ವರದಿಯಲ್ಲಿ ಬಹುಪಾಲು ತಲುಪಿದೆ

ಸಮಾಜ ಕಲ್ಯಾಣ ಇಲಾಖೆಯಲ್ಲಿ ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡಗಳ ಸಮುದಾಯಕ್ಕೆ ಹಲವಾರು ಯೋಜನೆಗಳಿದ್ದು, ಇಲಾಖೆಯ ವಾರ್ಷಿಕ ವರದಿಯಲ್ಲಿ ಎಲ್ಲಾ ಯೋಜನೆಗಳ ಹಣ  ಖರ್ಚಾಗಿದ್ದರೂ ಸಹ ಆ ಸಮುದಾಯದ ಹಲವು ಕುಟುಂಬಗಳು ಇನ್ನೂ ಹಿಂದುಳಿದಿರುವುದು ದುರದೃಷ್ಟಕರ.

ಯಾರು ಫಲಾನುಭವಿಗಳು?

ಇಲಾಖೆಯಲ್ಲಿ ಹಲವಾರು ಯೋಜನೆಗಳ ಹಣ ನೇರವಾಗಿ ಅವರ ಖಾತೆಗೆ ಜಮವಾದರೆ ಇನ್ನೂ ಕೆಲವು ಖರೀದಿಸುವ ಯಂತ್ರೋಪಕರಣಗಳು, ಕೊರೆಸುವ ಕೊಳವೆ ಬಾವಿಗಳು ಮತ್ತು ವಾಹನಗಳ ಕಂಪೆನಿಗೆ ಹೋಗುತ್ತವೆಯಾದರೂ ಖರೀದಿಸಿದವರು ಉಪಯೋಗಿಸುತ್ತಿರುವುದು ಬಹಳ ವಿರಳ.
ಇಲಾಖೆಯ ಅಧಿಕಾರಿಗಳು ಕೇವಲ ದಾಖಲೆಗಳನ್ನು ಮಾತ್ರ ಪರಿಶೀಲಿಸಿ ಹಣ ಬಿಡುಗಡೆ ಮಾಡುವ ಬದಲು ಆ ಹಣ ಅಥವಾ ವಸ್ತುಗಳನ್ನು ಅವರೇ ಉಪಯೋಗಿಸಿ ಸಮಾಜದಲ್ಲಿ ಒಂದು ಉತ್ತಮ ಸ್ಥಾನ ಮಾನ ಗಳಿಸಿಕೊಡುವತ್ತ ಗಮನ ಹರಿಸಿದರೆ ಈ ಸಮುದಾಯದ ಬಡವರು ಸಮಾಜದಲ್ಲಿ ಉನ್ನತ ಸ್ತರಕ್ಕೇರಲು, ಸ್ವಾಭಿಮಾನಿಯಾಗಿ ಬದುಕಲು ಸಾಧ್ಯವಾಗುತ್ತದೆ.

ಸಮುದಾಯದ ನಾಯಕರಿಂದಲೇ ವಂಚನೆ!?

