ಕುಮಾರಸ್ವಾಮಿ ಯವರೇ ನೀವು ಎರಡನೇ ಬಾರಿ ಮುಖ್ಯಮಂತ್ರಿಯಾಗಿದ್ದೀರಿ ಮೊದಲು ನೀವು ದೃಢ ನಿರ್ಧಾರ ಮಾಡಿ ಪ್ರಣಾಳಿಕೆಯಲ್ಲಿ ಪ್ರಕಟಿಸಿದಂತೆ ಎಸಿಬಿ ಯನ್ನು ನಿರ್ಮೂಲನೆ ಮಾಡಿ, ಭ್ರಷ್ಟಾಚಾರ ತೊಲಗಿಸಲು ಲೋಕಾಯುಕ್ತ ಬಲಪಡಿಸಲೇಬೇಕು ಎಂದು ಮಾಜಿ ವಿಧಾನ ಸಭಾಧ್ಯಕ್ಷ ಕೆ ಆರ್ ಪೇಟೆ ಕೃಷ್ಣ ಆಗ್ರಹಿಸಿದರು.

 

ಅವರು ಇಂದು ತಾಲ್ಲೂಕು ಕಛೇರಿಯ ಮುಂಭಾಗ ಆಯೋಜಿಸಿದ್ದ ಲಂಚಮುಕ್ತ ಕರ್ನಾಟಕ ನಿರ್ಮಾಣ ವೇದಿಕೆಯ ಧರಣಿಯಲ್ಲಿ ಭಾಗವಹಿಸಿ ಮಾತನಾಡಿದರು.

ಅಂದಿನ ರಾಜಕಾರಣಿಗಳಿಗೆ ಪಕ್ಷದ ವರಿಷ್ಠರು ಮಾನಮರ್ಯಾದೆಗೆ ಅಂಜುತಿದ್ದರು, ಭ್ರಷ್ಟಾಚಾರ ಎಸಗಲು ಅಂಜುತಿದ್ದರು, ಆದರೆ ಇಂದು ಒಬ್ಬನಿಗಿಂತ ಒಬ್ಬ ಹೆಚ್ಚೆಚ್ಚು ಭ್ರಷ್ಟಾಚಾರ ಮಾಡುವಲ್ಲಿ ಪೈಪೋಟಿ ನಡೆಸುತ್ತಿದ್ದಾರೆ, ರೈತ ಮತ್ತು ಬಡವರು ಗ್ರಾಮಪಂಚಾಯಿತಿಯಿಂದ ವಿಧಾನಸೌಧ ದವರೆಗೂ ತಂತಮ್ಮ ಕೆಲಸಗಳನ್ನು ಸಲೀಸಾಗಿ ಮಾಡಿಸಿಕೊಳ್ಳಲು ಅನುಕೂಲವಾಗುತ್ತದೆ, ಆದ್ದರಿಂದ ಕುಮಾರಸ್ವಾಮಿ ಯವರು ಈ ಕೂಡಲೇ ಲೋಕಾಯುಕ್ತ ಬಲಪಡಿಸುವಲ್ಲಿ ಕ್ರಮಕೈಗೊಳ್ಳಬೇಕೆಂದು ಆಗ್ರಹಿಸಿದರು.

 

ಸರ್ಕಾರವನ್ನು ತೀರ್ವ ತರಾಟೆಗೆ ತೆಗೆದುಕೊಂಡ ಕೆ ಆರ್ ಪೇಟೆ ಕೃಷ್ಣರವರು ಲೋಕಾಯುಕ್ತ ಬಲಪಡಿಸಲಿ ಎಂದು ಮೂರು ತಿಂಗಳಿಂದೀಚೆಗೆ ಮೂರು ಬಾರಿ ಧರಣಿ ಸತ್ಯಾಗ್ರಹ ಹಮ್ಮಿಕೊಂಡು ಸ್ವತಃ ಮುಖ್ಯಮಂತ್ರಿಗಳಿಗೆ ಮನವಿ ಸಲ್ಲಿಸಿದ್ದರು ಸಹ ಎಸಿಬಿಯನ್ನು ಅಧೀರಗೊಳಿಸಲಾಗಲಿ, ಭ್ರಷ್ಟಾಚಾರ ನಿರ್ಮೂಲನೆ ಮಾಡಲಾಗಲಿ ಅಥವಾ ಲೋಕಾಯುಕ್ತ ಬಲಪಡಿಸಲಾಗಲಿ ಮುಖ್ಯಮಂತ್ರಿಗಳು ಇದುವರೆಗೂ ಒಂದು ಮಾತನಾಡದಿರುವುದು ಅನುಮಾನ ಮೂಡಿಸುತ್ತಿದೆ ಎಂದು ಲಂಚಮುಕ್ತ ಕರ್ನಾಟಕ ನಿರ್ಮಾಣ ವೇದಿಕೆಯ ರಾಜ್ಯಾಧ್ಯಕ್ಷ ಹೇಳಿದರು.

