ಚನ್ನಪಟ್ಟಣಃ ರಾಮನಗರದಲ್ಲಿ ನಿಖಿಲ್ ಕುಮಾರಸ್ವಾಮಿ ೧೭ನೇ ತಾರೀಖಿನಂದು ಹಾಗೂ ೧೯ನೇ ತಾರೀಖಿನಂದು ನಾನು ನಾನು ನಾಮ ಪತ್ರ ಸಲ್ಲಿಸುತ್ತೇವೆ. ನಂತರ ಎರಡು ದಿನಗಳ ಕಾಲ ಚನ್ನಪಟ್ಟಣ ವಿಧಾನ ಸಭಾ ಕ್ಷೇತ್ರದಲ್ಲೇ ಇರುತ್ತೇನೆ ಎಂದು ಮಾಜಿ ಮುಖ್ಯಮಂತ್ರಿ ಹೆಚ್ ಡಿ ಕುಮಾರಸ್ವಾಮಿ ತಿಳಿಸಿದರು. ಇದೇ ಸಂದರ್ಭದಲ್ಲಿ ತಮ್ಮ ಮನೆಗಳನ್ನು ಬಿಟ್ಟು ಬೇರೆ ಮನೆಗಳಿಗೆ ಹೋಗಿದ್ದ ನಿಷ್ಟಾವಂತ ಮುಖಂಡರು. ಕಾರ್ಯಕರ್ತರು ತಮ್ಮ ನೆರಳಿಗಾಗಿ ವಾಪಸ್ಸು ಆಗಮಿಸುತ್ತಿದ್ದು ಅವರೆಲ್ಲರನ್ನು ಮನಪೂರ್ವಕವಾಗಿ ಸ್ವಾಗತಿಸುತ್ತೇನೆ ಎಂದು ಮಾಜಿ ಮುಖ್ಯಮಂತ್ರಿ. ಹಾಲಿ ಶಾಸಕರಾದ ಹೆಚ್.ಡಿ.ಕುಮಾರಸ್ವಾಮಿ ಅವರು ಸಂತಸ ವ್ಯಕ್ತಪಡಿಸಿದರು. 

   ಸಾತನೂರು ರಸ್ತೆಯ ಸುಣ್ಣಘಟ್ಟ ಗ್ರಾಮದಲ್ಲಿ ಅಶ್ವಥ್. ಸಿದ್ದರಾಮಯ್ಯ ಅವರ ನೇತೃತ್ವದಲ್ಲಿ ಏರ್ಪಡಿಸಿದ್ದ ಅನ್ಯ ಪಕ್ಷಗಳ ಮುಖಂಡರ ಸೇರ್ಪಡೆ ಕಾರ್ಯಕ್ರಮವನ್ನು ದೀಪ ಬೆಳಗಿಸುವ ಮೂಲಕ ಉದ್ಘಾಟಿಸಿ ಹಾಗೂ ದ್ಯಾವಪಟ್ಟಣ. ಅಂಬೇಡ್ಕರ್ ನಗರ. ಕಲ್ಲಾಪುರ. ಸೇರಿದಂತೆ ಹಲವಾರು ಗ್ರಾಮದ ಯುವಕರು. ಮುಖಂಡರುಗಳಿಗೆ  ಪಕ್ಷದ ಶಾಲು ಹಾಕುವ ಮೂಲಕ ಸೇರ್ಪಡೆ ಮಾಡಿಕೊಂಡರು.

