ಇಂದು ನಡೆದ ತಾಲೂಕಿನ ಪ್ರಗತಿ ಪರಿಶೀಲನಾ ಸಭೆಯಲ್ಲಿ ಎಲ್ಲಾ ಗ್ರಾಮ ಪಂಚಾಯತಿಗಳ ಅಧ್ಯಕ್ಷರುಗಳು ಮತ್ತು ಸದಸ್ಯರ ದೂರಿನ ಮೇರೆಗೆ, ಗ್ರಾಮ ಪಂಚಾಯತ್ ಅಭಿವೃದ್ಧಿ ಅಧಿಕಾರಿಗಳು ಮತ್ತು ತಾಲ್ಲೂಕು ಮಟ್ಟದ ಅಧಿಕಾರಿಗಳ ವಿರುದ್ಧ ಜಿಲ್ಲಾ ಪಂಚಾಯತ್ ಸಿಇಓ ಮುಹಿಲನ್ ರವರಿಗೆ ದೂರುಗಳ ಸುರಿಮಳೆಗೈದ ಕಾರಣ ಸಿಇಓ ರವರು ಅಧಿಕಾರಿಗಳ ವಿರುದ್ಧ ಗರಂ ಆದರು.

ಎಲ್ಲಾ ಗ್ರಾಮ ಪಂಚಾಯತ್ ಅಧ್ಯಕ್ಷರು ಸಹ ನೀರಿನ ಬವಣೆಗಳ ಬಗ್ಗೆಯೇ ಹೆಚ್ಚು ದೂರುಗಳನ್ನು ನೀಡಲಾಯಿತು, ಕೆಲ ಊರುಗಳಿಗೆ ಶುದ್ಧ ಕುಡಿಯುವ ನೀರಿನ ಘಟಕಗಳು ಎರಡೆರಡನ್ನು  ಮಂಜೂರು ಮಾಡಲಾಗಿದೆ, ಯಾವ ಆಧಾರದ ಮೇಲೆ ಎರಡು ಘಟಕಗಳನ್ನು ಮಂಜೂರು ಮಾಡಿದ್ದಾರೆ, ಬಹುತೇಕ ಊರುಗಳಲ್ಲಿ ಒಂದೂ ಘಟಕಗಳು ಇಲ್ಲಾ ಯಾಕೆ ಈ ತಾರತಮ್ಯ ಎಂದು ಪ್ರಶ್ನಿಸಿದರು.

ನೀರು ಶುದ್ಧೀಕರಣ ಘಟಕಗಳನ್ನು ನಿರ್ಮಿಸಿ ಅದನ್ನು ವ್ಯವಸ್ಥಿತವಾಗಿ ನಡೆಸದೆ ಬೇಕಾಬಿಟ್ಟಿಯಾಗಿ ಬಿಟ್ಟಿದ್ದಾರೆ, ಕೆಲವು ಕಡೆ ಕಟ್ಟಡ ಕಟ್ಟಿದ್ದಾರೆ, ಕೆಲವು ಕಡೆ ಮಿಷನರಿಗಳನ್ನು ಜೋಡಿಸಿದ್ದಾರೆ, ಉದ್ಘಾಟನಾ ಭಾಗ್ಯವನ್ನೇ ಕಂಡಿಲ್ಲ, ಹಲವಾರು ಕಡೆಗಳಲ್ಲಿ ಶುಚಿತ್ವವಿಲ್ಲದೆ ಶುದ್ದೀಕರೀಸದೇ ಅವಾಂತರಗಳಾಗಿವೆ, ಎಂದು ದೂರಿದರು.

ಉತ್ತರಿಸಿದ ಸಿಇಓ ರವರು ಶುದ್ಧ ಕುಡಿಯುವ ನೀರಿನ ಘಟಕಗಳನ್ನು ಯಾರೇ ನಿರ್ಮಿಸಲಿ, ಯಾವುದೇ ಸಂಸ್ಥೆ ನಿರ್ಮಿಸಲಿ, ಎಲ್ಲವನ್ನೂ ಒಳಗೊಂಡು ಕಾರ್ಯನಿರ್ವಹಿಸಲು ಒಂದು ಏಜೆನ್ಸಿಯನ್ನು ಹುಟ್ಟುಹಾಕಲಾಗುವುದು ಎಂದು ಹೇಳಿದರು.

ಬಸವ ವಸತಿ, ಡಾ ಅಂಬೇಡ್ಕರ್ ಮತ್ತು ಪ್ರಧಾನಮಂತ್ರಿ ವಸತಿ ಯೋಜನೆಯಲ್ಲಿ ವಸತಿರಹಿತರನ್ನು ಗುರುತಿಸಿ ಇನ್ನೂ ನೀಡದಿರುವುದು, ನೀಡಿರುವುದಕ್ಕೆ ಹಲವಾರು ಕಾರಣ ನೀಡಿ ಹಣ ಬಿಡುಗಡೆ ಮಾಡದಿರುವ ದೂರಿನ ಬಗ್ಗೆ ಅಧಿಕಾರಿಗಳನ್ನು ತರಾಟೆಗೆ ತೆಗೆದುಕೊಂಡ ಸಿಇಓ ರವರು ಅಧಿಕಾರಿಗಳಿಗೆ ಗಡುವು ನೀಡಿದರು.

