ಬಹುತೇಕ ಬುದ್ದಿಜೀವಿಗಳು ಬ್ರಿಟೀಷರು ನಮಗೆ ಶಿಕ್ಷಣ ಕೊಟ್ಟರು, ರೈಲು ಕೊಟ್ಟರು, ಅಂಚೆ ಪರಿಚಯಿಸಿದರು, ಅವರ ಕೊಡುಗೆ ನಮ್ಮ ದೇಶಕ್ಕೆ ಬಹಳ ಇದೆ ಎಂದು ಮಾತನಾಡುತ್ತಾರೆ, ಅವರು ಅಂದುಕೊಂಡಂತೆ ಬ್ರಿಟೀಷರು ಅವೆಲ್ಲವನ್ನೂ ಮಾಡಿದ್ದು ಅವರ ಅನುಕೂಲಕ್ಕಾಗಿಯೇ ವಿನಹ ನಮ್ಮ ದೇಶದ ಅಭಿವೃದ್ಧಿಗಲ್ಲ ಎಂದು ಕೋಡಂಬಳ್ಳಿ ಸರ್ಕಾರಿ ಪದವಿಪೂರ್ವ ಕಾಲೇಜಿನ ಉಪನ್ಯಾಸಕ ಕೆ ಎಸ್ ಧನಂಜಯ ತಿಳಿಸಿದರು.

ತಾಲ್ಲೂಕು ಆಡಳಿತ ಹಾಗೂ ರಾಷ್ಟ್ರೀಯ ಹಬ್ಬಗಳ ಆಚರಣಾ ಸಮಿತಿ ಸರ್ಕಾರಿ ಪದವಿಪೂರ್ವ ಕಾಲೇಜು ಮೈದಾನದಲ್ಲಿ ಹಮ್ಮಿಕೊಂಡಿದ್ದ ಎಪ್ಪತ್ತನೇ ಗಣರಾಜ್ಯೋತ್ಸವ ಕಾರ್ಯಕ್ರಮದಲ್ಲಿ ಮುಖ್ಯ ಭಾಷಣಕಾರರಾಗಿ ಅವರು ಮಾತನಾಡಿದರು.

ಸಂವಿಧಾನ ರಚನೆಯಿಂದ ಪ್ರಜಾಪ್ರಭುತ್ವ ರಚನೆಯಾಗಿದೆ, ಬಡತನ ನಿರ್ಮೂಲನೆ ಆಗಿದೆ, ಆರನೆಯ ಶ್ರೀಮಂತ ದೇಶವಾಗಿದೆ, ಕಾರ್ಖಾನೆ, ಶಿಕ್ಷಣದಲ್ಲಿ ಮುಂಚೂಣಿಯಲ್ಲಿದೆ,

ಪ್ಲಾಸಿಕದನ ನಡೆದ ಸಮಯದಲ್ಲಿ ಬ್ರಿಟೀಷ್ ಸೈನಿಕರು ಕೇವಲ ೭೫೦ ಮಂದಿ ಅವರು ತರಬೇತಿ ನೀಡಿದ ನಮ್ಮ ದೇಶದ ಸೈನಿಕರು ೨,೫೦೦, ಅಂದಿನ ರಾಜರುಗಳ ಬಳಿ ಇದ್ದ ಸೈನಿಕರು ೫೦,೦೦೦ ಮತ್ತು ಕದನವನ್ನು ನೋಡಲು ಸೇರಿದ್ದ ಜನಸ್ತೋಮ ೫೦,೦೦೦ ಆದರೂ ಕೆಲವೇ ಗಂಟೆಗಳಲ್ಲಿ ನಾವು ಸೋತುಹೋದೆವು ಎಂದರೆ ನಮ್ಮ ದೇಶದ ಸಾರ್ವಜನಿಕರಲ್ಲಿ ಯಾವುದೇ ರೀತಿಯ ಉತ್ಸಾಹ, ದೇಶಾಭಿಮಾನ ಇಲ್ಲ.