ಮೇಲ್ವರ್ಗದ ಸಮುದಾಯದವರಿರಲಿ ಅದೇ ಸಮುದಾಯದ ನಾಯಕರು ಎನಿಸಿಕೊಂಡವರದಿಂದಲೇ ಅದೇ ಸಮುದಾಯದವರು ಮೋಸ ಹೋಗುತ್ತಿರುವುದು ಮೇಲ್ನೋಟಕ್ಕೆ ಕಂಡುಬರುತ್ತದೆ, ಉದಾಹರಣೆಗೆ ಒಬ್ಬ ಬಡ ವ್ಯಕ್ತಿಯ ಹೆಸರಿನಲ್ಲಿ ಕಾರು ಇದೆ, ಅದಕ್ಕೆ ಮುಂಗಡ ಹಣ ಕಟ್ಟಿ, ಸಬ್ಸಿಡಿಯನ್ನು ಪಡೆದಿದ್ದಾನೆ, ಆದರೆ ಅವನ ಬಳಿ ಕಾರಿಲ್ಲ, ಕೊಳವೆಬಾವಿ ಕೊರೆಸಲು ಅನುಮತಿ ಪಡೆದುಕೊಂಡಿದ್ದಾನೆ, ಬೋರ್ ವೆಲ್ ಕೊರೆಸಿದ ದಾಖಲೆಗಳಿವೆ, ಹಣವೂ ಸಂದಾಯವಾಗಿದೆ, ದಾಖಲೆ ಒಂದು ಜಮೀನದ್ದಾದರೆ ಕೊಳವೆ ಬಾವಿ ಕೊರೆದಿರುವ ಭೂಮಿ ಬೇರೆಯದ್ದು, ಇನ್ನೂ ಕೆಲವು ಕಡೆ ಕೊಳವೆ ಬಾವಿ ಕೊರೆಯದೆ ಹಣ ಬಿಡುಗಡೆಯಾಗಿರುವ ಶಂಕೆಯೂ ಬಹಳಷ್ಟಿವೆ, ಇನ್ನುಳಿದಂತೆ ಕೃಷಿ ಸಲಕರಣೆಗಳು, ಟ್ರ್ಯಾಕ್ಟರ್, ಟ್ರಿಲ್ಲರ್ ಇತ್ಯಾದಿ ವಸ್ತುಗಳಿಗೆ ದಾಖಲೆ ಮಾತ್ರ ಆ ವ್ಯಕ್ತಿಯದಾಗಿರುತ್ತದೆ, ಫಲಾನುಭವಿ ಬೇರೆ ಯಾರೋ ಪಡೆದುಕೊಂಡಿರುತ್ತಾರೆ, ಅಧಿಕಾರಿಗಳು ಕೇವಲ ದಾಖಲೆ ನೋಡಿ ಹಣ ಬಿಡುಗಡೆ ಮಾಡದೆ ಆ ದಾಖಲಯ ಫಲಾನುಭವಿಗಳಿಗೆ ತಲುಪುವಂತೆ ಮಾಡದರೇ ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡಗಳ ಜನರು ಆರ್ಥಿಕವಾಗಿ ಬಲಾಢ್ಯರಾಗಲು ಸಾಧ್ಯ, ಇಲ್ಲವಾದರೇ ಇನ್ನೂ ನೂರು ವರ್ಷ ಮೀಸಲಾತಿ ಕೊಟ್ಟರೂ ಸಹ ಅವರು ಆರ್ಥಿಕವಾಗಿ ಮುಂದುವರೆಯಲು ಸಾಧ್ಯವಾಗುವುದಿಲ್ಲ.

ವಿದ್ಯಾರ್ಥಿ ವೇತನ

ವಿದ್ಯಾರ್ಥಿ ವೇತನವಾಗಿ ಮೆಟ್ರಿಕ್ ನಂತರದ ಪರಿಶಿಷ್ಟ ಜಾತಿ ವಿದ್ಯಾರ್ಥಿಗಳಿಗೆ ಒಂದು ವರ್ಷಕ್ಕೆ ಕನಿಷ್ಠ ೮೫,೦೦೦,೦೦ ರೂಪಾಯಿಗಳು, ಮೆಟ್ರಿಕ್ ಪೂರ್ವ ಪರಿಶಿಷ್ಟ ಜಾತಿ ವಿದ್ಯಾರ್ಥಿಗಳಿಗೆ ೫೦,೦೦೦,೦೦ ರೂಪಾಯಿಗಳು, ಪರಿಶಿಷ್ಟ ಜಾತಿಯ ಕಾನೂನು ಪದವೀಧರರಿಗೆ ೪,೦೦,೦೦೦ ರೂಪಾಯಿಗಳು, ಪರಿಶಿಷ್ಟ ಪಂಗಡಗಳ ವೈದ್ಯಕೀಯ/ಇಂಜಿನಿಯರಿಂಗ್ ವಿದ್ಯಾರ್ಥಿಗಳಿಗೆ ೧೩,೦೦೦,೦೦ ರೂಪಾಯಿಗಳು, ಮೆಟ್ರಿಕ್ ಪೂರ್ವ ವಿದ್ಯಾರ್ಥಿಗಳಿಗೆ ೨,೯೮,೦೦೦ ರೂಪಾಯಿಗಳು, ಮೆಟ್ರಿಕ್ ನಂತರದ ವಿದ್ಯಾರ್ಥಿಗಳಿಗೆ ೩,೦೦,೦೦೦ ರೂಪಾಯಿಗಳನ್ನು ನೀಡುತ್ತಿದೆ.

