ಅಂದು ಕೆಲಸಗಳು ಸುಗಮವಾಗಿ ಸಾಗಲೆಂದು ನಮ್ಮ ಹಿರಿಯರು ಅನೇಕ ಪದಗಳನ್ನು ತಾವೇ ಸ್ವತಃ ಕಟ್ಟಿ ಹಾಡುತ್ತಿದ್ದರು, ಬೆಳಿಗ್ಗೆ ಎದ್ದು ರಾಗಿ ಬೀಸುವ ಪದದಿಂದ ಆರಂಭಗೊಂಡರೆ ನಾಟಿ ಹಾಕುವಾಗ, ಕಳೆ ಕೀಳುವಾಗ, ಒಕ್ಕಣೆ ಮಾಡುವಾಗ, ಹಸೆ ಮಣೆ, ಸೋಬಾನೆ ಪದ ಎಲ್ಲಾ ಶುಭ ಅಶುಭ ಸಮಾರಂಭಗಳಲ್ಲಿಯೂ ಜಾನಪದದ ಹಾಡುಗಳನ್ನು ಹಾಡುತ್ತಾ ಅದಕ್ಕೊಂದು‌ ಮಾನ್ಯತೆ ತಂದುಕೊಟ್ಟಿದ್ದರು, ಅದನ್ನು ಇಂದಿನ ಪೀಳಿಗೆಯ ಮಕ್ಕಳು ಕಲಿತು ಉಳಿಸುವಲ್ಲಿ ಕೈ ಜೋಡಿಸಿದರೆ ಮುಂದಿನ ತಲೆಮಾರು ಸಹ ಮುಂದುವರೆಸಿಕೊಂಡು ಹೋಗಲು ಅನುಕೂಲ ಆಗುತ್ತದೆ ಎಂದು ಕೆಂಪೇಗೌಡ ಸಾಂಸ್ಕೃತಿಕ ಕಲಾಬಳಗದ ಅಧ್ಯಕ್ಷ ಎಸ್ ಮುನಿಸಿದ್ದೇಗೌಡ ತಿಳಿಸಿದರು.

ಅವರು ಸಂಕಲ್ಪ ಸಾಮಾಜಿಕ ಮತ್ತು ಜಾನಪದ ಕಲಾ ಟ್ರಸ್ಟ್ ಹಮ್ಮಿಕೊಂಡಿದ್ದ ಜಾನಪದ ಮತ್ತು ತತ್ವಪದ ಗಾಯನ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡಿದರು.

ಕಾರ್ಯಕ್ರಮ ಉದ್ಘಾಟನೆ ಮಾಡಿ ಮಾತನಾಡಿದ ಪತ್ರಕರ್ತ ಗೋ ರಾ ಶ್ರೀನಿವಾಸ ರವರು ನಮ್ಮ ಎಲ್ಲಾ ಗೀತಗಾಯನಗಳ ಮೂಲ ಬೇರು ಜಾನಪದ, ಆದರೆ ಇತ್ತೀಚೆಗೆ ಮೂಲ ಧಾಟಿಯನ್ನು ಕೆಲವರು ವಿರೂಪಗೊಳಿಸುತ್ತಿದ್ದಾರೆ ಎಂದು ವಿಷಾದ ವ್ಯಕ್ತಪಡಿಸಿದರು, ಬಹುತೇಕ ಕಾರ್ಯಕ್ರಮಗಳಲ್ಲಿ ಜಾನಪದ ಹಾಡುಗಾರರೇ ಬರುವುದಿಲ್ಲ, ಸಾಮಾನ್ಯ ಜನರು ಸಹ ಕಲಿಯುವುದರಲಿ ಭಾಗವಹಿಸಲು ಆಸಕ್ತಿ ತೋರುತ್ತಿಲ್ಲ, ಒಂದು ಜಾನಪದ ಕಾರ್ಯಕ್ರಮ ಇದೆ ಎಂದಾದರೆ ಕನಿಷ್ಠ ಆಹ್ವಾನ ಪತ್ರಿಕೆಯಲ್ಲಿ ಇರುವವರಾದರು ಭಾಗವಹಿಸಿದರೆ ಕಾರ್ಯಕ್ರಮ ಯಶಸ್ವಿಯಾಗಬಲ್ಲದು ಎಂದರು.

ಕಾರ್ಯಕ್ರಮದಲ್ಲಿ ಮೆಣಸಿಗನಹಳ್ಳಿ ಯ ಸ್ವಾಮಿ ತತ್ವಪದ ತಂಡ, ರಾಂಪುರ ಸಿದ್ದರಾಜು ತಂಡ, ನಿರಂಜನ್ ರವರ ಗೀತಗಾಯನ ತಂಡ, ಆರ್ ಎಸ್ ಶಾಂಭವಿ ಯವರ ಜಾನಪದ ಗೀತಾ ತಂಡ, ಬೋರಮ್ಮ ನವರ ತತ್ವಪದ ಗಾಯನ ತಂಡ, ರಂಗಗೀತೆಯ ಪುಟ್ಟರಾಜು, ಸೇರಿದಂತೆ ಅನೇಕ ತಂಡಗಳು ಭಾಗವಹಿಸಿ ಗೀತಗಾಯನ ನಡೆಸಿಕೊಟ್ಟರು.

ಟ್ರಸ್ಟ್ ನ ಸಂಸ್ಥಾಪಕ ಕಾರ್ಯದರ್ಶಿ ಮೆಣಸಿಗನಹಳ್ಳಿ ಸ್ವಾಮಿ ಸ್ವಾಗತಿಸಿ ವಂದಿಸಿದರು.

ಗಾಯಕ ಚೌಪುಸ್ವಾಮಿ ಪ್ರಾರ್ಥಿಸಿ ನಿರೂಪಿಸಿದರು.

ವೇದಿಕೆಯಲ್ಲಿ ನಿಲಯ ಪಾಲಕರಾದ ರಮೇಶ್, ಕೆಂಪೇಗೌಡ ಸಾಂಸ್ಕೃತಿಕ ಕಲಾಬಳಗದ ನಿರ್ದೇಶಕ ಕೆ ರಾಮಚಂದ್ರು ಭಾಗವಹಿಸಿದ್ದರು.

ಗೋ ರಾ ಶ್ರೀನಿವಾಸ...

ಮೊ:9845856139.