ಮಕ್ಕಳ ಮನಸ್ಸನ್ನು ಮಲಿನಗೊಳಿಸಲು ಬಿಡದೆ ಪ್ರಬುದ್ಧರನ್ನಾಗಿ ಮಾಡಲು ಶಿಕ್ಷಕರ ಜೊತೆಯಲ್ಲಿ ಪೋಷಕರು ಶ್ರಮವಹಿಸಿದರೆ ಸಮಾಜದ ಉನ್ನತ ಸ್ಥರಕ್ಕೆ ತಮ್ಮ ಮಕ್ಕಳನ್ನು ಕರೆದೊಯ್ಯಬಹುದು ಎಂದು ಆದಿಚುಂಚನಗಿರಿ ಪೀಠಾಧಿಪತಿ ಜಗದ್ಗುರು ಶ್ರೀ ಶ್ರೀ ಶ್ರೀ ನಿರ್ಮಲಾನಂದನಾಥ ಮಹಾ ಸ್ವಾಮೀಜಿ ತಮ್ಮ ಆಶೀರ್ವಚನದಲ್ಲಿ ಹೇಳಿದರು, ಅವರು ರಾಮನಗರದ ಅರ್ಚಕರಹಳ್ಳಿಯಲ್ಲಿರುವ ಬಿಜಿಎಸ್ ವಲ್ಡ್೯ ಸ್ಕೂಲ್ ಶಾಲಾ ವಾರ್ಷಿಕೋತ್ಸವ ಕಾರ್ಯಕ್ರಮದಲ್ಲಿ ಶಾಲೆಯ ವಾರ್ಷಿಕ ವರದಿಯ ಪುಸ್ತಕವನ್ನು ಬಿಡುಗಡೆ ಮಾಡಿ ಆಶೀರ್ವಚನ ನೀಡಿದರು.

ಬುದ್ದ, ಮಾಳವೀಕಾ ಬುದ್ದ ಮತ್ತು ಸಾರಿಬುದ್ದ ನ ಕಥೆಯನ್ನು ವಿಸ್ತರಿಸಿ ಹೇಳುತ್ತಾ ಸರ್ವಾಧಿಕಾರಿಯಂತೆ ವರ್ತಿಸದೆ ಸಮಾಜದಲ್ಲಿ ನಾಗರೀಕನಾಗಿ ಬಾಳುವಷ್ಟಾದರೂ ಶಿಕ್ಷಣ ಕೊಡಿಸಬೇಕು, ಇದು ಹೆತ್ತವರ ಕರ್ತವ್ಯ ಮತ್ತು ಪಾಲನೆಯಾಗಬೇಕು, ಮಕ್ಕಳನ್ನು ದಂಡಿಸುವುದೇ ಕೆಲಸವಾದರೆ ಮಕ್ಕಳು ಪೋಷಕರಿಗಿಂತಲೂ ಸರ್ವಾಧಿಕಾರಿ ಆಗುತ್ತಾರೆ ಎಂದು ಪೋಷಕರಿಗೆ ಕಿವಿಮಾತು ಹೇಳಿದರು.

ಕಲೋದಯ ೨ ಎಂಬ ಮಕ್ಕಳ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದ ರಾಮನಗರ ಜಿಲ್ಲಾಧಿಕಾರಿ ಕ್ಯಾಪ್ಟನ್ ಡಾ ರಾಜೇಂದ್ರ ರವರು ಎರಡು ಮತ್ತು ಮೂರು ಮಕ್ಕಳಿರುವ ಪೋಷಕರು ಯಾವುದೇ ಕಾರಣಕ್ಕೂ ಚನ್ನಾಗಿ ಓದದಿರುವ ಮಕ್ಕಳ ಮುಂದೆ ಓದುವ ಮಕ್ಕಳಿಗೆ ಹೋಲಿಸಿ ಮಾತನಾಡುವುದು ಬೇಡ, ಇದಕ್ಕೆ ನಾನು ಸಹ ಸಾಕ್ಷಿ, ನನ್ನಣ್ಣಂದಿರಿಬ್ಬರು ಪ್ರಥಮ ಶ್ರೇಣಿ ಪಡೆದರೆ ನಾನು ಹತ್ತನೇ ತರಗತಿವರೆಗೂ ಓದಿನಲ್ಲಿ ಹಿಂದಿದ್ದವನು, ಆದರೂ ಇಂದು ಸೇನೆಯಲ್ಲಿ ಕೆಲಸ ಮಾಡಿ ಇಂದು ಜಿಲ್ಲಾಧಿಕಾರಿಯಾಗಿದ್ದೆನೆ, ಒಂದೊಂದು ಮಗುವಿನಲ್ಲಿಯೂ ಒಂದೊಂದು ಪ್ರತಿಭೆ ಅಡಗಿರುತ್ತದೆ ಅದನ್ನು ಪೋಷಕರು ಗುರುತಿಸಿ ಅದೆ ದಾರಿಯಲ್ಲಿ ಸಾಗಲು ಪ್ರೋತ್ಸಾಹಿಸಬೇಕು ಎಂದರು.