ಆ್ಯಂಗ್ರಿ‌ಮ್ಯಾಡಿನ್ ಎಂಬ ಲೇಖಕರು ದಾಖಲೆ ಮಾಡಿರುವಂತೆ ಎರಡು ಸಾವಿರ ವರ್ಷಗಳ ಹಿಂದೆ ನಮ್ಮ ದೇಶದ ಜಿಡಿಪಿ ಶೇಕಡಾ ೩೩ ಇತ್ತು, ೧೫೦೦/೧೬೦೦ ರಲ್ಲಿ ಅದು ಶೇಕಡಾ ೨೩ ಆಗಿತ್ತು ಬ್ರಿಟೀಷರು ಬಂದ ನಂತರ ನಮ್ಮ ಜಿಡಿಪಿ ಶೇಕಡಾ ೦೩ ಕ್ಕೆ ಇಳಿದಿದೆ ಎಂದರೆ ಅಭಿವೃದ್ಧಿ ಆಗಿದೆಯಾ ಎಂದು ಊಹಿಸಿಕೊಳ್ಳಲೂ ಸಾಧ್ಯವಿಲ್ಲ ಎಂದರು, ಅಂಚೆಯನ್ನು ಅವರ ಪತ್ರ ವ್ಯವಹಾರ ಕ್ಕೂ, ರೈಲ್ವೇಯನ್ನು ನಮ್ಮ ಸರಕುಗಳನ್ನು ಸಾಗಿಸಿಕೊಳ್ಳಲು, ಶಿಕ್ಷಣವನ್ನು ಅವರ ಅನುಕೂಲಕ್ಕೆ ಬಳಸಿಕೊಳ್ಳಲು ಉಪಯೋಗಿಸಿಕೊಂಡರು, ಡಾ ಬಿ ಆರ್ ಅಂಬೇಡ್ಕರ್ ಮತ್ತು ತಂಡ ಅಂದು ನಮಗೆ ಸಂವಿಧಾನ ನೀಡಲಾಗಿ ಪ್ರಜಾಪ್ರಭುತ್ವ ಉಳಿದುಕೊಳ್ಳಲು ಸಾಧ್ಯವಾಯಿತು ಎಂದರು.

ತಹಶೀಲ್ದಾರ್ ಯೋಗಾನಂದ ರವರು ಶಾಲಾ ಮಕ್ಕಳಿಗೆ ಹಸ್ತಲಾಘವ ನೀಡಿ ಶುಭಾಶಯ ಕೋರಿದರು, ನಂತರ ಧ್ವಜ ವಂದನೆ ಸ್ವೀಕರಿಸಿ ಮಾತನಾಡಿದ ಅವರು ಸಂವಿಧಾನ ಜಾರಿಯಾಗಿ ಎಪ್ಪತ್ತು ವರ್ಷ ಕಳೆದರೂ ಜಾತಿ, ಧರ್ಮ ಎಂದು ಹೊಡೆದಾಡುವುದರಲ್ಲೇ ತಲ್ಲೀನರಾಗಿದ್ದೇವೆ, ಇದೆಲ್ಲವನ್ನೂ ಹೊರತುಪಡಿಸಿ ದೇಶ ಕಟ್ಟುವ, ಜಾತಿ ಧರ್ಮಗಳನ್ನು ಒಗ್ಗೂಡಿಸುವ ಕೆಲಸವನ್ನು ಮಾಡಬೇಕು, ಆಗಲೇ ಹಿರಿಯರು ಹಾಕಿಕೊಟ್ಟ ಮಾರ್ಗದಲ್ಲಿ ಸಾಗಲು, ಸಂವಿಧಾನದ ಆಶಯಗಳನ್ನು ಉಳಿಸಲು ಸಾಧ್ಯ ಎಂದರು.

