ಚನ್ನಪಟ್ಟಣ ಇನ್‌ಸ್ಟಿಟ್ಯೂಟ್ ಆಫ್ ಸ್ಪೋರ್ಟ್ಸ್ ಅಂಡ್ ಕಲ್ಚರ್ (ರಿ) ಕ್ಲಬ್ ನಲ್ಲಿ ನಿರ್ಮಾಣವಾಗಿರುವ ವುಡನ್ ಕೋಟ್೯ ನಲ್ಲಿ ರಾಮನಗರ ಜಿಲ್ಲಾ ಬ್ಯಾಡ್ಮಿಂಟನ್ ಅಸೋಸಿಯೇಷನ್ (ರಿ) ಮತ್ತು ಕರ್ನಾಟಕ ಬ್ಯಾಡ್ಮಿಂಟನ್ ಅಸೋಸಿಯೇಷನ್ ಸಂಯುಕ್ತಾಶ್ರಯದಲ್ಲಿ ದಿನಾಂಕ ೨೬ ರಿಂದ ೨೮ ರವರೆಗೆ ಪ್ರಪ್ರಥಮ ಬಾರಿಗೆ ಯುನೆಕ್ಸ್ ಸನ್ ರೈಸ್ ಕರ್ನಾಟಕ ರಾಜ್ಯ ಬ್ಯಾಡ್ಮಿಂಟನ್ ಚಾಂಪಿಯನ್ ಶಿಪ್ ಪಂದ್ಯಾವಳಿ ನಡೆಯಲಿದೆ ಎಂದು ಸಿ ಐ ಎಸ್ ಸಿ ಅಧ್ಯಕ್ಷ ಟಿ ಕೆ ಯೋಗೇಶ್ ರವರು ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದರು.

ನಮ್ಮ ಕ್ಲಬ್ ಹದಿನೆಂಟು ವರ್ಷಗಳಿಂದ ಕ್ರೀಡೆ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಆಯೋಜಿಸುತ್ತಿದ್ದು ಇದೇ ಪ್ರಥಮ ಬಾರಿಗೆ ಕರ್ನಾಟಕ ಬ್ಯಾಡ್ಮಿಂಟನ್ ಅಸೋಸಿಯೇಷನ್ ರಾಜ್ಯ ಮಟ್ಟದ ಬ್ಯಾಡ್ಮಿಂಟನ್ ಆಯೋಜಿಸಲು ಅನುಮತಿ ಸಿಕ್ಕಿದ್ದು ನಮಗೆಲ್ಲ ಸಂತಸವಾಗಿದೆ.

ಒಟ್ಟು ಏಳು ಪಂದ್ಯಗಳು ನಡೆಯಲಿದ್ದು ಸರಿಸುಮಾರು ಮೂರುನೂರಾ ಐವತ್ತು ತಂಡಗಳು ಭಾಗವಹಿಸುವ ಸಾಧ್ಯತೆ ಇದೆ. ಅಷ್ಟು ಜನರಿಗೆ ಎಲ್ಲಾ ರೀತಿಯ ಅನುಕೂಲ ಮತ್ತು ಕೋಟ್೯ ಕಡಿಮೆ ಇರುವುದರಿಂದ ದಿನಾಂಕ ೨೪ ಮತ್ತು ೨೫ ರಲ್ಲಿ ಬೆಂಗಳೂರಿನಲ್ಲಿ ನಡೆಸಿ ೨೬/೨೭ ಮತ್ತು ೨೮ ನೇ ತಾರೀಖಿನಂದು ಚನ್ನಪಟ್ಟಣದಲ್ಲಿ ಆಯೋಜಿಸಲು ತೀರ್ಮಾನವಾಗಿದೆ. ಈ ಎಲ್ಲಾ ಖರ್ಚುಗಳನ್ನು ನಮ್ಮ ಕ್ಲಬ್  ವತಿಯಿಂದ ಭರಿಸಲಾಗುವುದು.

ನಮ್ಮ ಕ್ಲಬ್ ಸದಸ್ಯರು ಮತ್ತು ಕೆಲವು ಶಾಲಾ ಮಕ್ಕಳು ಸೇರಿದಂತೆ ಚನ್ನಪಟ್ಟಣದಲ್ಲಿ ಒಟ್ಟು ಹದಿನಾಲ್ಕು ಮಂದಿ ಭಾಗವಹಿಸುತ್ತಿದ್ದಾರೆ, ಇಲ್ಲಿ ಯಾರೇ ಗೆದ್ದರೂ ರಾಷ್ಟ್ರ ಮಟ್ಟದ ಬ್ಯಾಡ್ಮಿಂಟನ್ ಗೆ ಆಯ್ಕೆಯಾಗುತ್ತಾರೆ ಎಂದು ಸಿ ಎಸ್ ಐ ಸಿ ಕಾರ್ಯದರ್ಶಿ ಹಾಗೂ ಬ್ಯಾಡ್ಮಿಂಟನ್ ಗೆ ಸೀನಿಯರ್ ಆಟಕ್ಕೆ ಆಯ್ಕೆಯಾಗಿರುವ ಸಿ ಎಸ್ ಮಹೇಶ್ ಹರ್ಷ ವ್ಯಕ್ತಪಡಿಸಿದರು.

