ಹುಕ್ಕಾ ಮತ್ತು ಮಾದಕ ಪದಾರ್ಥ ಸೇವಿಸಲು ಜಿಲ್ಲಾಧಿಕಾರಿ ಅನುಮತಿ !? ಆರಕ್ಷಕ ಉಪ ನಿರೀಕ್ಷಕ

ರಾಮನಗರ ಬಿಡದಿ ನಡುವೆ ಇರುವ ಮಾಯಗಾನಹಳ್ಳಿ ಗ್ರಾಮದ ಹೆದ್ದಾರಿಯಲ್ಲಿ ರಾಸ್ತಾ ಕೆಫೆ ಎಂಬ ಹೋಟೆಲ್ ಇದ್ದು ಆ ಹೋಟೆಲ್ ನಲ್ಲಿ ತಡರಾತ್ರಿವರೆಗೂ ಹುಕ್ಕಾ ಮತ್ತು ಮಾದಕವಸ್ತುಗಳನ್ನು ಸೇವಿಸುತ್ತಿದ್ದು ಕೂಗಳತೆ ದೂರದಲ್ಲಿಯೇ ಮೊರಾರ್ಜಿ ದೇಸಾಯಿ ವಸತಿ ಶಾಲೆ ಮತ್ತು ಸರ್ಕಾರಿ ಕೈಗಾರಿಕಾ ತರಬೇತಿ ಕಾಲೇಜು ಇರುವುದರಿಂದ ಮಕ್ಕಳ ಮೇಲೆ ದುಷ್ಪರಿಣಾಮ ಬೀರುತ್ತಿದೆ ಎಂದು ಅಲ್ಲಿನ ಪ್ರಾಂಶುಪಾಲರುಗಳು ರಾಮನಗರ ಜಿಲ್ಲಾಧಿಕಾರಿ ಮತ್ತು ಜಿಲ್ಲಾ ಪೋಲಿಸ್ ವರಿಷ್ಠಾಧಿಕಾರಿಗಳಿಗೆ ದೂರು ನೀಡಿದ್ದಾರೆ.

ಈ ದೂರನ್ನು ಗಮನಿಸಿದ ಪೋಲಿಸ್ ವರಿಷ್ಠಾಧಿಕಾರಿಗಳು ಸಂಬಂಧಿಸಿದ ಅಧಿಕಾರಿಗಳ ಮೂಲಕ ವಿಚಾರಣೆ ನಡೆಸಿ, ದೂರುದಾರರಾದ ಪ್ರಾಂಶುಪಾಲರಿಗೆ ಈ ಅರ್ಜಿ ಸಂಬಂಧವಾಗಿ ರಾಸ್ತಾ ಕೆಫೆಯವರನ್ನು ಪೋಲಿಸ್ ಠಾಣೆಗೆ ಕರೆಸಿ ಸೂಕ್ತ ತಿಳುವಳಿಕೆ ನೀಡುರುತ್ತೆ, ಆದರೂ ಮಾನ್ಯ ಜಿಲ್ಲಾಧಿಕಾರಿಯವರಿಂದ ಅನುಮತಿ ಪಡೆದುಕೊಂಡಿರುವುದು ವಿಚಾರಣೆಯಿಂದ ತಿಳಿದುಬಂದಿರುತ್ತೆ. ಎಂಬುದಾಗಿ NO/RR/PS/ಸಕಾಲ ಅರ್ಜಿ/53/2018. ಎಂಬ ಪತ್ರದ ಮುಖೇನ ಉತ್ತರ ನೀಡಿದ್ದಾರೆ.

ಹುಕ್ಕಾ ಮತ್ತು ಮಾದಕ ವಸ್ತು ಸೇವನೆಗೆ ಜಿಲ್ಲಾಧಿಕಾರಿ ಅನುಮತಿಸಿದ್ದಾರೆಯೇ ?

ಮಾನ್ಯ ಜಿಲ್ಲಾಧಿಕಾರಿ ಗಳು ಹುಕ್ಕಾ ಮತ್ತು ಮಾದಕ ವಸ್ತು ಸೇವನೆಗೆ ರಾಸ್ತಾ ಕೆಫೆ ಹೋಟೆಲ್‌ ಗೆ ಅನುಮತಿ ನೀಡಿದ್ದಾರೆಯೇ ? ನೀಡಿದ್ದರೇ ಯಾವ ಕಲಂ ಅಡಿಯಲ್ಲಿ ಅನುಮತಿ ನೀಡಿದ್ದಾರೆ ? ಕೇವಲ ರಾಸ್ತಾ ಕೆಫೆ ಹೋಟೆಲ್ ಗೆ ಮಾತ್ರ ಅನುಮತಿ ನೀಡಿದ್ದಾರೋ ಅಥವಾ ಜಿಲ್ಲಾದ್ಯಂತ ಹಲವಾರು ಹೋಟೆಲ್ ಗಳಿಗೆ ನೀಡಿದ್ದಾರೋ ಎಂಬುದನ್ನು ಮಾಹಿತಿ ನೀಡಿರುವ ಅಧಿಕಾರಿಗಳು ಮತ್ತು ಜಿಲ್ಲಾಧಿಕಾರಿ ಗಳು ಸ್ಪಷ್ಟನೆ ನೀಡಬೇಕಾಗಿದೆ.