ವಿದ್ಯಾರ್ಥಿ ನಿಲಯದ ನಿರ್ವಹಣೆ ಮತ್ತು ಸಿಬ್ಬಂದಿ ವೇತನ

ಪರಿಶಿಷ್ಟ ಜಾತಿ ಮೆಟ್ರಿಕ್ ನಂತರದ ವಿದ್ಯಾರ್ಥಿ ನಿಲಯಗಳ ನಿರ್ವಹಣೆ ಮತ್ತು ಸಿಬ್ಬಂದಿಗಳ ವೇತನಕ್ಕಾಗಿ ಒಂದು ವರ್ಷಕ್ಕೆ ೧೦,೦೦೦,೦೦ ರೂಪಾಯಿಗಳು, ೫,೫೦,೦೦೦ ರೂಪಾಯಿಗಳು, ಮೆಟ್ರಿಕ್ ಪೂರ್ವ ವಿದ್ಯಾರ್ಥಿ ನಿಲಯಗಳ ಸಿಬ್ಬಂದಿಗೆ  ೫೩,೯೮,೦೦೦ ರೂ, ದಿನಗೂಲಿ ನೌಕರರಿಗೆ ೩,೬೦,೦೦೦ ರೂ, ವಿದ್ಯಾರ್ಥಿ ನಿಲಯಗಳಿಗೆ ೭೦,೦೦೦,೦೦ ರೂಪಾಯಿಗಳನ್ನು ನೀಡಲಾಗುತ್ತಿದೆ.
*ಸಿಬ್ಬಂದಿ, ವೇತನ ಮತ್ತು ಬಾಡಿಗೆ*
ನಿರ್ದೇಶನ ಮತ್ತು ಆಡಳಿತ ಮಂಡಳಿಯಲ್ಲಿ ಒಟ್ಟು ಏಳು ಮಂದಿ ಕೆಲಸ ನಿರ್ವಹಿಸಬೇಕಾಗಿದ್ದು ಎರಡು ಹುದ್ದೆಗಳು ಖಾಲಿ ಇದ್ದು ಅವರ ವೇತನಕ್ಕಾಗಿ ೧೮,೫೦೦,೦೦ ರೂ, ಸ್ವಂತ ಕಟ್ಟಡ ಇಲ್ಲದಿರುವುದರಿಂದ ೭,೪೦೦ ರೂಪಾಯಿಗಳ ಬಾಡಿಗೆಯೂ ಸೇರಿದಂತೆ ೧೧,೦೦೦,೦೦ ರೂಪಾಯಿಗಳ ಕಛೇರಿ ವೆಚ್ಚಕ್ಕೆಂದೇ ನೀಡಲಾಗುತ್ತಿದೆ.
ಸರ್ಕಾರಿ ಕಾಲೇಜು ವಿದ್ಯಾರ್ಥಿ ನಿಲಯಗಳ ನಿರ್ವಹಣೆಗೆ ೪,೫೦,೦೦೦ ರೂ ಮತ್ತು ಸಿಬ್ಬಂದಿ ವೇತನಕ್ಕಾಗು ೯,೫೦,೦೦೦ ರೂ,
ಹಾಗೂ ಹೆಚ್ಚಿನ ಊಟ ಮತ್ತು ವಸತಿ ವೆಚ್ಚಗಳಿಗಾಗಿ ೧೦,೦೦೦,೦೦ ರೂಪಾಯಿಗಳು ಸಂದಾಯವಾಗುತ್ತಿದೆ.