ಕ್ಲಬ್ ನಡೆದು ಬಂದ ಹಾದಿಯನ್ನು ವಿವರಿಸಿ ಮಾತನಾಡಿದ ಉಪಾಧ್ಯಕ್ಷ ಹೆಚ್ ಮಂಜುನಾಥ್ ರವರು ಈ ಬಾರಿ ಗೆಲ್ಲುವ ಆಟಗಾರರಿಗೆ ಹಾಗೂ ಭಾಹವಹಿಸಿದ ತಂಡಗಳಿಗೂ ಚನ್ನಪಟ್ಟಣದಲ್ಲಿ ತಯಾರಾಗುವ ಕಲಾಕೃತಿಗಳನ್ನು ಕೊಡಲು ತೀರ್ಮಾನಿಸಲಾಗಿದೆ, ಇದಕ್ಕೆಂದೇ ಸುಮಾರು ಒಂದೂವರೆ ಲಕ್ಷ ರೂ ಗಳನ್ನು ವ್ಯಯಿಸುತ್ತೇವೆ ಎಂದರು.

ಕಾರ್ಯದರ್ಶಿ ಸಿ ಅಜಯ್ ಕುಮಾರ್ ಮಾತನಾಡಿ ಕೊಡಗಿನಲ್ಲಿ ಭೀಕರ ಮಳೆಗೆ ತುತ್ತಾಗಿ ಕಂಗಾಲಾಗಿರುವವರಿಗೆ ನೆರವಾಗಲು ನಮ್ಮ ಸಂಸ್ಥೆಯಿಂದ ಮುಖ್ಯಮಂತ್ರಿಗಳ ಪರಿಹಾರ ನಿಧಿಗೆ ಎರಡು ಲಕ್ಷ ರೂ ಗಳನ್ನು ದೇಣಿಗೆಯಾಗಿ ನೀಡುತಿದ್ದೇವೆಂದು ತಿಳಿಸಿದರು.

೨೪ ನೇ ತಾರೀಖಿನಂದು ಬೆಂಗಳೂರಿನಲ್ಲಿ ನಡೆಯಲಿರುವ ಬ್ಯಾಡ್ಮಿಂಟನ್ ಉದ್ಘಾಟನೆಯನ್ನು ಕೆ ಬಿ ಎ ಅಧ್ಯಕ್ಷರಾದ ಎಸ್ ಚಕ್ರಪಾಣಿ, ಚನ್ನಪಟ್ಟಣ ಆರ್ ಡಿ ಬಿ ಎ ಅಧ್ಯಕ್ಷರಾದ ಜಿ ಕೆ ಬಾಲಾಜಿ ಮತ್ತು ಘನ ಉಪಸ್ಥಿತಿ ಪಂದ್ಯಗಳ ಚಾಲನೆಯನ್ನು ಕೆ ಬಿ ಎ ಕಾರ್ಯದರ್ಶಿ ಪಿ ರಾಜೇಶ್ ನೆರವೇರಿಸಲಿದ್ದಾರೆ.

೨೮ ನೇ ತಾರೀಖಿನಂದು ನಡೆಯುವ ಸಮಾರೋಪ ಸಮಾರಂಭದಲ್ಲಿ ಮಾನ್ಯ ಮುಖ್ಯಮಂತ್ರಿಗಳಾದ ಹೆಚ್ ಡಿ ಕುಮಾರಸ್ವಾಮಿ ಯವರು, ಜಲಸಂಪನ್ಮೂಲ ಸಚಿವರಾದ ಡಿ ಕೆ ಶಿವಕುಮಾರ್, ಸಂಸದರಾದ ಡಿ ಕೆ ಸುರೇಶ್ ರವರು ಸಿ ಎಸ್ ಐ ಸಿ ಪದಾಧಿಕಾರಿಗಳು, ಸದಸ್ಯರು ಮತ್ತು ಪಂದ್ಯವನ್ನು ಪ್ರೋತ್ಸಾಹ ನೀಡಿರುವ ಗಣ್ಯರು ಭಾಗವಹಿಸುವರು.

ಗೋ ರಾ ಶ್ರೀನಿವಾಸ...

ಮೊ: 9845856139.