ಚನ್ನಪಟ್ಟಣ:  ರಾಜ್ಯ ಚುನಾವಣಾ   ಅಧಿಕಾರಿಗಳ ಆದೇಶದ ಮೇರೆಗೆ ಚನ್ನಪಟ್ಟಣ ತಾಲ್ಲೂಕು ಕಛೇರಿಯಲ್ಲಿ  ನಗರದ ನೋಡಲ್ ಅಧಿಕಾರಿ ಆನಂದ ಚಿ ಕಲ್ಲೋಳ್ಕರ್, ಗ್ರಾಮಾಂತರ ನೋಡಲ್ ಅಧಿಕಾರಿ ಇ ಒ ರಾಮಕೃಷ್ಣ ರವರು ಚನ್ನಪಟ್ಟಣದ ವಿಧಾನಸಭಾ ಕ್ಷೇತ್ರದ ವೇಳಾಪಟ್ಟಿಯನ್ನು ಬಿಡುಗಡೆ ಮಾಡಿದರು.

 

17/04/2018 ನೇ ಮಂಗಳವಾರದಿಂದ 24/04/2018 ನೇ ಮಂಗಳವಾರದ ತನಕ ನಾಮಪತ್ರ ಸಲ್ಲಿಕೆ, ಅಂದೇ ಕೊನೆಯ ದಿನ, 25/04/18 ಬುಧವಾರ ನಾಮಪತ್ರ ಪರಿಶಿಲನೆ, 27/04/18 ನೇ ಶುಕ್ರವಾರ ನಾಮಪತ್ರ ಹಿಂಪಡೆಯುವ ದಿನವಾಗಿರುತ್ತದೆ.

01/05/18 ನೇ ಮಂಗಳವಾರ ಮೊದಲ ಹಂತದ ತರಬೇತಿ, 06/05/18 ನೇ ಭಾನುವಾರ ಇ ವಿ ಎಂ ತಯಾರಿ, 07/05/18 ನೇ ಸೋಮವಾರ ಮತ್ತು ಮಂಗಳವಾರ ಎರಡನೇ ಹಂತದ ತರಬೇತಿ, ಪಿ ಅರ್ ಓ, ಎ ಪಿ ಆರ್ ಓ, ಮೊದಲ ಮತಗಟ್ಟೆ ಅಧಿಕಾರಿ, ಎರಡನೇ ಮತಗಟ್ಟೆ ಅಧಿಕಾರಿ ಮತ್ತು ಮೂರನೇ ಮತಗಟ್ಟೆ ಅಧಿಕಾರಿ.

09/05 ಬುಧವಾರ 10/05 ಗುರುವಾರ ಮಾರ್ಕಿಂಗ್ ಕಾಫಿ, ಮಸ್ಟರಿಂಗ್ ಸಿದ್ಧತೆ.

11/05 ಶುಕ್ರವಾರ ಮಸ್ಟರಿಂಗ್, 12/05 ಶನಿವಾರ ಪೋಲಿಂಗ್ ಮತ್ತು ಡಿಮಸ್ಟರಿಂಗ್ ದಿನ, 13/05 ಭಾನುವಾರ ಚುನಾವಣಾ ವೀಕ್ಷಕರ ಪರಿಶೀಲನೆ, 14/05 ಸೋಮವಾರ ಎಣಿಕೆ ತರಬೇತಿ, 15/05 ಮಂಗಳವಾರ ಮತ ಎಣಿಕೆ ದಿನ, ಹಾಗೂ 18/05/2018 ನೇ ಶುಕ್ರವಾರ ಚುನಾವಣಾ ಮುಕ್ತಾಯದ ಹಿಂದಿನ ದಿನವಾಗಿರುತ್ತದೆ ಅಲ್ಲಿಯ ತನಕ ಚುನಾವಣಾ ನೀತಿಸಂಹಿತೆ ಜಾರಿಯಲ್ಲಿರುತ್ತದೆ ಎಂದು ತಿಳಿಸಿದರು.

 

ಚನ್ನಪಟ್ಟಣ ವಿಧಾನಸಭಾ ಕ್ಷೇತ್ರಕ್ಕೆ ಸಂಬಂಧಿಸಿದಂತೆ ಕೋಲೂರು ಗೇಟ್, ಕುಂಬಾರಕಟ್ಟೆ, ಜಗದಾಪುರ ಮತ್ತು ಮಾಕಳಿ ಗ್ರಾಮದಲ್ಲಿ ಚೆಕ್ ಪೋಸ್ಟ್ ಗಳನ್ನು ನಿರ್ಮಿಸಿಲಾಗಿದೆ, 

