ರಾಜ್ಯ ಮಕ್ಕಳ ಸಾಹಿತ್ಯ ಪರಿಷತ್ತಿನ ವತಿಯಿಂದ ಆದಿಚುಂಚನಗಿರಿ ಶಿಕ್ಷಣ ಟ್ರಸ್ಟ್ ಸಹಯೋಗದೊಂದಿಗೆ ರಾಮನಗರ ಜಿಲ್ಲಾ ಮಕ್ಕಳ ಸಾಹಿತ್ಯ ಸಮ್ಮೇಳನವನ್ನು ಪ್ರಪ್ರಥಮ ಬಾರಿಗೆ ಹಮ್ಮಿಕೊಳ್ಳಲಾಗಿದೆ ಎಂದು ಆದಿಚುಂಚನಗಿರಿ ರಾಮನಗರ ಶಾಖಾ ಮಠದ ಪೂಜ್ಯ ಕಾರ್ಯದರ್ಶಿ ಶ್ರೀ ಶ್ರೀ ಅನ್ನದಾನೇಶ್ವರನಾಥ ಸ್ವಾಮೀಜಿ ತಿಳಿಸಿದರು.

ಅರ್ಚಕರಹಳ್ಳಿಯ ಶಾಖಾ ಮಠದಲ್ಲಿ ರಾಮನಗರ ಜಿಲ್ಲೆಯ ಎಲ್ಲಾ ತಾಲ್ಲೂಕಿನ ಸಮಿತಿಗಳ ಪದಾಧಿಕಾರಿಗಳ ಸಭೆ ಕರೆದು ಜಿಲ್ಲಾ ಸಮಿತಿಯನ್ನು ರಚಿಸಿ, ಚರ್ಚಿಸಿ ಫೆಬ್ರವರಿ ಹದಿಮೂರನೆ ತಾರೀಖು ಅಂಧರ ಶಾಲೆಯ ಸಭಾಂಗಣದಲ್ಲಿ ಕಾರ್ಯಕ್ರಮ ಜರಗಲಿದ್ದು ಜಿಲ್ಲೆಯ ಎಲ್ಲಾ ಸರ್ಕಾರಿ, ಅನುದಾನಿತ ಮತ್ತು ಖಾಸಗಿ ಶಾಲೆಯ ಐದರಿಂದ ಹನ್ನೆರಡನೇ ತರಗತಿಯ ಹದಿನೆಂಟು ವರ್ಷದೊಳಗಿನ ಸಾಹಿತ್ಯದ ಬಗ್ಗೆ ಆಸಕ್ತಿ ಹೊಂದಿರುವ ಮಕ್ಕಳು ಭಾಗವಹಿಸಬೇಕೆಂದು ಸಮಿತಿಯ ಜಿಲ್ಲಾಧ್ಯಕ್ಷ ಡಿ ಸಿ ರಾಮಚಂದ್ರ ತಿಳಿಸಿದ್ದಾರೆ.

ಜಿಲ್ಲಾ ಹಿರಿಯ ಸಾಹಿತಿಗಳ ಉಪಸ್ಥಿತಿಯಲ್ಲಿ ಸಾಹಿತ್ಯದಲ್ಲಿ ಕೃಷಿ ಮಾಡಿರುವ ರಾಮನಗರ ಜಿಲ್ಲೆಯ ಎಲ್ಲಾ ಶಾಲೆಯ ಮಕ್ಕಳುಗಳೇ ಸರ್ವಾಧ್ಯಕ್ಷರು, ಅಧ್ಯಕ್ಷರು, ವಿಚಾರಗೋ಼ಷ್ಠಿ ಮತ್ತು ಕಾವ್ಯಗೋಷ್ಠಿಯ ಅಧ್ಯಕ್ಷರು ಸಹ ಮಕ್ಕಳೇ ನಿರ್ವಹಿಸಲಿದ್ದು ಆಯಾಯ ಶಾಲೆಯ ಶಿಕ್ಷಕರು ಪ್ರತಿಭಾವಂತ ಸಾಹಿತ್ಯ ಕೃಷಿ ಮಾಡಿರುವ ಮಕ್ಕಳನ್ನು ಆಯ್ಕೆ ಮಾಡಿ ಇದೇ ತಿಂಗಳ ಮೂವತ್ತನೇ ತಾರೀಖಿನೊಳಗೆ ಆಯಾ ತಾಲ್ಲೂಕಿನ ಅಧ್ಯಕ್ಷರು, ಅಂಧರ ಶಾಲೆಯ ಮುಖ್ಯ ಶಿಕ್ಷಕರಿಗೆ ಲಿಖಿತವಾಗಿ ನೀಡಲು ಸೂಚಿಸಲಾಗಿದೆ.

ಜಿಲ್ಲಾ ಸಮಿತಿಯ ಅಧ್ಯಕ್ಷರಾಗಿ ಡಿ ಸಿ ರಾಮಚಂದ್ರ, ಉಪಾಧ್ಯಕ್ಷರಾಗಿ ನಾಗರಾಜೇಗೌಡ, ಕಾರ್ಯದರ್ಶಿಯಾಗಿ ನಂ ಶಿವಲಿಂಗಯ್ಯ, ಖಜಾಂಚಿಯಾಗಿ ಶಿವನಂಜಪ್ಪ, ಸಂಚಾಲಕರಾಗಿ ಗೋ ರಾ ಶ್ರೀನಿವಾಸ ಮತ್ತು ಸಂಜೀವೇಗೌಡ, ಸಂಘಟನಾ ಕಾರ್ಯದರ್ಶಿಯಾಗಿ ಕಬ್ಬಾಳೇಗೌಡ ಹಾಗೂ ನಿರ್ದೇಶಕರಾಗಿ ಶೈಲಾ ಶ್ರೀನಿವಾಸ, ಮುನಿಯಪ್ಪ ನೇಮಕಗೊಂಡರು.

ತಮ್ಮ ಶಾಲೆಯ ಸಾಹಿತ್ಯದ ಮಕ್ಕಳನ್ನು ಗುರುತಿಸಿ ಈ ಕೆಳಗೆ ಕೊಟ್ಟಿರುವ ತಾಲ್ಲೂಕು ಅಧ್ಯಕ್ಷರ ಸಮ್ಮುಖದಲ್ಲಿ ನೊಂದಾಯಿಸಿಕೊಳ್ಳಬೇಕೆಂದು ಈ ಮೂಲಕ ತಿಳಿಸಲಾಗಿದೆ.

ರಾಮನಗರ  ಪಿ ಶಿವರಾಮಯ್ಯ, ಮೊ:9740222169, ಚನ್ನಪಟ್ಟಣ ಕೆ ಕಾಳೇಗೌಡ ಮೊ:9141885259, ಮಾಗಡಿ ಡಿ ಜಿ ಗಂಗಾಧರ ಮೊ: 9739433035, ಕನಕಪುರ ಕಬ್ಬಾಳೇಗೌಡ ಮೊ:9980414893 ಈ ಮೊಬೈಲ್ ಸಂಖ್ಯೆಗೆ ಕರೆ ಮಾಡಿ ಹೆಸರು ನೊಂದಾಯಿಸಿಕೊಳ್ಳಲು ಸೂಚಿಸಲಾಗಿದೆ.

ಗೋ ರಾ ಶ್ರೀನಿವಾಸ...

ಮೊ:9845856139.