 

ಇದೇ ವೇಳೆ ಸೇವಾ ಸದನ ಟ್ರಸ್ಟ್ ನ ಅಧ್ಯಕ್ಷ ರುದ್ರಪ್ಪ ನವರಿಗೆ ಲಂಚಮುಕ್ತ ಕರ್ನಾಟಕ ಟೋಪಿಯನ್ನು ತಲೆಗೇರಿಸಿ ಚನ್ನಪಟ್ಟಣದ ಉಸ್ತುವಾರಿಯನ್ನು ವಹಿಸಲಾಯಿತು.

 

೦೬/೦೯/೧೮ ಶಾಸಕರ ಭವನದಲ್ಲಿ ಲಂಚಮುಕ್ತ ಕರ್ನಾಟಕ ನಿರ್ಮಾಣ ವೇದಿಕೆ ಆಯೋಜಿಸಿದ್ದ ಲೋಕಾಯುಕ್ತ ಬಲಪಡಿಸಿ ಎನ್ನುವ ವಿಚಾರ ಸಂಕಿರಣ ಮತ್ತು ಆಗ್ರಹ ಕಾರ್ಯಕ್ರಮದಲ್ಲಿ ಅನೇಕ ರೀತಿಯ ಹೋರಾಟಗಾರರಾದ ನಿವೃತ್ತ ಲೋಕಾಯುಕ್ತರಾದ ನಿವೃತ್ತ ನ್ಯಾಯಮೂರ್ತಿ ಸಂತೋಷ ಹೆಗ್ಗಡೆ, ಸ್ವಾತಂತ್ರ್ಯ ಹೋರಾಟಗಾರ ಹೆಚ್ ಎಸ್ ದೊರೆಸ್ವಾಮಿ, ಎಸ್ ಆರ್ ಹಿರೇಮಠ್, ಪ್ರೊ ಬಿ ಕೆ ಚಂದ್ರಶೇಖರ, ರಮೇಶ್ ಬಾಬು, ಶ್ರೀಕುಮಾರ್, ಕೆ ವಿ ಧನಂಜಯ, ಕಾತ್ಯಾಯಿನಿ ಚಾಮರಾಜ್, ರವಿಕೃಷ್ಣಾರೆಡ್ಡಿ ಸೇರಿಕೊಂಡು ಅನೇಕ ನಿರ್ಣಯ ಕೈಗೊಂಡು ಮುಖ್ಯಮಂತ್ರಿಗಳಿಗೆ ಮನವಿ ಕೊಟ್ಟಿದ್ದರು ಸಹ ಅದರ ಸೊಲ್ಲೆತ್ತಿಲ್ಲ, ಆದ್ದರಿಂದ ಅವರ ಸ್ವಕ್ಷೇತ್ರ ಚನ್ನಪಟ್ಟಣದಲ್ಲಿ ಪ್ರತಿಭಟನೆ ಹಮ್ಮಿಕೊಂಡಿದ್ದೇವೆ, ಇದು ಆಗುವ ತನಕವೂ ಈ ಹೋರಾಟ ಮುಂದುವರೆಯಲಿದೆ ಎಂದು ಘೋಷಿಸಿದರು.

 