ಪ ಜಾ ಮತ್ತು ಪ ಪಂಗಡದ ಅಸ್ಪೃಶ್ಯತೆ, ಅಂತರ್ಜಾತಿ ವಿವಾಹ ಸೌಕರ್ಯ, ಸಹಾಯಧನ

ಅಸ್ಪೃಶ್ಯತೆ ನಿವಾರಣೆ ಮಾಡಲು ಮತ್ತು ಅಂತರ್ಜಾತಿ ವಿವಾಹಿತ ದಂಪತಿಗಳಿಗೆ ೨೦,೦೦೦,೦೦ ರೂ, ಪರಿಶಿಷ್ಟ ಜಾತಿಯ ಕಾಲೋನಿಗಳ ಮೂಲಭೂತ ಸೌಕರ್ಯಗಳ ಅಭಿವೃದ್ಧಿಗೆ ೬,೨೫,೦೦೦ ರೂ, ಕುಟುಂಬಗಳಿಗೆ ಸಹಾಯಧನವಾಗಿ ೫,೭೫,೦೦೦ ರೂಪಾಯಿಗಳು.
ಪರಿಶಿಷ್ಟ ವರ್ಗದ ಕಾಲೋನಿಗಳ ಅಭಿವೃದ್ಧಿಗೆ ೭೫,೦೦೦ ರೂ ಮತ್ತು ಕುಟುಂಬಗಳಿಗೆ ಸಹಾಯಧನವಾಗಿ ೯೯,೦೦೦ ರೂಪಾಯಿಗಳನ್ನು ನೀಡುತ್ತಿದೆ.

ಹಾಸ್ಟೆಲ್ ಗಳ ಅವ್ಯವಸ್ಥೆ

ಹಾಸ್ಟೆಲ್ ಗಳ ನಿರ್ವಹಣೆಗೆಂದೆ ಕೋಟ್ಯಂತರ ರೂ ಕೊಟ್ಟರೂ ಸಹ ಹಾಸ್ಟೆಲ್ ಗಳು ಅವ್ಯವಸ್ಥೆಯಿಂದ ಕೂಡಿವೆ, *ಕೋಡಂಬಳ್ಳಿ ಮತ್ತು ಅಕ್ಕೂರು* ಗ್ರಾಮಗಳಲ್ಲಿ ಸೋಲಾರ್ ಗಳು ಹಾಳಾಗಿ ಆರು ತಿಂಗಳಾಗಿದ್ದರೂ ಸಹ ಇನ್ನೂ ರಿಪೇರಿ ಮಾಡಿಸದಿರುವುದು ವಾರ್ಡನ್ ಮತ್ತು ಅಧಿಕಾರಿಗಳ ಹೊಣೆಗೇಡಿತನವಾಗಿದೆ, ಇನ್ನೂ ಆರು ತಿಂಗಳಿನಿಂದ ಬಿಸಿನೀರನ್ನೇ ಕಾಣದ ಮಕ್ಕಳ ಸ್ಥಿತಿ ಇವರಿಗೆ ಅರ್ಥವಾಗುವುದಿಲ್ಲವೇ ?
ಅಕ್ಕೂರು ಹಾಸ್ಟೆಲ್ ಸುತ್ತಲೂ ಕಾಂಪೌಂಡ್ ಗೆ ಹೊಂದಿಕೊಂಡಂತೆ ಸ್ಥಳೀಯರು ತಿಪ್ಪೆ ಗುಂಡಿಗಳನ್ನು ಮಾಡಿಕೊಂಡಿದ್ದು ಗಬ್ಬು ನಾರುತ್ತಿವೆ, ಇತ್ತಕಡೆ ಕಿಂಚಿತ್ತೂ ಯೋಚಿಸದೇ ಮಕ್ಕಳ ರೋಗರುಜಿನಗಳಿಗೆ ಅಧಿಕಾರಿಗಳೇ ಎಡೆಮಾಡೊಕೊಡುತ್ತಿರುವುದು ಖಂಡನಾರ್ಹ.

ರಾತ್ರಿ ವೇಳೆ ಹಾಸ್ಟೆಲ್ ನಲ್ಲಿ ಮಕ್ಜಳೇ ಇಲ್ಲ ?