ಆದಿ ಚುಂಚನಗಿರಿ ಶಿಕ್ಷಣ ಸಂಸ್ಥೆಯ ಸಿಇಓ ಶಿವರಾಮರೆಡ್ಡಿಯವರು ಮಾತನಾಡಿ ಮಕ್ಕಳು ಒಂದು ವೇದಿಕೆಯಲ್ಲಿ ಸಭೆಯನ್ನುದ್ದೇಶಿಸಿ ಮಾತನಾಡಿದರು ಎಂದರೆ ಅವನು ನ್ಯಾಯಯುತವಾಗಿ ಬದುಕಬಲ್ಲ ಎಂಬುದು ಸಾಬೀತಾಗುತ್ತದೆ, ಮಕ್ಕಳು ಐಎಎಸ್‌, ಕೆಎಎಸ್, ಎಂಬಿಬಿಎಸ್, ಇಂಜಿನಿಯರ್ ಆಗಲೇಬೇಕೆಂದು ಮಕ್ಕಳ ಮೇಲೆ ಒತ್ತಡ ಹಾಕದೆ ಸಮಾಜದಲ್ಲಿ ಉತ್ತಮ ಪ್ರಜೆಯಾಗುವಂತೆ ಪ್ರೇರೇಪಿಸಬೇಕು, ಕೇವಲ ಶಾಲೆ ಮತ್ತು ಶಿಕ್ಷಕರಷ್ಟೇ ಅಲ್ಲದೆ ಪೋಷಕರಾದ ನೀವು ಕೈಜೋಡಿಸಿದರೇ ಮಾತ್ರ ಸಾಧ್ಯ ಎಂದರು.

ಇಂದಿನ ಕಾಲಘಟ್ಟಕ್ಕೆ ಹೊಂದುವಂತಹ ಅನೇಕ ನೃತ್ಯ ಗೀತೆಗಳನ್ನು ಮಕ್ಕಳು ಹಾಡಿ ರಂಜಿಸಿದರು, *ಅಂಧ ಮಕ್ಕಳು* ನೃತ್ಯ ಗೀತೆ ಮತ್ತು ನಾಟಕವನ್ನು ಅಭಿನಯಿಸಿದ ರೀತಿಗೆ ಗಣ್ಯರ ಜೊತೆಗೆ ಪೋಷಕರ ಕಣ್ಣು ತೇವಗೊಂಡವು, ಕಾಲಭೈರವನ ನಾಟಕ, ಬಡ ತಾಯಿ ಮತ್ತು ಮಗನ ನಾಟಕದ ದೃಶ್ಯ ಮನಸೂರೆಗೊಂಡಿತ್ತು. ಪುಟ್ಟ ಮಕ್ಕಳೇ ನಿರೂಪಿಸಿ ಪ್ರಬುದ್ದತೆ ಮೆರೆದರು, ಶಾಲೆಯ ಪ್ರಾಂಶುಪಾಲೆ ಸತ್ಯಲಕ್ಷ್ಮಿ ಶಾಲಾ ವಾರ್ಷಿಕ ವರದಿ ಮಂಡಿಸಿದರು, ಸಹಸಂಯೋಜಕಿ ನಳಿನಾಕ್ಷಿ ಪ್ರಾಸ್ತಾವಿಕ ನುಡಿಗಳನ್ನಾಡಿದರು.

ವೇದಿಕೆಯಲ್ಲಿ ಶಾಖಾ ಮಠದ ಕಾರ್ಯದರ್ಶಿ ಶ್ರೀ ಶ್ರೀ ಅನ್ನದಾನೇಶ್ವರನಾಥ ಸ್ವಾಮೀಜಿ, ಪಿಯು ಕಾಲೇಜಿನ ಪ್ರಾಂಶುಪಾಲ ಸುರೇಶ್ ಮತ್ತು ಮಹಾಲಕ್ಷ್ಮಿ ಲೇಔಟ್ ಬಿಜಿಎಸ್ ಶಾಲೆಯ ಪ್ರಾಂಶುಪಾಲೆ ಮೀರಾ ಕುಮಾರ್ ಉಪಸ್ಥಿತರಿದ್ದರು.

ಗೋ ರಾ ಶ್ರೀನಿವಾಸ...

ಮೊ:9845856139.