ಕಾಂಗ್ರೆಸ್ ಸರ್ಕಾರದಲ್ಲಿ ಮುಖ್ಯಮಂತ್ರಿಯಾಗಿದ್ದ ಸಿದ್ದರಾಮಯ್ಯ ಇಂತಹ ಸ್ಥಿತಿಗೆ ಕಾರಣ, ಅವರ ಹುಳುಕನ್ನು, ಭ್ರಷ್ಟಾಚಾರವನ್ನು ಬಚ್ಚಿಟ್ಟುಕೊಳ್ಳಲು ಲೋಕಾಯುಕ್ತವನ್ನು ಬಲಹೀನಗೊಳಿಸಿದರು, ೧೫೦೦ ಕ್ಕೂ ಹೆಚ್ಚು ರಾಜಕಾರಣಿಗಳ ಮತ್ತು ೮೦೦ ಕ್ಕೂ ಹೆಚ್ಚು ಅಧಿಕಾರಿಗಳು ಭ್ರಷ್ಟಾಚಾರದ ತನಿಖೆ ನಡೆದು ಜೈಲಿಗಟ್ಟುವ ಸಂದರ್ಭದಲ್ಲಿ ಸಿದ್ದರಾಮಯ್ಯ ಲೋಕಾಯುಕ್ತವನ್ನು ಬಲಹೀನಗೊಳಿಸಿದರು, ಅದನ್ನು ಈಗ ಕುಮಾರಸ್ವಾಮಿಯವರು ಮನಗಂಡು ಶೀಘ್ರವಾಗಿ ಲೋಕಾಯುಕ್ತವನ್ನು ಬಲಗೊಳಿಸಬೇಕು ಎಂದು ಸರ್ವಜನಾಂಗ ಹಿತರಕ್ಷಣಾ ವೇದಿಕೆಯ ವೇಣುಗೋಪಾಲ್ ಗುಡುಗಿದರು.

 

ಈ ಕೂಡಲೆ ಎಸಿಬಿ ಸಂಸ್ಥೆಯನ್ನು ರದ್ದುಪಡಿಸಿ, ಸರ್ಕಾರಿ ಅಧಿಕಾರಿಗಳ ವಿರುದ್ಧ ಭ್ರಷ್ಟಾಚಾರ ಪ್ರಕರಣಗಳನ್ನು ಈ ಮುಂಚಿನಂತೆ ಲೋಕಾಯುಕ್ತದ ಸುಪರ್ದಿಗೆ ತರಬೇಕು.

 

ಖಾಲಿ ಇರುವ ಉಪಲೋಕಾಯುಕ್ತ ಹುದ್ದೆಯನ್ನು ತಕ್ಷಣವೇ ತುಂಬಬೇಕು.

 

ಅಧಿಕಾರಿಗಳ ಅಧಿಕಾರ ದುರುಪಯೋಗ ಮತ್ತು ಕರ್ತವ್ಯಲೋಪ ಸಾಬೀತಾದ ಪ್ರಕರಣಗಳಲ್ಲಿ ಲೋಕಾಯುಕ್ತ ಅಥವಾ ಉಪಲೋಕಾಯುಕ್ತರು ಕ್ರಮಕೈಗೊಳ್ಳಲು ಸರ್ಕಾರಕ್ಕೆ ಮಾಡುವ ಶಿಫಾರಸುಗಳನ್ನು ಸರ್ಕಾರವು ಮರುಪರಿಶೀಲನೆ ಮಾಡದೆ ಒಪ್ಪಿಕೊಂಡು ಒಂದು ವಾರದ ಅವಧಿಯ ಒಳಗೇ ಶಿಸ್ತು ಕ್ರಮ ಜರುಗಿಸಬೇಕೆಂಬ ನಿರ್ಣಯಗಳನ್ನು ಕೈಗೊಂಡು ತಹಶಿಲ್ದಾರರಿಗೆ ಮನವಿ ಸಲ್ಲಿಸಿದರು.

 

ಕೆಂಗಲ್ ಹನುಮಂತಯ್ಯ ಸ್ಮಾರಕ ಸಮಿತಿಯ ಅಧ್ಯಕ್ಷ ಬಿ ಹೆಚ್ ಸುರೇಶ್, ರಾಜ್ಯ ರೈತ ಸಂಘದ ವಿಭಾಗೀಯ ಉಪಾಧ್ಯಕ್ಷ ಎಂ ರಾಮು, ಹಿರಿಯ ಪತ್ರಕರ್ತ ಸು ತ ರಾಮೇಗೌಡ, ರೈತ ಸಂಘದ ಜಿಲ್ಲಾಧ್ಯಕ್ಷ ಮಲ್ಲಯ್ಯ, ಸಿಂಲಿಂ ನಾಗರಾಜು ಸೇರಿದಂತೆ ಅನೇಕ ಸಂಘಟನೆಗಳ ಪದಾಧಿಕಾರಿಗಳು ಭಾಗವಹಿಸಿದ್ದರು.

 

 

ಗೋ ರಾ ಶ್ರೀನಿವಾಸ...

ಮೊ:9845856139.

---

---