ಅತಿ ಹೆಚ್ಚು ದೂರುಗಳ ಸುರಿಮಳೆಗೈದ ಜೆ ಬ್ಯಾಡರಹಳ್ಳಿಯ ಗ್ರಾಮ ಪಂಚಾಯತಿ ಅಧ್ಯಕ್ಷೆ ಜಯಲಕ್ಷ್ಮಿ ರವರ ಪತಿ ಗ್ರಾಮ ಪಂಚಾಯತಿ ಸದಸ್ಯ ಜಯಕಾಂತ್ ಚಾಲುಕ್ಯ ಉತ್ತಮ ಪಟುವಾಗಿ ಕಂಡರು,

ರಾಜ್ಯದಲ್ಲಿ ಜಿಲ್ಲಾ ಪಂಚಾಯತಿ ಇಪ್ಪತ್ತನೆಯ ಸ್ಥಾನದಿಂದ ನಾಲ್ಕನೇ ಸ್ಥಾನಕ್ಕೆ ಏರಿದೆ, ಎಲ್ಲಾ ಅಧಿಕಾರಿಗಳು ಅಭಿನಂದನಾರ್ಹರಾದರೂ ಸಹ ಅನೇಕ ಸವಲತ್ತುಗಳನ್ನು ಜನರಿಗೆ ತಲುಪಸಿದುರುವುದು ಸಹ ದುರದೃಷ್ಟಕರ ಎಂದು ಅಸಮಧಾನ ವ್ಯಕ್ತಪಡಿಸಿದರು, 

ಗ್ರಾಮವಿಕಾಸ ಯೋಜನೆಯಲ್ಲಿ ಬಹುತೇಕ ಎಲ್ಲಾ ಕೆಲಸಗಳು ಬಾಕಿ ಇವೆ, ಗ್ರಾಮ ಪಂಚಾಯತಿ ಅಧ್ಯಕ್ಷರು, ಮತ್ತು ಅಧಿಕಾರಿಗಳ ಮಧ್ಯೆ ಸಾಮರಸ್ಯ ಇಲ್ಲದೇ ಕೆಲಸಗಳು ನಡೆಯುತ್ತಿಲ್ಲ, ಇದಕ್ಕೆ ನೇರವಾಗಿ ಅಧಿಕಾರಿಗಳನ್ನೇ ಹೊಣೆ ಮಾಡಲಾಗುವುದು, ಮುಂದೆ ಚುನಾವಣೆ ಘೋಷಣೆಯಾದರೆ ಹಣ ವಾಪಸು ಹೋಗುತ್ತದೆ ಎಂದು ಕೆ ಆರ್ ಐ ಡಿ ಎಲ್ ಅಧಿಕಾರಿ ಲಕ್ಷ್ಮಿ ಯವರಿಗೆ ಎಚ್ಚರಿಸಿದರು.

ಬರಪೀಡಿತ, ಮಳೆಕೊರತೆ, ಪಿಡಿಓ ಗಳ ಕಿರಿಕಿರಿ, ಕಾವೇರಿ ನೀರು, ಮುಖ್ಯಮಂತ್ರಿ ವಿಕಾಸ ಯೋಜನೆಗಳ ಬಗ್ಗೆ ಬಂದ ದೂರಿನ ಹಿನ್ನೆಲೆಯ ಬಗ್ಗೆ ಸಿಇಓ ರವರು ಅಧಿಕಾರಿಗಳಿಗೆ ಎಚ್ಚರಿಕೆ ನೀಡಿದರು.

ಜಿಲ್ಲಾ ಪಂಚಾಯತ್ ಉಪಾಧ್ಯಕ್ಷೆ ವೀಣಾಚಂದ್ರು, ತಾಲ್ಲೂಕು ಪಂಚಾಯತ ಅಧ್ಯಕ್ಷ ಹರೂರು ರಾಜಣ್ಣ ನವರು ಸಹ ಅಧಿಕಾರಿಗಳ ವಿರುದ್ದ ಗರಂ ಆದರೆ ಜಿಲ್ಲಾ ಪಂಚಾಯತ ಅಧ್ಯಕ್ಷ ನಾಗರಾಜು ಒಂದು ಪ್ರಶ್ನೆಗೂ ಉತ್ತರಿಸದೆ ಮೌನವಹಿಸಿದರು.

ಸಭೆಯಲ್ಲಿ ಜಿಲ್ಲಾ ಪಂಚಾಯತ ಸದಸ್ಯ ಪ್ರಸನ್ನ, ಸುಗುಣ ತಿಮ್ಮಪ್ಪ, ತಾಲ್ಲೂಕು ಪಂಚಾಯತ ಉಪಾಧ್ಯಕ್ಷೆ ಸಾಕಮಾದಮ್ಮ, ಜಿಲ್ಲಾ ಪಂಚಾಯತ್ ಉಪ ಕಾರ್ಯದರ್ಶಿ ಉಮೇಶ್, ತಾಲ್ಲೂಕು ಪಂಚಾಯತ್ ಸದಸ್ಯರು, ಗ್ರಾಮ ಪಂಚಾಯತಿ ಅಧ್ಯಕ್ಷರು ಮತ್ತು ಗ್ರಾಮ ಪಂಚಾಯತಿ ಅಭಿವೃದ್ಧಿ ಅಧಿಕಾರಿಗಳು ಹಾಜರಿದ್ದರು.

ಗೋ ರಾ ಶ್ರೀನಿವಾಸ...

ಮೊ:9845856139.