ರಾಸ್ತಾ ಕೆಫೆ ಮಾಲಿಕರಿಂದ ಬೂಸಾ ಕಾರ್ಖಾನೆ ನಿರ್ಮಾಣ ಮಕ್ಕಳ ಮೇಲೆ ದುಷ್ಪರಿಣಾಮ

ರಾಸ್ತಾ ಕೆಫೆ ಹೋಟೆಲ್ ಗೆ ಅಂಟಿಗೊಂಡಂತೆ ಸರ್ಕಾರಿ ಕೈಗಾರಿಕಾ ತರಬೇತಿ ಕಾಲೇಜು ಹಾಗೂ ಎರಡುನೂರಾ ಐವತ್ತು ಮಕ್ಕಳು ಮತ್ತು ಬೋಧಕ/ಬೋಧಕೇತರ ಸಿಬ್ಬಂದಿಯಿರುವ ಮೊರಾರ್ಜಿ ದೇಸಾಯಿ ವಸತಿ ಶಾಲೆಯಿದ್ದು ಈ ಎರಡು ಶಾಲೆಗಳ ನಡುವೆ ಇದೇ ರಾಸ್ತಾ ಕೆಫೆ ಮಾಲೀಕರು ಬೃಹತ್ ಬೂಸಾ (ಫೀಡ್ಸ್) ಕಾರ್ಖಾನೆಯನ್ನು ನಿರ್ಮಿಸುತಿದ್ದಾರೆ.

ಎರಡು ಶಾಲೆಗಳ ನಡುವೆ ಕಾರ್ಖಾನೆ ನಿರ್ಮಾಣವಾಗುತ್ತಿರುವುದರಿಂದ ಪರಿಸರ ಮಾಲಿನ್ಯ ಹಾಳಾಗುತ್ತಿರುವುದರ ಜೊತೆಗೆ ಶಾಲೆಯ ಎಳೆಯ ಮಕ್ಕಳು ಮತ್ತು ಕಾಲೇಜಿನ ಮಕ್ಕಳ ಆರೋಗ್ಯದ ದುಷ್ಪರಿಣಾಮ ಬೀರುವುದರಿಂದ ಈ ಕಾರ್ಖಾನೆ ಕಾಮಗಾರಿಯನ್ನು ಸ್ಥಗಿಸಗೊಳಿಸಬೇಕೆಂದು ಎರಡು ಶಾಲೆಯ ಪ್ರಾಂಶುಪಾಲರುಗಳು ಜಿಲ್ಲಾಧಿಕಾರಿ ಮತ್ತು ಪೋಲಿಸ್ ವರಿಷ್ಠಾಧಿಕಾರಿಗಳಿಗೆ ೨೬/೦೭/೨೦೧೮ ಅಂದರೆ ನಾಲ್ಕು ತಿಂಗಳಾಗುತ್ತಾ ಬಂದರು ಸಹ ಯಾವುದೇ ರೀತಿಯ ಕ್ರಮ ತೆಗೆದುಕೊಳ್ಳದಿರುವುದು, ಕ್ರಮ ತೆಗೆದುಕೊಂಡಿದ್ದರೆ ಮಾಹಿತಿ ನೀಡದಿರುವುದು ಏಕೆ ಎಂಬುದರ ಬಗ್ಗೆಯೂ ಸ್ಪಷ್ಟನೆ ನೀಡಬೇಕಾಗಿದೆ.

ಮಕ್ಕಳ ಆರೋಗ್ಯಕ್ಕೆ ಜಿಲ್ಲಾಧಿಕಾರಿಗಳೇ ಹೊಣೆ

ರಾಸ್ತಾ ಕೆಫೆ ಯಿಂದ ನಿರ್ಮಾಣವಾಗುತ್ತಿರುವ ಕಾರ್ಖಾನೆ ಮತ್ತು ಮಾದಕ ದ್ರವ್ಯ ವ್ಯಸನಿಗಳಿಂದ ಅಲ್ಲಿನ ಶಾಲಾ ಕಾಲೇಜಿನ ಮಕ್ಕಳ ಆರೋಗ್ಯ ಮತ್ತು ಮನಸ್ಸಿನ ಮೇಲೆ ದುಷ್ಪರಿಣಾಮ ಬೀರುವುದು ಖಚಿತ, ಭವಿಷ್ಯದ ಪ್ರಜೆಗಳು ಪೂರಕವಾಗದೇ ಮಾರಕವಾಗುವುದರ ಜೊತೆಗೆ ಆರೋಗ್ಯ ಹಾಳು ಮಾಡಲು ಜಿಲ್ಲಾಧಿಕಾರಿ ಮತ್ತು ಸಂಬಂಧಿಸಿದ ಇಲಾಖೆಯ ಅಧಿಕಾರಿಗಳೇ ಹೊಣೆಗಾರರಾಗಬೇಕಾಗುತ್ತದೆಯಾದ್ದರಿಂದ ಖಡಕ್ ಅಧಿಕಾರಿ ಎಂದು ಹೆಸರು ಮಾಡಿರುವ ಜಿಲ್ಲಾಧಿಕಾರಿ ಕ್ಯಾಪ್ಟನ್ ರಾಜೇಂದ್ರ ರವರು ಹೋಟೆಲ್ ಮಾಲೀಕರ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಂಡು, ಹಾಗೂ ಪೋಲಿಸ್ ಇಲಾಖೆ ನೀಡಿರುವ ಉತ್ತರಕ್ಕೆ ಸ್ಪಷ್ಟನೆಯನ್ನು ನೀಡಬೇಕಾಗಿದೆ.

ಗೋ ರಾ ಶ್ರೀನಿವಾಸ...
ಮೊ:9845856139.

 

---