದ್ದಾರೆ.

ಕರ್ನಾಟಕ ರಾಜ್ಯದ ಗ್ರಾಮೀಣ ಪ್ರದೇಶಗಳಲ್ಲಿ ಪ್ರತಿ ಹಳ್ಳಿಗಳಲ್ಲಿ   ಕೊರಾನ ವೈರಸ್  ಹರಡಿರುವುದರಿಂದ 'ಗ್ರಾಮ

ಪಂಚಾಯತಿ ವ್ಯಾಪ್ತಿಯಲ್ಲಿ ಗ್ರಾಮೀಣ ಕಾರ್ಯಪಡೆ ರಚಿಸಿ, ಗ್ರಾಮ ಪಂಚಾಯತಿ ಸಿಬ್ಬಂದಿಗಳಾದ ಸ್ವೀಪರ್, ವಾಟರ್ ಮೆನ್, 

ಕಚೇರಿ ಸಹಾಯಕ, ಬಿಲ್ ಕಲೆಕ್ಟರ್/ಗುಮಾಸ್ತ, ಕಂಪ್ಯೂಟರ್ ಆಫರೇಟರ್ ಇತ್ಯಾದಿ ಸಿಬ್ಬಂದಿಗಳು ಪ್ರತಿ ದಿನ ರಾಜ್ಯದ 6024 ಗ್ರಾಮ

ಪಂಚಾಯತಿಗಳಲ್ಲಿ ಕೊರಾನ ವಾರಿಯರ್ಸ್ ಆಗಿ ಕೆಲಸ ಮಾಡುತ್ತಾ ಕೊರಾನಾಗೆ  ತುತ್ತಾಗಿ ಹಲವರು ಮರಣ ಹೊಂದಿದ್ದಾರೆ ಎಂದು‌ ಮನವಿ ಪತ್ರದಲ್ಲಿ‌ ತಿಳಿಸಿದ್ದಾರೆ.

ಆದ್ದರಿಂದ ಗ್ರಾಮ ಪಂಚಾಯತಿ ಸಿಬ್ಬಂದಿಗಳನ್ನು ಕೊರೊನಾ ವಾರಿಯರ್ಸ್ ಎಂದು ಪರಿಗಣಿಸಿ, ವಿಮೆಗೆ ಒಳಪಡಿಸಬೇಕೆಂದು ಆಗ್ರಹಿಸಿದ್ದಾರೆ.

15 ನೇ ಹಣಕಾಸು, ಉದ್ಯೋಗ ಖಾತ್ರಿ ಯೋಜನೆ, ಗ್ರಾಮ  ಪಂಚಾಯಿತಿ ಸ್ವಂತ  ಸಂಪನ್ಮೂಲದಿಂದ ಸಿಬ್ಬಂದಿಗಳಿಗೆ ವೇತನ ನೀಡಲು 25/11/2020 ಮತ್ತು  03/03/2021 ರಂದು ಸರ್ಕಾರ ಆದೇಶ ನೀಡಿದ್ದರೂ ಈ ಅನುದಾನಗಳಿಂದ ಸಾಕಷ್ಟು ಗ್ರಾಮ ಪಂಚಾಯತಿಗಳಲ್ಲಿ ವೇತನ ಪಾವತಿ ಮಾಡದಿರುವ ಕಾರಣ ಸಿಬ್ಬಂದಿಗಳಿಗೆ 8,10 ತಿಂಗಳು ವೇತನ ಸಿಗದೇ ಜೀವನಕ್ಕೆ ಬಹಳ ತೊಂದರೆಯಾಗಿದೆ.

ಬಿಲ್ ಕಲೆಕ್ಟರ್ /ಗುಮಾಸ್ತರಿಂದ ಗ್ರೇಡ್-2  ಕಾರ್ಯದರ್ಶಿ ಮತ್ತು ಲೆಕ್ಕ ¸ ಸಹಾಯಕರ ನೇಮಕಾತಿ ತಡೆ ಹಿಡಿದಿರುವ ಆದೇಶ ವಾಪಸ್ ಪಡೆದು ಬಡ್ತಿ ನೀಡಬೇಕೆಂದು‌ ಒತ್ತಾಯಿಸಿದ್ದಾರೆ.

 ಕೊರಾನಾಗೆ ಒಳಗಾದ ಸಿಬ್ಬಂದಿಗಳಿಗೆ ಔಷಧಿ ವೆಚ್ಚ ಬರಿಸಬೇಕು. ಸುರಕ್ಷಿತ ಕಿಟ್ ನೀಡಬೇಕು, ಕೊರಾನ ವಾರಿಯರ್ ಎಂದು ಘೋಷಿಸಿ ವಿಮೆಗೆ ಒಳಪಡಿಸಬೇಕು. ೧೫ನೇ ಹಣಕಾಸು, ಉದ್ಯೋಗ ಖಾತ್ರಿ ಯೋಜನೆ, ಗ್ರಾಮ ಪಂಚಾಯತಿ ಸ್ವಂತ ಸಂಪನ್ಮೂಲದಿಂದ ಸರ್ಕಾರದ  

ಆದೇಶದಂತೆ ತಕ್ಷಣವೇ ವೇತನ ಪಾವತಿಸಬೇಕು.  ಬಿಲ್ ಕಲೆಕ್ಟರ್ ಗುಮಾಸ್ತ ಸಿಬ್ಬಂದಿಗಳಿಗೆ ಬಡ್ತಿ ನೇಮಕಾತಿ ಆದೇಶವನ್ನು ವಾಪಸ್ ಪಡೆದು ಬಡ್ತಿ ನೀಡಬೇಕು ಸೇರಿದಂತೆ ಹಲವು ಬೇಡಿಕೆಗಳನ್ನು‌ ಈಡೇರಿಸುವಂತೆ ಮನವಿ ಪತ್ರದಲ್ಲಿ‌ ತಿಳಿಸಿದ್ದಾರೆ.

ಗೋ ರಾ ಶ್ರೀನಿವಾಸ...

ಮೊ:9845856139.