ಮಾಗಡಿ ತಾಲ್ಲೂಕಿನ ಗೆಜ್ಜಗಾರಗುಪ್ಪೆ ಗ್ರಾಮದಲ್ಲಿ ಹನ್ನೆರಡನೇ ಶತಮಾನದ್ದು ಎನ್ನಲಾದ ಶ್ರೀ ಮುರಾರಿ ಸ್ವಾಮೀಜಿ ಗಳ ಗದ್ದುಗೆಯ ಪುನರುಜ್ಜೀವನಕ್ಕೆ ಹಲವಾರು ಗಣ್ಯರು ಮುಂದೆ ಬಂದಿದ್ದು ಸಂಪೂರ್ಣ ಸಹಕಾರ ನೀಡುವುದಾಗಿ ಭರವಸೆ ನೀಡಿದರು, ಈ ಎಲ್ಲಾ ಗಣ್ಯರು ಭಾನುವಾರ ನಡೆದ ಶ್ರೀ ಕ್ಷೇತ್ರದ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಭರವಸೆ ನೀಡಿದರು.

ಗ್ರಾಮದ ಶಿವಲಿಂಗಯ್ಯ ಎಂಬುವವರು ದಾನ ನೀಡಿದ ಭೂಮಿಯಲ್ಲಿ ಶ್ರೀ ಸುಬ್ರಹ್ಮಣ್ಯ ದೇವಾಲಯದ ನಿರ್ಮಾಣಕ್ಕೆ ಗುದ್ದಲಿ ಪೂಜೆ ಮಾಡಿ ಮಾತನಾಡಿದ ಜಾತ್ಯತೀತ ಜನತಾ ದಳದ ರಾಜ್ಯ ಉಪಾಧ್ಯಕ್ಷರು ಮತ್ತು ಕೆಂಪೇಗೌಡ ಅಭಿವೃದ್ಧಿ ಸಂಘದ ನಾಮನಿರ್ದೇಶಿತರೂ ಆದ ಕೃಷ್ಣಮೂರ್ತಿಯವರು ಮುಂದಿನ ಪೀಳಿಗೆಗೆ ಇಂತಹ ದಾರ್ಶನಿಕರ ಬಗ್ಗೆ ತಿಳಿಸಿಕೊಡಬೇಕು, ಇದು ತಿಳಿಯಬೇಕೆಂದರೆ ಈ ಮಂಟಪವೂ ಜೀರ್ಣೋದ್ಧಾರ ಆಗಬೇಕಾಗಿದೆ, ಆದ್ದರಿಂದ ಸರ್ಕಾರದ ಜೊತೆಗೆ ವೈಯುಕ್ತಿಕವಾಗಿ ಸಹ ಸಹಾಯ ಮಾಡಲು ಸಿದ್ದನಿದ್ದೇನೆ ಎಂದು ಭರವಸೆ ನೀಡಿದರು.

ಅಧ್ಯಕ್ಷತೆ ವಹಿಸಿ ಮಾತನಾಡಿದ ಮುರಾರಿ ಸ್ವಾಮಿ ಪೀಠಾಧಿಪತಿ ಕುಮಾರಸ್ವಾಮಿ ಯವರು ಸೆಪ್ಟಂಬರ್ ತಿಂಗಳಲ್ಲಿ ನನಗೆ ಕೆಲವು ಹಿತೈಷಿಗಳ ಮೂಲಕ ಮಾಹಿತಿ ಬಂದಿತ್ತು, ನಂತರ ಪ್ರೇರಣೆಯಾಗಿ ಈ ಸ್ಥಳಕ್ಕೆ ಭೇಟಿ ನೀಡಿ, ಸೆಪ್ಟೆಂಬರ್ ಇಪ್ಪತೈದರಂದು ಹೋಮಹವನಾದಿಗಳ ಮೂಲಕ ಪ್ರಾರಂಭ ಮಾಡಿ, ಇಲ್ಲಿ ಸಂಪೂರ್ಣವಾಗಿ ಮುಚ್ಚಿಹೋಗಿದ್ದ ಬೃಹತ್ ಕಲ್ಯಾಣಿ ಯನ್ನು ಮಾತೃಭೂಮಿ ಫೌಂಡೇಶನ್ ಕಾರ್ಯಕರ್ತರಿಂದ ಸ್ವಚ್ಛಗೊಳಿಸಿ ದೀಪಾರಾಧನೆಯನ್ನು ಮಾಡಿದ್ದೇವೆ, ಎಲ್ಲಾ ಗಣ್ಯರು, ದಾನಿಗಳು, ಗ್ರಾಮಸ್ಥರು ಸೇರಿ ಈ ದೇಗುಲದ ಪುನರುಜ್ಜೀವನಕ್ಕೆ ಸಹಕಾರ ನೀಡಬೇಕು ಎಂದರು.