ನಿನ್ನೆ ರಾತ್ರಿ ಅಕ್ಕೂರು ಹಾಸ್ಟೆಲ್ ಗೆ ಭೇಟಿ ನೀಡಿದಾಗ ಇಪ್ಪತ್ತೊಂದು ಮಕ್ಕಳ ಪೈಕಿ ಒಬ್ಬನೂ ಇಲ್ಲದಿರುವುದು ಹಾಸ್ಟೆಲ್ ನಿರ್ವಹಣೆ ಬಗ್ಗೆ ಅಧಿಕಾರಿಗಳು ತೋರುತ್ತಿರುವ ನಿಷ್ಕಾಳಜಿಯನ್ನು ತೋರಿಸುತ್ತದೆ, ಮಕ್ಕಳಿಲ್ಲದಿದ್ದರೂ ಲೆಕ್ಕವಂತೂ ಪಕ್ಕ ಇರುವುದು ಮೇಲ್ನೋಟಕ್ಕೆ ಕಂಡುಬರುತ್ತಿದೆ, ಅಕ್ಕೂರು ಮತ್ತು ಕೋಡಂಬಳ್ಳಿ ಗ್ರಾಮಗಳಲ್ಲಿ ಕೇವಲ ಇಪ್ಪತ್ತೊಂದು ಮಕ್ಕಳಿದ್ದು ಎರಡು ಮಕ್ಕಳು ಕಡಿಮೆಯಾದರೂ ಹಾಸ್ಟೆಲ್ ಮುಚ್ಚಬಹುದಾಗಿದೆ.
ನಿರ್ವಹಣೆ ಮತ್ತು ಊಟದ ಖರ್ಚಿಗಾಗಿ ನೀಡುವ ಅನುದಾನದ ಬಗ್ಗೆ ತನಿಖೆ ನಡೆಸಿದರೆ ಅಧಿಕಾರಿಗಳ ಗೋಸುಂಬೆತನ ಬಟಾ ಬಯಲಾಗುವುದರಲ್ಲಿ ಅನುಮಾನವೇ ಇಲ್ಲ.

ಭವನಗಳ ಮಾಹಿತಿಯೇ ಅಧಿಕಾರಿಗಳಿಗೆ ಗೊತ್ತಿಲ್ಲ

ಅಂಬೇಡ್ಕರ್, ರಾಂ ಭವನ, ಸೇವಾಲಾಲ್, ಬಂಜಾರ, ಛಲವಾದಿ, ಭೋವಿ, ಮಾದಿಗರ ಭವನಗಳ ನಿರ್ಮಾಣಕ್ಕಾಗಿ ಬಿಡುಗಡೆ ಮಾಡಲಾದ ಅನುದಾನಗಳ ಬಗ್ಗೆ ಅಧಿಕಾರಿಗಳು ಮತ್ತು ಇಲಾಖಾ ಸಿಬ್ಬಂದಿಗಳಿಗೆ ನಿಖರವಾದ ಮಾಹಿತಿಯೇ ಇಲ್ಲ, 
ನಗರದ ಅಂಬೇಡ್ಕರ್ ಭವನವೂ ಸೇರಿದಂತೆ ತಾಲ್ಲೂಕಿನಲ್ಲಿ ಅರವತ್ಮೂರು ಭವನಗಳನ್ನು ನಿರ್ಮಿಸಲು ಅನುದಾನ ಬಿಡುಗಡೆಯಾಗಿದೆಯಾದರೂ, ಬಹುತೇಕ ಭವನಗಳಿಗೆ ನಿವೇಶನವಿಲ್ಲದೆ ಹಣ ಬಿಡುಗಡೆ ಮಾಡಲಾಗಿದೆ, ಪಿಡಿಓ ಗೆ ಅರ್ಜಿ ಸಲ್ಲಿಸಲಾಗಿದೆ ಎಂದು ಒಂಭತ್ತು ವರ್ಷಗಳಿಂದಲೂ ತೋರಿಸುತ್ತಿರುವುದು ಅನುಮಾನಕ್ಕೆಡೆ ಮಾಡಿಕೊಡುತ್ತದೆ.
ನಗರದ ಅಂಬೇಡ್ಕರ್ ಭವನ ೨೦೧೦ ರಿಂದಲೂ ಕೆಲಸ ನಡೆಯುತ್ತಿದ್ದರೆ, ನೀಲಕಂಠನಹಳ್ಳಿ ಯ ಭವನ ಸಮಾಜ ಕಲ್ಯಾಣ ಇಲಾಖೆ ಯ ಹೆಸರಿಲ್ಲದೆ ಬೇರೆ ಹೆಸರಿನಲ್ಲಿ ಪ್ರತಿಷ್ಠಾಪನೆಗೊಂಡಿದೆ.
ಕೋಡಿಹೊಸಹಳ್ಳಿ ಗ್ರಾಮದ ಭವನ ನಿರ್ಮಾಣವಾಗಿದ್ದರೂ ಸಹ ಇವರ ದಾಖಲೆಯಲ್ಲಿ ಕಾಮಗಾರಿ ಪ್ರಾರಂಭಿಸಬೇಕಾಗಿದೆ ಎಂದೇ ತೋರಿಸಲಾಗಿದೆ.