ಇಂದು ನಡೆದ ಗಣರಾಜ್ಯೋತ್ಸವ ಕಾರ್ಯಕ್ರಮವು ಬಹುತೇಕ ಲೋಪದೋಷಗಳಿಲ್ಲದೆ ಅದ್ದೂರಿಯಾಗಿ ಜರುಗಿತು, ಎಲ್ಲಾ ಅಧಿಕಾರಿಗಳು, ಶಾಲಾ ಸಿಬ್ಬಂದಿ ಮತ್ತು ಮಕ್ಕಳು ಶಿಸ್ತಿನಿಂದ ಸರಿಯಾದ ಸಮಯಕ್ಕೆ ಆಗಮಿಸಿ ಕಾರ್ಯಕ್ರಮ ಯಶಸ್ವಿಯಾಗಿ ನಡೆಯಲು ಕಾರಣವಾದರು, ದಂಡಾಧಿಕಾರಿ ಯೋಗಾನಂದ ಮತ್ತು ಕ್ಷೇತ್ರ ಶಿಕ್ಷಣಾಧಿಕಾರಿ ಸೀತಾರಾಮು ರವರ ಶ್ರಮ ಎದ್ದುಕಾಣುತ್ತಿತ್ತು.

ಹಲವು ಸರ್ಕಾರಿ ನೌಕರರು, ಸಮಾಜ ಸೇವಕರು ಹಾಗೂ ಹೆಚ್ಚು ಅಂಕ ಪಡೆದ ಶಾಲಾ ಮಕ್ಕಳು ಸೇರಿದಂತೆ ಅನೇಕ ಗಣ್ಯರನ್ನು‌ ಇದೇ ಸಂದರ್ಭದಲ್ಲಿ ತಾಲ್ಲೂಕು ಆಡಳಿತದಿಂದ ಸನ್ಮಾನಿಸಲಾಯಿತು, ನಗರಸಭೆಯ ಅಧ್ಯಕ್ಷೆ ನಜ್ಮುನ್ನೀಷಾ ಸಮಾರಂಭದ ಅಧ್ಯಕ್ಷತೆ ವಹಿಸಿದ್ದರು, ಕ್ಷೇತ್ರ ಶಿಕ್ಷಣಾಧಿಕಾರಿ ಆರ್ ಸಿ ಸೀತಾರಾಮು ಸ್ವಾಗತಿಸಿದರು, ಶಿಕ್ಷಕ ಯೋಗೇಶ್ ನಿರೂಪಿಸಿದರು, ವಿವಿಧ ಶಾಲೆಯ ಮಕ್ಕಳು ದೇಶಾಭಿಮಾನದ ಗೀತೆಗಳಿಗೆ ಹೆಜ್ಜೆ ಹಾಕಿ ನೆರೆದಿದ್ದವರನ್ನು ಪುಳಕಿತಗೊಳಿಸಿದರು.

ಕಾರ್ಯಕ್ರಮದಲ್ಲಿ ತಾಲ್ಲೂಕು ಪಂಚಾಯತ ಅಧ್ಯಕ್ಷ ಹರೂರು ರಾಜಣ್ಣ, ನಗರಸಭೆಯ ಉಪಾಧ್ಯಕ್ಷೆ ಸರಳಾ, ಸ್ಥಾಯಿ ಸಮಿತಿಯ ಅಧ್ಯಕ್ಷ ಎಂ ರಾಮು, ಎಪಿಎಂಸಿ ಅಧ್ಯಕ್ಷ ಯಾಲಕ್ಕಿಗೌಡ, ನಗರಸಭೆ ಸದಸ್ಯ ನಂದೀಶ್, ಕಾರ್ಯನಿರ್ವಾಹಣಾಧಿಕಾರಿ ಎಂ ರಾಮಕೃಷ್ಣ, ಪೌರಾಯುಕ್ತ ಸಿ ಪುಟ್ಟಸ್ವಾಮಿ, ಹಲವಾರು ಸಂಘಟನೆಯ ಪದಾಧಿಕಾರಿಗಳು, ಇಲಾಖೆಯ ಅಧಿಕಾರಿಗಳು ಮತ್ತು ಸಿಬ್ಬಂದಿಗಳು, ಮುಖ್ಯಸ್ಥರು, ಶಿಕ್ಷಕರು ಮತ್ತು ಸಾರ್ವಜನಿಕರು ಭಾಗವಹಿಸಿದ್ದರು.

ಗೋ ರಾ ಶ್ರೀನಿವಾಸ...

ಮೊ:9845856139.