ಮಾಗಡಿ ಪ್ರಾಧಿಕಾರದ ಅಧ್ಯಕ್ಷರು ಮತ್ತು ರಾಜ್ಯ ಒಕ್ಕಲಿಗರ ಸಂಘದ ನಿರ್ದೇಶಕ ಕೃಷ್ಣಮೂರ್ತಿ ಮತ್ತು ವಿಧಾನ ಪರಿಷತ್ ಸದಸ್ಯ ಅ ದೇವೇಗೌಡರು ಭೇಟಿ ನೀಡಿ ಇಂತಹ ಪವಾಡ ಪುರುಷರ ದೇಗುಲದ ಜೀರ್ಣೋದ್ಧಾರ ಮಾಡುವುದು ನಮ್ಮೆಲ್ಲರ ಸುದೈವ, ನೀವು ಅನುಮತಿ ನೀಡಿದ ದಿನವೇ ಮಠ ಮತ್ತು ಕಲ್ಯಾಣಿಗೆ ಕೊಳವೆ ಬಾವಿ‌ ಕೊರೆಸಿ ಕೊಡುವುದಾಗಿ ವಾಗ್ದಾನ ಮಾಡಿದರು.

ಕರ್ನಾಟಕ ಜಾನಪದ ಪರಿಷತ್ತು ಚನ್ನಪಟ್ಟಣದ ಅಧ್ಯಕ್ಷರಾದ ಗೋ ರಾ ಶ್ರೀನಿವಾಸ ರವರು ಶ್ರೀ ಮುರಾರಿ ಸ್ವಾಮಿಗಳು ಮತ್ತು ಅವರ ಇತಿಹಾಸ ದ ಬಗ್ಗೆ ಪ್ರಾಸ್ತಾವಿಕ ನುಡಿಗಳನ್ನಾಡಿದರೆ ಶಿಕ್ಷಕ ಸುರೇಶ್ ಬಿ ವಿ ಹಳ್ಳಿ ಯವರು ನಿರೂಪಣೆ ಮಾಡಿದರು. ಇದೇ ವೇಳೆ ಗ್ರಾಮದ ಪ್ರಮುಖ ರಸ್ತೆಗೆ ಮುರಾರಿ ಸರ್ಕಲ್ ಎಂದು ನಾಮಕರಣವನ್ನು ಮಾಡಲಾಯಿತು.

ಕಾರ್ಯಕ್ರಮದಲ್ಲಿ ಸುವರ್ಣ ಕರ್ನಾಟಕ ರಕ್ಷಣಾ ವೇದಿಕೆಯ ರಾಜ್ಯಾಧ್ಯಕ್ಷ ಡಿ ವಿ ಗೋವಿಂದೇಗೌಡ, ಬೆಂಗಳೂರಿನ ನಾಗರಾಜ ಸ್ವಾಮಿ, ಪ್ರಜಾನುಡಿ ಪತ್ರಿಕೆಯ ಸತೀಶ್ ಬೂಸ, ಜನಸೈನ್ಯದ ಮಂಡ್ಯ ಜಿಲ್ಲಾಧ್ಯಕ್ಷ ಚಂದ್ರು ಕೀಲಾರ, ಎಸ್ ಪಿ ಶ್ರೀನಿವಾಸ, ಗೆಜ್ಜಗಾರಗುಪ್ಪೆ, ಚಿಟ್ಟನಹಳ್ಳಿ ಮತ್ತು ಅಕ್ಕಪಕ್ಕ ಗ್ರಾಮದ ಹಿರಿಯ ಮುಖಂಡರು ಭಾಗವಹಿಸಿದ್ದರು.

ಗೋ ರಾ ಶ್ರೀನಿವಾಸ...

ಮೊ:9845856139.