ಪ್ರತಿ ಚೆಕ್ ಪೋಸ್ಟ್ ಗಳಲ್ಲಿಯೂ ಪೋಲಿಸರ ಜೊತೆಗೆ ತಪಾಸಣಾ ಅಧಿಕಾರಿ ಮತ್ತು ವಿಡಿಯೋ ಚಿತ್ರಿಕರಣಕಾರರು ಇರುತ್ತಾರೆ, ದಿನದ ಇಪ್ಪತ್ತಾಲ್ಕು ಗಂಟೆಗಳ ಕಾಲ ಎಂಟು ಗಂಟೆಗಳ ಒಂದೊಂದು ಗುಂಪು ಕೆಲಸ ನಿರ್ವಹಿಸುತ್ತಾರೆ ಎಂದು ಮಾಹಿತಿ ನೀಡಿದರು.

 

ಚನ್ನಪಟ್ಟಣ ನಗರಕ್ಕೆ ಸಂಬಂಧಿಸಿದಂತೆ ನಗರಸಭೆಯ ಆಯುಕ್ತ ಡಾ ಆನಂದ ಚಿ ಕಲ್ಲೋಳ್ಕರ್ ರವರು ನೋಡಲ್ ಅಧಿಕಾರಿಯಾಗಿ ನೇಮಕಗೊಂಡಿದ್ದಾರೆ, ಬೆಳಿಗ್ಗೆ ಏಳರಿಂದ ಸಂಜೆ ಏಳು ಗಂಟೆ ಹಾಗೂ ಸಂಜೆ ಏಳು ಗಂಟೆಯಿಂದ ಬೆಳಿಗ್ಗೆ ಏಳು ಗಂಟೆಯವರೆಗೆ ಎರಡು ಗುಂಪುಗಳು ಕಾರ್ಯನಿರ್ವಹಿಸುತ್ತಾರೆ, ಮೊದಲ ಗುಂಪಿನಲ್ಲಿ (ಎ ಡಿ) ಜಯರಾಮರವರ ಜೊತೆ ವಿಡಿಯೋ ಗ್ರಾಫರ್ ಸೇರಿದಂತೆ ಎಂಟು ಮಂದಿ ಎರಡನೇ ಗುಂಪಿನಲ್ಲಿ ಅಶೋಕ್ (ಎಇ) ವಿಡಿಯೋ ಗ್ರಾಫರ್ ಸೇರಿದಂತೆ ಆರು ಮಂದಿ ಕಾರ್ಯನಿರ್ವಹಿಸುತ್ತಾರೆ.

 

ಗ್ರಾಮೀಣ ಭಾಗದಲ್ಲಿ ರಾಮಕೃಷ್ಣ (ಇಒ) ನೋಡಲ್ ಅಧಿಕಾರಿಯಾಗಿ ನೇಮಕಗೊಂಡಿದ್ದಾರೆ, ಅವರ ನೇತೃತ್ವದಲ್ಲಿ ಹೋಬಳಿಗೆ ಎರಡು ಗುಂಪುಗಳಂತೆ ಕಸಬಾ ಹೋಬಳಿ ಗೆ ಸೀತಾರಾಮು (ಬಿಇಓ) ತಂಡದಲ್ಲಿ ಏಳು ಮಂದಿ, ವಿವೇಕ್ (ಎಡಿಹೆಚ್)  ನೇತೃತ್ವದಲ್ಲಿ ಆರು ಮಂದಿ,

ಮಳೂರು ಹೋಬಳಿಯಲ್ಲಿ ಸಿದ್ದರಾಜು (ಎಡಿಹೆಚ್) ಹಾಗೂ ಭರತ್ (ಎಇ ಪಿಆರ್ ಇಡಿ) ರವರ ತಂಡದಲ್ಲಿ ತಲಾ ಏಳು ಮಂದಿ, 

ವಿರೂಪಾಕ್ಷಿಪುರ ಹೋಬಳಿಯಲ್ಲಿ ವೀರಭದ್ರಯ್ಯ (ಎಡಿ ಎಂಎಂಎಸ್) ಹಾಗೂ ಮಂಜುನಾಥ್ (ಎಡಿ ಎಸ್ ಡಿ) ರವರ ತಂಡಗಳಲ್ಲಿ ತಲಾ ಏಳು ಮಂದಿ ಬೆಳಿಗ್ಗೆ ಏಳರಿಂದ ನಾಳೆ ಬೆಳಿಗ್ಗೆ ಏಳು ಗಂಟೆಗಳ ಕಾಲ ತಲಾ ಎರಡು ಅವಧಿಯಲ್ಲಿ ಕೆಲಸ ನಿರ್ವಹಿಸುತ್ತಾರೆ ಎಂಬುದಾಗಿ ಮಾಹಿತಿ ನೀಡಿದರು.