ಸಾಮಾಜಿಕ ಹೊಣೆಗಾರಿಕೆ ಅರಿತು ತುತ್ತು ಅನ್ನಕ್ಕಾಗಿ ಬೇರೆಯವರ ಬಳಿ ಕೈಚಾಚದೆ ಸ್ಚಾಭಿಮಾನಿಯಾಗಿ ಬದುಕಲು ಇಂದು ಅನೇಕ ವಯೋವೃದ್ದರು ರಸ್ತೆ ಬದಿಯಲ್ಲಿ ಅನೇಕ ರೀತಿಯ ಸಣ್ಣ ಪುಟ್ಟ ವ್ಯಾಪಾರ ಮಾಡಿಕೊಂಡು ತಮ್ಮ ಹೊಟ್ಟೆ ಹೊರೆದುಕೊಳ್ಳಲು ಸಂಧ್ಯಾ ಕಾಲದಲ್ಲಿ ಹೆಣಗಾಡುತ್ತಿರುವುದು ಶೋಚನೀಯ ಎನಿಸಿದರೂ ಇಳಿವಯಸ್ಸಿನ ಅವರ ಸ್ವಾಭಿಮಾನಿ ಬದುಕು, ದುಡಿದು ತಿನ್ನುವ ಛಲ ಅನೇಕ ಯುವಕ ಯುವತಿಯರು ಮತ್ತು ಆ ಸ್ಥಿತಿಗೆ ಅವರನ್ನು ತಂದವರು ನಾಚಿಕೆಯಿಂದ ತಲೆತಗ್ಗಿಸಿ ನಡೆಯಬೇಕಾಗಿದೆ.

ಇಂತಹವರ ಬದುಕನ್ನು ನೋಡಿ ಕಂಡುಕಾಣದಂತೆ ಸೀದಾ ಹೋಗಿಬಿಡುವವರು ಅನೇಕ ಮಂದಿ ಇಂದು ನಮ್ಮ ನಡುವೆ ಇದ್ದಾರೆ, ಆದರೆ ಇದಕ್ಕೆ ಹೊರತಾಗಿ ಅಂತಹ ವೃತ್ತಿ ನಿರತ ವಯೋವೃದ್ದರಿಗೆ ತಮ್ಮ ಬದುಕನ್ನು ಕಟ್ಟಿಕೊಳ್ಳಲು ಅಗತ್ಯವೆನಿಸುವ ಉಪಕರಣಗಳು ಅತ್ಯವಶ್ಯಕವಾದರೂ ಎಷ್ಟೋ ಮಂದಿಗೆ ಅದು ಸಾಧ್ಯವಾಗಿರುವುದಿಲ್ಲ, ಅಂತಹವರನ್ನು ಗುರುತಿಸಿ ಅವರಿಗೆ ಬೇಕಾದ ಸಲಕರಣೆಗಳನ್ನು ನೀಡುವುದು ಉಳ್ಳವರ ಕರ್ತವ್ಯವಾಗಬೇಕಿದೆ, ಇಂತಹ ಒಂದು ಕಾರ್ಯವನ್ನು ನಗರದ *ಜೇನುಗೂಡು* ಹಳೆಯ ವಿದ್ಯಾರ್ಥಿಗಳ ಸಂಘದ ಸದಸ್ಯರು ಇಂದು ಮಾಡಿದ್ದು ಶ್ಲಾಘನೀಯ.

ನ್ಯಾಯಾಲಯದ (ಕೋಟ್೯) ರಸ್ತೆ ಬದಿಯಲ್ಲಿ ಹೊಂಗನೂರು ಗ್ರಾಮದ ವೃದ್ದೆ ವೆಂಕಟಮ್ಮ ಎಂಬುವವರು ಅನೇಕ ವರ್ಷಗಳಿಂದ ಹಳೆಯ ಇಸ್ತ್ರಿ ಪೆಟ್ಟಿಗೆ ಮತ್ತು ಮುರಿದ ಟೇಬಲ್ ಇಟ್ಟುಕೊಂಡು ಗ್ರಾಹಕರ ಬಟ್ಟೆಗಳನ್ನು ಇಸ್ತ್ರಿ ಮಾಡುತ್ತಾ ಬರುತ್ತಿದ್ದು ಅದರಲ್ಲಿ ಬರುತ್ತಿದ್ದ ಆದಾಯ ಅಂದಿಗಂದಿಗೆ ಸರಿಹೋಗುತ್ತಿತ್ತು, ಇದನ್ನು ಗಮನಿಸಿದ ನಿಲಯಪಾಲಕ ಮೋಹನ್ ರವರು ತಮ್ಮ ಹಳೆಯ ವಿದ್ಯಾರ್ಥಿಗಳಿಗೆ ತಿಳಿಸಲಾಗಿ ಸ್ಪಂದಿಸಿದ ಅವರು ಎಂಟು ಸಾವಿರ ರೂ ಮೌಲ್ಯದ ಇಸ್ತ್ರಿ ಪೆಟ್ಟಿಗೆ ಮತ್ತು ಮೇಜನ್ನು ಕೊಡಿಸುವ ಮೂಲಕ ತಮ್ಮ ಔದಾರ್ಯವನ್ನು ಮೆರೆದರು.

ಇಂತಹ ಅನೇಕ ಅಂತ:ಕರಣ ಉಳ್ಳವರು, ಆರ್ಥಿಕವಾಗಿ ಸದೃಢವಾಗಿರುವವರು ವೃತ್ತಿನಿರತ ವಯೋವೃದ್ದರಿಗೆ ನೆರವಾದರೆ ಕೊಟ್ಟವರ ಮತ್ತು ತೆಗೆದುಕೊಂಡವರ ಬದುಕು ಉಜ್ವಲವಾಗುತ್ತದೆ, ಜೇನುಗೂಡು ವಿದ್ಯಾರ್ಥಿ ಸಂಘದ ಹುಡುಗರು ಇನ್ನೂ ಮುಂದೆಯೂ ಸಹ ಇಂತಹ ಉತ್ತಮ ಕೆಲಸ ಕಾರ್ಯಗಳನ್ನು ಮಾಡುವಲ್ಲಿ ತೊಡಗಿಸಿಕೊಳ್ಳಬೇಕೆಂದು ಇಸ್ತ್ರಿ ಪೆಟ್ಟಿಗೆ ವಿತರಿಸಿದ ಅನ್ನಪೂರ್ಣ ಮೋಹನ್ ರವರು ಕರೆನೀಡಿದರು.

ಬೆಸ್ಕಾಂ ನ ಸಿದ್ದೇಶ್, ಸುನೀತಾ, ಸೇರಿದಂತೆ ಹಳೆಯ ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.

ಗೋ ರಾ ಶ್ರೀನಿವಾಸ...

ಮೊ:9845856139.