ಕಾಯಕ ಬಂಧುಗಳು ನರೇಗಾ ಕಾಮಗಾರಿಯ ಕಾರ್ಯಕ್ರಮದ ಚಾಲಕ ಶಕ್ತಿಗಳಾಗಿದ್ದು, ನರೇಗಾ ಪ್ರಗತಿಗೆ ಹಾಗೂ ಗ್ರಾಮೀಣ ಜನರ ಆರ್ಥಿಕ ಬದುಕಿಗೆ  ಕಾಯಕ ಬಂಧುಗಳು ನರೇಗಾ ಆಪ್ತ ಸಹಾಯಕರಾಗಿದ್ದಾರೆ ಎಂದು ಸಹಾಯಕ ನಿರ್ದೇಶಕ (ಗ್ರಾ.ಉ) ರೂಪೇಶ್ ಕುಮಾರ್ ಹೆಚ್.ಆರ್ ತಿಳಿಸಿದರು. 

ಅವರು ಇಂದು ರಾಮನಗರ ಜಿಲ್ಲೆ ಹಾಗೂ ತಾಲ್ಲೂಕಿನ ಗೋಪಹಳ್ಳಿ ಗ್ರಾಮ ಪಂಚಾಯತಿಯ ಸಂಜೀವಿನಿ  ಹಮ್ಮಿಕೊಂಡಿದ್ದ ಬೈರಮಂಗಲ, ಕಂಚುಗಾರನಹಳ್ಳಿ ಹಾಗೂ ಗೋಪಹಳ್ಳಿ ಗ್ರಾಮ ಪಂಚಾಯತಿಯ ಕಾಯಕ ಬಂಧು ತರಬೇತಿ ಕಾರ್ಯಾಗಾರಕ್ಕೆ ಚಾಲನೆ ನೀಡಿ ಮಾತನಾಡಿದರು. 

ಗ್ರಾಮೀಣ ಜನರ ಬದುಕನ್ನು ಹಸನು ಮಾಡಿ ವಲಸೆ ಹೋಗುವುದನ್ನು ತಪ್ಪಿಸಿ ತಮ್ಮ ಗ್ರಾಮದಲ್ಲೇ ಉದ್ಯೋಗವನ್ನು ಒದಗಿಸುವ ಮಹಾತ್ಮ ಗಾಂಧಿ ನರೇಗಾ ಯೋಜನೆಯು ಗ್ರಾಮೀಣ ಕುಟುಂಬಗಳ ಆರ್ಥಿಕ ಪರಿಸ್ಥಿತಿಯನ್ನು ಉತ್ತಮ ಪಡಿಸುವ ನಿಟ್ಟಿನಲ್ಲಿ ಕೆಲಸ ಮಾಡುತ್ತಿದೆ ಎಂದರು. 

ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದ ಗೋಪಹಳ್ಳಿ ಗ್ರಾಮ ಪಂಚಾಯತಿ ಅಧ್ಯಕ್ಷರಾದ ರಾಮಚಂದ್ರಯ್ಯ ಅವರು ಕಾಯಕ ಬಂಧುಗಳು ತಮ್ಮ ಗ್ರಾಮದಲ್ಲಿ ಅರ್ಹ ಫಲಾನುಭವಿಗಳಿಗೆ ಅರಿವು ಮೂಡಿಸಿ ಅವರು ಯೋಜನೆಯಲ್ಲಿ ಬಾಗಿಯಾಗುಂತೆ ಮಾಡಲು ತಿಳಿಸಿದರು. 

ಹೋಬಳಿ ತರಬೇತಿಯನ್ನು ಆಯೋಜಿಸಿದ್ದು, ಗ್ರಾಮ ಕಾಯಕ ಮಿತ್ರರಿಗೆ ಜಾಬ್ ಚಾರ್ಟ್ ಕುರಿತು ಹಾಗೂ ನರೇಗಾ ಯೋಜನೆಯಡಿ ದೊರೆಯುವ ಸೌಲಭ್ಯ ಕುರಿತು ತಿಳಿಸಲಾಗುವುದು. ಕಾರ್ಯಾಗಾರವನ್ನು ಸದುಪಯೋಗ ಪಡಿಸಿಕೊಳ್ಳುವಂತೆ ಗ್ರಾಮ ಪಂಚಾಯತಿ ಅಭಿವೃದ್ಧಿ ಅಧಿಕಾರಿ ಉಮೇಶ್ ಸಿ ಅವರು ತಿಳಿಸಿದರು. 

ತಾಂತ್ರಿಕ ಸಂಯೋಜಕರಾದ ಕಾರ್ತಿಕ್ ಕುಮಾರ್ ಅವರು ಮಾತನಾಡಿ ಯೋಜನೆಯ ಸೌಲಭ್ಯ, ವೈಯಕ್ತಿಕ ಕಾಮಗಾರಿ ಸಮುದಾಯ ಕಾಮಗಾರಿ, ಎಂ.ಎಂ.ಎಸ್ ಹಾಗೂ ಕಾಯಕ ಬಂಧು ಮೊಬೈಲ್ ಆಪ್ಲೀಕೆಷನ್  ಕುರಿತು ತರಬೇತಿ ನೀಡಿದರು.

ಜಿಲ್ಲಾ ಐ.ಇ.ಸಿ ಸಂಯೋಜಕರಾದ ಅರುಣ್ ಕುಮಾರ್ ಅವರು ಮಾತನಾಡಿ ಕಾಯಕ ಬಂಧುಗಳು ನರೇಗಾ ಯೋಜನೆಯ ಬಗ್ಗೆ ಕೂಲಿಕಾರಿಗೆ ಮಾಹಿತಿ ನೀಡಬೇಕು, ವೈಯಕ್ತಿಕ ಹಾಗೂ ಸಮುದಾಯ ಕಾಮಗಾರಿಗಳಲ್ಲಿ ಭಾಗವಹಿಸಿ ಗುಂಪಿನ ನೇತೃತ್ವವನ್ನು ವಹಿಸಬೇಕು ಹಾಗೂ ಕಾಮಗಾರಿ ಸ್ಥಳದಲ್ಲಿ ಸಿಗುವ ಸೌಲಭ್ಯಗಳ ಬಗ್ಗೆ ಮಾಹಿತಿ ನೀಡಿ ಉತ್ತೇಜಿಸಬೇಕು ಎಂದರು. 

ಕಾರ್ಯಗಾರದಲ್ಲಿ ತಾಲ್ಲೂಕು ಐಇಸಿ ಸಂಯೋಜಕರಾದ ಸುಶ್ಮಿತಾ, ಗ್ರಾಮ ಪಂಚಾಯತಿ ಗ್ರಾಮ ಕಾಯಕ ಮಿತ್ರರಾದ ಸುಶ್ಮಿತಾ, ಪಲ್ಲವಿ ಹಾಗೂ ಗೋಪಹಳ್ಳಿ ಗ್ರಾಮ ಪಂಚಾಯತಿ ಸಿಬ್ಬಂದಿ ವರ್ಗದವರು ಭಾಗಿಯಾಗಿದ್ದರು.

ಗೋ ರಾ ಶ್ರೀನಿವಾಸ...

ಮೊ:9845856139.