ಮಾಜಿ ಸಚಿವರಾದ, ಎಂ. ವರದೇಗೌಡ ಅವರ ಕಾಲದಲ್ಲಿ ಪಕ್ಷ ಸದೃಢವಾಗಿತ್ತು. ಅಂದು ಬಿಜೆಪಿ ಎಲ್ಲಿತ್ತು ಎಂದು ವ್ಯಂಗ್ಯವಾಗಿ ಪ್ರಶ್ನೆ ಮಾಡಿದ ಅವರು ಈಗಲೂ ಸಹ ಜೆಡಿಎಸ್ ಪಕ್ಷವನ್ನು ಯಾರು ಸಹ ಕೆಳಗಿಳಿಸಲು ಸಾಧ್ಯವಿಲ್ಲ ಎಂದರು. ಕಳೆದ ಸಾರ್ವತ್ರಿಕ ಚುನಾವಣೆಯಲ್ಲಿ ಪಕ್ಷದ ಕಾರ್ಯಕರ್ತರು. ಮುಖಂಡರ ಒತ್ತಾಯ ಮತ್ತು ಪಕ್ಷದ ಏಳಿಗೆಗಾಗಿ ರಾಮನಗರ ಚನ್ನಪಟ್ಟಣ ಎರಡು ಕ್ಷೇತ್ರಗಳಲ್ಲು ನಾಮಪತ್ರವನ್ನು ಸಲ್ಲಿಸಿದೆ. ನಿಮ್ಮಗಳ ವಿಶ್ವಾಸ. ಸಹಕಾರದಿಂದ ಎರಡರಲ್ಲೂ ಜಯಗಳಿಸಿ ಕೊನೆಯದಾಗಿ ಈ ಕ್ಷೇತ್ರವನ್ನು ಉಳಿಸಿಕೊಂಡೆ. ಇಂದು ಕೆಲ ಮಂದಿ ಅಪಪ್ರಚಾರ ಮಾಡಲು ಮುಂದಾಗಿದ್ದಾರೆ ಹೆಚ್‍ಡಿಕೆ ಈ ಕ್ಷೇತ್ರದ ಬದಲಾಗಿ ಮಂಡ್ಯ. ಕೆ.ಆರ್.ಪೇಟೆಯಲ್ಲಿ ಸ್ಪರ್ಧಿಸುತ್ತಾರೆ ಎಂದು ಇಂತಹ ಅಪಪ್ರಚಾರಕ್ಕೆ ಯಾರು ಆತಂಕಪಡುವ ಅಗತ್ಯವಿಲ್ಲ ಈ ಕ್ಷೇತ್ರವನ್ನು ಬಿಟ್ಟು ಬೇರೆ ಕ್ಷೇತ್ರಕ್ಕೆ ಹೋಗುವುದಿಲ್ಲ. ಈ ಭಾರಿಯೂ ಇದೇ ಕ್ಷೇತ್ರದಿಂದಲೆ ಎರಡನೇ ಬಾರಿ ಮುಖ್ಯಮಂತ್ರಿ ಆಗುತ್ತೆನೆ ಎಂದು ವಿಶ್ವಾಸವ್ಯಕ್ತಪಡಿಸಿದರು.

ಸಾರ್ವತ್ರಿಕ ಚುನಾವಣೆಯಲ್ಲಿ ನಿಮ್ಮೆಲ್ಲರ ಶ್ರಮ. ಹಾಗೂ ನಿಷ್ಠೆಯ ಪ್ರಚಾರದಿಂದ ಜಯಗಳಿಸುವುದು ಸತ್ಯ. ಆ ಗೆಲುವು ನನ್ನದಲ್ಲ. ಅದು ನಿಮ್ಮಗಳ ಗೆಲುವು ಎಂದು ಹೇಳಿದ ಅವರು ಈ ಭಾರಿ ಬಹುಮತಗಳಿಂದ ಸ್ವತಂತ್ರವಾಗಿ ಕರುನಾಡಿನ ಅಧಿಕಾರವನ್ನು ಪಡೆದರೆ ಪಂಚರತ್ನ ಯಾತ್ರೆಯಲ್ಲಿ ಘೋಷಣೆ ಮಾಡಿರುವಂತೆ ಪ್ರತಿಯೊಂದನ್ನು ಜಾರಿಗೊಳಿಸುತ್ತೇನೆ ಎಂದು ಭರವಸೆ ನೀಡಿದ ಅವರು ಕಳೆದ ಆಡಳಿತದಲ್ಲಿ 14 ತಿಂಗಳು ಮಾತ್ರ ಅಡಳಿತ ಆದರೆ ಈ ಭಾರಿ ಪೂರ್ಣ ಅಂದರೆ 5 ವರ್ಷ ಆಡಳಿತವನ್ನು ಕಲ್ಪಿಸಿದರೆ ಸಮಗ್ರ ಅಭಿವೃದ್ಧಿಯ ಜತೆಯಲ್ಲಿ ಶಾಂತಿಯುತವಾದ ನೆಮ್ಮದಿ ಜೀವನವನ್ನು ಸರಿದೂಗಿಸುವಂತೆ ಸರ್ವ ಧರ್ಮ. ಸರ್ವ ಜಾತಿ ಸಮುದಾಯಗಳಿಗೆ ಉತ್ತಮವಾದ ಆಡಳಿತದ ಮೂಲಕ ಯೋಜನೆಗಳನ್ನು ಜಾರಿಗೊಳಿಸುತ್ತೇನೆ ಎಂದರು.

 

