ಭಾರತ ವಿಕಾಸ ಪರಿಷದ್ ಕಣ್ವ ಶಾಖೆ ಚನ್ನಪಟ್ಟಣ ವತಿಯಿಂದ ಇಂದು ಗುರುವಂದನಾ ಛಾತ್ರ ಅಭಿನಂದನಾ ಕಾರ್ಯಕ್ರಮವನ್ನು ಅಪ್ಪಗೆರೆಯ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಹಮ್ಮಿಕೊಳ್ಳಲಾಗಿತ್ತು.

ಸನ್ಮಾನ ಸ್ವೀಕರಿಸಿ ಮಾತನಾಡಿದ ಅಪ್ಪಗೆರೆ ಸ#ಹಿ# ಪ್ರಾಥಮಿಕ ಶಾಲೆಯ ಸಹ ಶಿಕ್ಷಕಿ ಸಿ ಆರ್ ಕಾಂತಾ ರವರು ನಾನು ಪ್ರಶಸ್ತಿಗಾಗಿ, ಸನ್ಮಾನಕ್ಕಾಗಿ ಕಾರ್ಯನಿರ್ವಹಿಸಿಲ್ಲ, ಯಾರೂ ಸಹ ಪ್ರಶಸ್ತಿಗಾಗಿ ಕೆಲಸ ಮಾಡುವುದು ಬೇಡ, ಪ್ರಶಸ್ತಿ ಗೋಷ್ಕರ ಕೆಲಸ ಮಾಡದೇ ಮಕ್ಕಳ ಉನ್ನತಿಗಾಗಿ ಕೆಲಸ ನಿರ್ವಹಿಸಿದರೇ ಆ ಪ್ರಶಸ್ತಿಗಳು ಹುಡುಕಿಕೊಂಡು ಬರುತ್ತವೆ, ಇಂದು ನನಗೆ ಭಾರತ್ ವಿಕಾಸ ಪರಿಷದ್ ಗೌರವಿಸಿ ಸನ್ಮಾನಿಸುತ್ತಿರುವುದೇ ಸಾಕ್ಷಿ ಎಂದು ಸ್ಮರಿಸಿದರು.

ಗುರುವಿನ ಮಹತ್ವ ಕುರಿತು ಮುಖ್ಯ ಭಾಷಣ ಮಾಡಿದ ಪ್ರಾಧ್ಯಾಪಕ ಡಾ ಮಧುಸೂಧನಚಾರ್ಯಜೋಷಿ ರವರು ಬುದ್ದನಿಂದ ಅಬ್ದುಲ್ ಕಲಾಂ ರವರವರೆಗೂ ಗುರುವಿನ ಮಹತ್ವ ತಿಳಿಯುತ್ತದೆ, ಬುದ್ಧ ಬಸವ ಗಾಂಧಿ, ರಾಧಾಕೃಷ್ಣನ್, ಹಾಗೂ ಅಂಬೇಡ್ಕರ್ ರವರು ಸಹ ಮಹತ್ಸಾಧನೆ ಮಾಡಿರುವುದು ಗುರುಗಳಿಂದ, ಗು ಅಂದರೆ ಕತ್ತಲೆ, ರು ಅಂದರೆ ಜ್ಞಾನ, ಕತ್ತಲೆಯಿಂದ ಬೆಳಕಿನೆಡೆಗೆ ಕರೆದೊಯ್ಯುವವನೇ ಗುರು, ಆ ಗುರುವಿನ ಮಹತ್ವ ಇತಿಹಾಸ, ಪೌರಾಣಿಕ ಹಿನ್ನೆಲೆಯನ್ನು ಗಮನಿಸಿದರೇ ತಿಳಿಯುತ್ತದೆ.

