ಒಂದೇ ಕಡೆ ಕೆಲಸ ಮಾಡುತಿದ್ದಾಗ ಒಬ್ಬರನ್ನೊಬ್ಬರು ಪ್ರೀತಿಸಿ ಮದುವೆಯಾದ ಭೂಪನೊಬ್ಬ ತನ್ನ ತಾಯಿ ಬೇರೆ ಜಾತಿಯ ಹುಡುಗಿಯನ್ನು ಮದುವೆಯಾಗಿರುವುದಕ್ಕೆ ಆಕ್ಷೇಪಣೆ ವ್ಯಕಪಡಿಸಿದಳು ಎಂಬ ನೆಪವೊಡ್ಡಿ ಹೆಂಡತಿಯ ಎಟಿಎಂ ಕಾಡ್೯ ಪಡೆದು ಪರಾರಿಯಾಗಿರುವ ಘಟನೆ ಚನ್ನಪಟ್ಟಣ ಗ್ರಾಮಾಂತರ ಠಾಣಾ ವ್ಯಾಪ್ತಿಯ ಹೊಂಗನೂರು ಗ್ರಾಮದಲ್ಲಿ ನಡೆದಿದೆ.

 

ಹೊಂಗನೂರು ಗ್ರಾಮದ ಅರಸು ಜನಾಂಗದ ಪಾಂಡುರಂಗರಾಜೇಅರಸು ಸವಿತಮ್ಮಣ್ಣಿ ಯ ಪುತ್ರ ಇಪ್ಪತ್ನಾಲ್ಕು ವರ್ಷದ ಪ್ರಸನ್ನರಾಜೇಅರಸು ಎಂಬಾತ ಕುಂಬಳಗೂಡಿನಲ್ಲಿ ತನ್ನ ತಾಯಿಯ ಜೊತೆ ವಾಸವಾಗಿದ್ದು ಅಲ್ಲೇ ಸಮೀಪದ ಮನೆಯೊಂದರಲ್ಲಿ ಕನಕಪುರ ತಾಲೂಕಿನ ಸಾಸಲಾಪುರ ಗ್ರಾಮದ ಒಕ್ಕಲಿಗ ಜನಾಂಗದ ಲೇಟ್ ಲಿಂಗೇಗೌಡ ಹೊನ್ನಮ್ಮ ಪುತ್ರಿಯಾದ ಪವಿತ್ರ ಎಂಬ ಯುವತಿ ಒಟ್ಟಿಗೆ ಒಂದೇ ಕಾರ್ಖಾನೆಯಲ್ಲಿ ಕೆಲಸ ನಿರ್ವಹಿಸುತಿದ್ದು ಪರಸ್ಪರ ಪ್ರೀತಿಸಿ ಕೆಂಗಲ್ ದೇವಸ್ಥಾನದಲ್ಲಿ ಮದುವೆಯಾಗಿದ್ದರು.

ಹುಡುಗನ ತಾಯಿ ಸವಿತಮ್ಮಣ್ಣಿ ಮದುವೆ ಬಗ್ಗೆ ಅಸಹನೆ ವ್ಯಕ್ತಪಡಿಸಿದ್ದು ಗಲಾಟೆಯು ನಡೆದಿತ್ತು. ಇಪ್ಪತ್ತು ದಿನಗಳ ಹಿಂದೆ ನನ್ನ ತಂದೆ ತೀರಿಹೋಗಿದ್ದು ಮನೆಯಲ್ಲಿ ಗೂಡು ಕಟ್ಟಿದ್ದಾರೆ ಅದನ್ನು ಬಿಚ್ಚಿಸಿ ಬರುತ್ತೇನೆಂದು ತೆರಳಿದವರು ಮತ್ತೆ ವಾಪಸ್ಸಾಗದ ಕಾರಣ ಹುಡುಗಿಯು ಕುಂಬಳಗೂಡು ಆರಕ್ಷಕ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

 

ದೂರು ದಾಖಲಿಸಿ ಇಪ್ಪತ್ತು ದಿನಗಳೆದರೂ ಸಹ ಸುಳಿವಿಲ್ಲದ ಕಾರಣ ದಿಕ್ಕುತೋಚದ ಹುಡುಗಿ ತನ್ನ ತಾಯಿಯ ಜೊತೆ ಚನ್ನಪಟ್ಟಣದ ಗ್ರಾಮಾಂತರ ಠಾಣೆಗೆ ದೂರು ದಾಖಲಿಸಿ ಇಂದು ಬೆಳಿಗ್ಗೆ ಹುಡುಗನ ಸ್ವಗ್ರಾಮ ಹೊಂಗನೂರಿನ ಬೀಗ ಹಾಕಿದ ಮನೆಯ ಮುಂದೆ ಧರಣಿ ಕುಳಿತಿದ್ದಾರೆ.

 

ನಮ್ಮ ಪತ್ರಿಕೆಯ ವರದಿಗಾರರ ಜೊತೆ ಮಾತನಾಡಿದ ಸಂತ್ರಸ್ತೆ ಪವಿತ್ರ ರವರು ನನ್ನ ಪತಿ ತುಂಬಾ ಒಳ್ಳೆಯವರು, ಅವರ ತಾಯಿಯ ಒತ್ತಾಯದ ಮೇರೆಗೆ ಈ ರೀತಿ ಮಾಡಿದ್ದಾರೆ ದಯವಿಟ್ಟು ನನಗೆ ನ್ಯಾಯ ಒದಗಿಸಿಕೊಡಿ, ಇಲ್ಲವಾದರೆ ಅವರ ಮನೆಯಮುಂದೆಯೆ ವಿಷ ಕುಡಿಯುತ್ತೇನೆ ಎಂದು ಅಳಲು ತೋಡಿಕೊಂಡರು.

 

ಪವಿತ್ರಾ ಳ ಎಟಿಎಂ ಕಾರ್ಡ್ ಬಳಸಿ ಏಳುಸಾವಿರ ರೂಪಾಯಿಗಳನ್ನು ತಮಿಳುನಾಡಿನ ಸೇಲಂ ನ ಎಟಿಎಂ ನಲ್ಲಿ ಡ್ರಾ ಮಾಡಿರುವ ಸಂದೇಶ ಈಕೆಯ ಮೊಬೈಲ್ ಗೆ ಬಂದಿದ್ದು ಪೋಲಿಸರು ಅವನ ಜಾಡು ಹಿಡಿದು ಸಂತ್ರಸ್ತೆಗೆ ನ್ಯಾಯ ಒದಗಿಸಲು

ಮುಂದಾಗಬೇಕಾಗಿದೆ.

 

ಯುವತಿ ಪವಿತ್ರ ಜೊತೆ ಅವರ ತಾಯಿ ಹೊನ್ನಮ್ಮ, ಕಾಂಗ್ರೆಸ್ ಮಹಿಳಾ ಘಟಕದ ಪದಾಧಿಕಾರಿ ಹಾಗೂ ಮಹಿಳಾ ಹೋರಾಟಗಾರ್ತಿ ಮಳೂರು ಸುಕನ್ಯಾ ಇದ್ದರು.

 

 

ಗೋ ರಾ ಶ್ರೀನಿವಾಸ...

ಮೊ: 9845856139.