   ಈ ಕ್ಷೇತ್ರದಲ್ಲಿ ದೊಡ್ಡ ಪಡೆಯೇ ಇದೆ. ಆದರೆ ಕೆಲವೊಂದು ಸಣ್ಣ ಭಿನ್ನಾಭಿಪ್ರಾಯಗಳಿಂದ ಸಮಸ್ಯೆಗಳು ಎದುರಾಗುತ್ತವೆ. ಅದನ್ನು ನಾವು ನಮ್ಮಲ್ಲೆ ಸರಿಪಡಿಸಿಕೊಳ್ಳಬೇಕಾಗಿದೆ. ಇದು ದೇವರ ಆಟ 1994ರಲ್ಲಿ ದೇವೇಗೌಡರು ಸ್ಪರ್ಧಿಸಿದರೆ ಅವರ ಗೆಲುವಿನ ಜತೆಯಲ್ಲಿ ಮುಖ್ಯಮಂತ್ರಿ ಆಗುತ್ತಿದ್ದರು. ಆದರೆ ರಾಮನಗರ ಕಾರ್ಯಕರ್ತರ ಉಳಿವಿಗಾಗಿ ಅವರು ಅಲ್ಲಿ ಸ್ಪರ್ಧೆ ಮಾಡಿದರು. ನಾನು ಅಂದೆ  ರಾಜಕೀಯದ ಪಾದ ಮುಟ್ದೆದ್ದೆ. ಕಳೆದ ಸಾರ್ವತ್ರಿಕ ಚುನಾವಣೆಯಲ್ಲಿ ಅದರ ನಂಬಿಕೆ ವಿಶ್ವಾಸದಿಂದ ನನಗೆ ಜಯ ನೀಡಿ ಮುಖ್ಯಮಂತ್ರಿಯನ್ನಾಗಿ ಮಾಡಿದ್ದೀರಿ‌ ಈ ಬಾರಿಯು ಸಹ ಅದೇ ವಿಶ್ವಾಸವಿದೆ ಎಂದು ಹೇಳಿದ ಅವರು ನಮ್ಮದು ಅಕ್ರಮ ಹಣ ಕ್ರಿಕೆಟ್ ಬೆಟ್ಟಿಂಗ್ ಅಲ್ಲ ನಿಮ್ಮಗಳ ಸಹಕಾರ ವಿಶ್ವಾಸದಿಂದ ದುಡಿಮೆಯಿಂದ ಪಡೆದಿರುವ ಹಣ ಹಾಗಾಗಿ ಈ ಬಾರಿ ಗೆಲುವಿಗಾಗಿ ನಿಮ್ಮಗಳ ಆಶಿರ್ವಾದ ಸಹಕರವಿರಲಿ ಎಂದು ಮನವಿ ಮಾಡಿದರು.

ಮಾಜಿ ಶಾಸಕ ಎಂ.ಸಿ.ಅಶ್ವಥ್. ತಾ.ಅಧ್ಯಕ್ಷ ಹೆಚ್.ಸಿ.ಜಯಮುತ್ತು. ನಗರ ಘಟಕದ ಅಧ್ಯಕ್ಷ ಅಜೇಯ್‍ಕುಮಾರ್.  ಬಿಡಿಸಿಸಿ ಬ್ಯಾಂಕ್ ನಿರ್ದೇಶಕ ಕುಕ್ಕೂರುದೊಡ್ಡಿ ಜಯರಾಮು. ಮುಖಂಡರಾದ ಹಾಪ್‍ಕಾಮ್ಸ್ ದೇವರಾಜು. ಪ್ರಸನ್ನ ಪಿ ಗೌಡ. ಗೋವಿಂದಹಳ್ಳಿ ನಾಗರಾಜು. ಎಂ.ಸಿ.ಕರಿಯಪ್ಪ. ಬೋರ್‍ವೆಲ್ ರಾಮಚಂದ್ರ. ಸೇರಿದಂತೆ ಹಲವಾರು ಮುಖಂಡರು ಹಾಜರಿದ್ದರು. 

*ನಗರದ ಅಭಿವೃದ್ಧಿಗಾಗಿ ಕುಮಾರಸ್ವಾಮಿ ಯಾವ ಯೋಜನೆ. ಯಾವ ಅನುದಾನವನ್ನು ಬಿಡುಗಡೆ ಮಾಡಿಸಿದ್ದಾರೆ ಎಂಬುದು ಗೊತ್ತಿದೆ. ಅವರು ಯಾರೋ ಯುಜಿಡಿ ಅಭಿವೃದ್ಧಿಗಾಗಿ ನಾನು ಅನುದಾನವನ್ನು ತಂದಿದ್ದೇನೆ ಎಂದು ಕೆಲವೊಂದು ಭಾಷಣಗಳಲ್ಲಿ ಹೇಳುತ್ತಿದ್ದಾರೆ. ಈ ರಾಜ್ಯ ಸರ್ಕಾರ ನನ್ನ ಮನವಿ ಮೇರೆಗೆ ಏಕೆ ಹಣ ಬಿಡುಗಡೆ ಮಾಡುತ್ತಿದ್ದಾರೆ ಎಂಬುದು ಗೊತ್ತಿದೆ. ಇನ್ನು ಸಂಸದ ಈ ಕ್ಷೇತ್ರಕ್ಕೆ ಏನು ಅಭಿವೃದ್ಧಿ ಮಾಡಿಸಿದ್ದಾರೆ ಅವರದು ಹೋದ ಪುಟ್ಟ ಬಂದ ಪುಟ್ಟ ಎನ್ನುವಂತಾಗಿದೆ.*

ಗೋ ರಾ ಶ್ರೀನಿವಾಸ...

ಮೊ:9845856139.