ನಮ್ಮ ಭಾರತ ಹಿಂದೆ ವಿಶ್ವ ಗುರುವಾಗಿತ್ರು, ಇನ್ನು ಮುಂದೆಯೂ ವಿಶ್ವಗುರುವಾಗಿಯೇ ಇರುತ್ತದೆ, ಇಂದಿಗೂ ಅನೇಕ ಪಾಶ್ಚಿಮಾತ್ಯ ದೇಶಗಳ ಮಹಾನ್ ನಾಯಕರು ನಮ್ಮ ದೇಶಕ್ಕೆ ಕಾಲಿಟ್ಟ ಕ್ಷಣವೇ ನಮ್ಮ ಭೂಮಿಗೆ ನಮಸ್ಕರಿಸಿ ಪ್ರಯಾಣ ಬೆಳೆಸುತ್ತಾರೆ, ನಮ್ಮ ಸಂಸ್ಕೃತಿ ಯನ್ನು ಅಳವಡಿಸಿಕೊಳ್ಳುತ್ತಿದ್ದಾರೆ,ಇದಕ್ಕೆಲ್ಲಾ ನಮ್ಮ ಗುರುಕುಲವೇ ಕಾರಣ ಎಂದು ನುಡಿದರು.

ಅಧ್ಯಕ್ಷತೆ ವಹಿಸಿ ಮಾತನಾಡಿದ ಭಾವಿಪ ಕಣ್ವ ಶಾಖೆಯ ಅಧ್ಯಕ್ಷ ವಸಂತಕುಮಾರ್ ರವರು ಭಾವಿಪ ಶಾಖೆಯಿಂದ ಪ್ರತಿವರ್ಷ ಒಬ್ಬ ಸರ್ಕಾರಿ ಶಾಲೆಯ ಉತ್ತಮ ಶಿಕ್ಷಕರಿಗೆ ಸನ್ಮಾನ ಮಾಡುತ್ತಿದ್ದೇವೆ, ಅದರಲ್ಲೂ ಕಾಂತಾ ರವರಿಗೆ ಸನ್ಮಾನ ಮಾಡುತ್ತಿರುವುದು ನಮ್ಮ ಶಾಖೆಗೆ ಹೆಮ್ಮೆಯ ವಿಷಯ, ಅತ್ಯಂತ ಪ್ರಾಮಾಣಿಕ ವ್ಯಕ್ತಿತ್ವತಕ್ಕೆ ಸಂದ ಗೌರವ ಎಂದರು.

ಪದವಿಪೂರ್ವ ಕಾಲೇಜಿನ ಉಪಪ್ರಾಂಶುಲರಾದ ಪಾರ್ವತಿ ಯವರು ಮಕ್ಕಳಿಗೆ ಉಪದೇಶ ನೀಡಿದರು, ಸಿ ಆರ್ ಪಿ ಉಮೇಶ್ ರವರು ಪ್ರಾಸ್ತಾವಿಕವಾಗಿ ಮಾತನಾಡಿದರು, ಕೃಷ್ಣಮ್ಮ ಸೋಮರಾಜು ರವರು ನಿರೂಪಣೆ ಮಾಡಿದರು, ಶಾಲೆಯ ಶಿಕ್ಷಕಿ ಶೋಭಾ ರವರು ವಂದನಾರ್ಪಣೆ ಮಾಡಿದರು.

ವೇದಿಕೆಯಲ್ಲಿ ಗ್ರಾಮ ಪ್ರಂಚಾಯಿತಿ ಸದಸ್ಯೆ ಲಕ್ಷ್ಮಿ, ಭಾವಿಪ ಪ್ರಧಾನ ಕಾರ್ಯದರ್ಶಿ ಬಿ ಎನ್ ಕಾಡಯ್ಯ, ಅಂಗನವಾಡಿ ಶಿಕ್ಷಕಿ ವಸಂತಕುಮಾರಿ, ಶಿಕ್ಷಕಿಯರಾದ ಧನಲಕ್ಷ್ಮಿ, ಲತಾ, ಬೆಸ್ಕಾಂ ಶಿವಲಿಂಗಯ್ಯ, ಸಾವಿತ್ರಮ್ಮ ಭಾಗವಹಿಸಿದ್ದರು.

ಗೋ ರಾ ಶ್ರೀನಿವಾಸ...

ಮೊ:9845856139.