ಸಿ ಎಂ, ಪಿ ಎಂ ಸ್ವಾಗತಕ್ಕೆ ಕಿತ್ತೋಗಿರೋ ರಸ್ತೆಗೆ ಹೊಸ ಅಂಟು ಮಣ್ಣು

Posted date: 24 Nov, 2018

ಸಿ ಎಂ, ಪಿ ಎಂ ಸ್ವಾಗತಕ್ಕೆ ಕಿತ್ತೋಗಿರೋ ರಸ್ತೆಗೆ ಹೊಸ ಅಂಟು ಮಣ್ಣು

ಇಂದು ಜೆಡಿಎಸ್ ಪಕ್ಷದ ಮತದಾರ ಮತ್ತು ಮುಖಂಡರು ಗಳಿಗೆ ಹೆಚ್ ಡಿ ದೇವೇಗೌಡ ಹಾಗೂ ಹೆಚ್ ಡಿ ಕುಮಾರಸ್ವಾಮಿ ಅಭಿಮಾನಿಗಳಿಗೆ ಚನ್ನಪಟ್ಟಣದಲ್ಲಿ ಒಂದು ಐತಿಹಾಸಿಕ ದಿನವಾಗಿದೆ.

ಕುಟುಂಬದ ಮೂಲ ಹಾಸನ ಜಿಲ್ಲೆಯಾದರೂ ಸಹ ಹೆಚ್ ಡಿ ರೇವಣ್ಣ ಹೊರತುಪಡಿಸಿ ಸದ್ಯ ರಾಜಕೀಯದಲ್ಲಿ ಇರುವವರಿಗೆಲ್ಲರಿಗೂ ರಾಮನಗರ ಜಿಲ್ಲೆ ಅವರ ಕರ್ಮಭೂಮಿ ಹಾಗೂ ಅವರೇ ಹೇಳಿಕೊಳ್ಳುವಂತೆ ರಾಜಕೀಯದ ಅದೃಷ್ಟ ನೆಲವೂ ಹೌದು.

ರಾಜ್ಯದಲ್ಲಿ ಇದೇ ಪ್ರಥಮ ಬಾರಿಗೆ ರಾಮನಗರ ಜಿಲ್ಲೆಯ ಚನ್ನಪಟ್ಟಣ ತಾಲ್ಲೂಕಿನ ಗಡಿ ಗ್ರಾಮವಾದ ಸಾಮಂದಿಪುರದಲ್ಲಿ ಮಾಜಿ ಪ್ರಧಾನಮಂತ್ರಿ ಹೆಚ್ ಡಿ ದೇವೇಗೌಡ ರ ಬೃಹತ್ ಕಂಚಿನ ಪ್ರತಿಮೆಯನ್ನು ಅವರ ಸಮ್ಮುಖದಲ್ಲೇ ಇಂದು ಉದ್ಘಾಟಿಸಲಾಗುತ್ತಿದೆ.

ಹೊಂಗನೂರು ಗ್ರಾಮ ಬಿಟ್ಟು ಸಾಮಂದಿಪುರದ ತನಕ ರಸ್ತೆ ಅಲ್ಲಲ್ಲಿ ಬಹುತೇಕ ಕಿತ್ತುಹೋಗಿದೆ,
ಮಾಜಿ ಪ್ರಧಾನಮಂತ್ರಿ ಹಾಗೂ ರಾಜ್ಯದ ಮುಖ್ಯಮಂತ್ರಿಗಳ ಜೊತೆಗೆ ಹಲವಾರು ಗಣ್ಯ ವ್ಯಕ್ತಿಗಳು ಈ ಕಾರ್ಯಕ್ರಮಕ್ಕೆ ಬರುತ್ತಿರುವುದರಿಂದ ಅಲ್ಲಲ್ಲಿ ರಸ್ತೆ ಗುಂಡಿಗಳನ್ನು ಮುಚ್ಚುವ ಕೆಲಸ ಭರದಿಂದ ಸಾಗುತ್ತಿದೆ.

ಗುಂಡಿಗಳನ್ನು ಮುಚ್ಚಲು ಜಲ್ಲಿ ಹಾಕಿ ಟಾರ್ ಹಾಕದೆ ಒಂದು ರೀತಿಯ ಅಂಟು ಮಣ್ಣು ಹಾಕಿ ಮುಚ್ಚುತ್ತಿರುವುದರಿಂದ ಟಾರು ಇದ್ದ ರಸ್ತೆಯೂ ಸಹ ಸಂಪೂರ್ಣ ಜಾರುವ ಅಂಟುಮಣ್ಣು ರಸ್ತೆಯಾಗಿ ಮಾರ್ಪಟ್ಟಿದೆ,

ಮುಖ್ಯಮಂತ್ರಿಗಳ ಕ್ಷೇತ್ರದಲ್ಲಿ ಅವರು ಬರುವ ವೇಳೆಯೇ ಇಂತಹ ರಸ್ತೆಯಲ್ಲಿ ಸಂಚರಿಸುವ ಮೂಲಕ *ಅಭಿವೃದ್ಧಿ* ಶೂನ್ಯ ಎಂಬುದು ಸ್ಥಳೀಯ ಆಡಳಿತ ಮತ್ತು ಲೋಕೋಪಯೋಗಿ ಇಲಾಖೆಯ ವೈಫಲ್ಯಕ್ಕೆ ಕನ್ನಡಿ ಹಿಡಿದಂತಾಗಿದೆ.

ಮಳೆ ಬಿದ್ದಿರುವ ಕಾರಣ ವಾಹನ ಸವಾರರಿಗೆ ಅದರಲ್ಲೂ ದ್ವಿಚಕ್ರ ವಾಹನಗಳ ಸವಾರರು ಪ್ರಾಣಭಯದಿಂದ ಜೀವ ಕೈಲಿಡಿದು ಹೋಗುವ ಪರಿಸ್ಥಿತಿ ಉಂಟಾಗಿದೆ, ಮುಖ್ಯಮಂತ್ರಿಗಳ ತವರಲ್ಲೇ ಹೀಗಾದರೆ ರಾಜ್ಯದಲ್ಲಿ ಹೇಗೆ ಎಂಬ ಪ್ರಶ್ನೆ ಜನಸಾಮಾನ್ಯರಲ್ಲಿ ಕಾಡುತ್ತಿದೆ.

ಗೋ ರಾ ಶ್ರೀನಿವಾಸ...
ಮೊ:9845856139.