ಬೇಜಾವಬ್ದಾರಿಯ ಸಿಬ್ಬಂದಿ ಅರಿಯದ ಅಧಿಕಾರಿ

ಮೇಲಿನ ದಾಖಲೆಗಳನ್ನು ಕೇಳಿದರೆ ನಾನು ಹೊಸ ಅಧಿಕಾರಿ ಏನೇನೂ ಗೊತ್ತಿಲ್ಲ ಎನ್ನುವ ಸಹಾಯಕ ನಿರ್ದೇಶಕ ಕಿರಣ ರವರ ವಾದವಾದರೆ, ನಮ್ಮತ್ರ ಇರೋದೆ ಈ ದಾಖಲೆ ಬೇಕಿದ್ದರೆ ರಾಮನಗರದಲ್ಲಿ ತೆಗೆದುಕೊಳ್ಳಿ, ಎನ್ನುವ ಸಿಬ್ಬಂದಿಗಳು ಒಂದೆಡೆ, ಒಬ್ಬನೇ ವ್ಯಕ್ತಿ ಎಷ್ಟು ಜನರ ಅರ್ಜಿಗಳನ್ನು ಹಿಡಿದುಕೊಂಡು ಬಂದರೂ ಸಹಿ ಮಾಡುತ್ತೀರಾ ಎಂಬ ಪ್ರಶ್ನೆಗೆ ಹೌದು ಎಂದೆ ಹೇಳುವ ಸಿಬ್ಬಂದಿಯ ಕೊಬ್ಬಿದ ಉತ್ತರ ನಿಜಕ್ಕೂ *ಮೆಚ್ಚಲೇಬೇಕು!?*  ಇನ್ನೂ ಹಿಂದುಳಿದ ಇಲಾಖೆಯಲ್ಲಿ ಉಂಡವನೇ ಜಾಣ ಎಂಬುದರಲ್ಲಿ ಎರಡು ಮಾತಿಲ್ಲ.

ದಲ್ಲಾಳಿ ಕೆಲಸಕ್ಕೆ ಕಡಿವಾಣ ಹಾಕಿ

ಯಾವುದೇ ರೀತಿಯ ಸಹಾಯಧನವಾಗಲಿ (ಅಶಕ್ತರನ್ನು ಹೊರತುಪಡಿಸಿ) ನೇರ ಆ ವ್ಯಕ್ತಿಯೇ ತನ್ನ ದಾಖಲಾತಿಗಳನ್ನು ಖುದ್ದಾಗಿ ಸಲ್ಲಿಸಿದ ನಂತರ ಪರಿಶೀಲಿಸಿ ಮಂಜೂರು ಮಾಡಬೇಕು, ನಂತರ ಆ ಫಲಾನುಭವಿಯೇ ಅವುಗಳನ್ನು ಉಪಯೋಗಿಸುತ್ತಿದ್ದಾನೆಯೇ ಎಂಬುದನ್ನು ಸಂಬಂಧಿಸಿದ ಅಧಿಕಾರಿ ಅಥವಾ ಸಿಬ್ಬಂದಿ ಪರಿಶೀಲನೆ ಮಾಡಿದರೆ ಕಮಿಷನ್ ಗಾಗಿ ದಾಖಲೆಗಳನ್ನು ಹೊತ್ತು ತರುವ ದಲ್ಲಾಳಿಗಳು ಮತ್ತು ಯಾರದೋ ಹೆಸರಿನಲ್ಲಿ ಪಡೆದು ಮತ್ಯಾರೋ ಅನುಭವಿಸುವುದು ತಪ್ಪಿ ಸಮುದಾಯದ ನಿಜವಾದ ಬಡವ ಬಲ್ಲಿದನಾಗಲು ಸಹಕಾರಿಯಾಗುತ್ತದೆ.

(*ಸಮಾಜ ಕಲ್ಯಾಣ ಇಲಾಖೆಯ ಸಹಾಯಕ ನಿರ್ದೇಶಕರ ಕಛೇರಿಯಲ್ಲಿ ಮಾಹಿತಿ ಪಡೆಯುತ್ತಿದ್ದಾಗ ಒಬ್ಬನೇ ವ್ಯಕ್ತಿ ನಾಲ್ಕು ಮಂದಿಯ ದಾಖಲೆಗಳನ್ನು ಹಿಡಿದು ಸಹಿಗಾಗಿ ಬಂದಿದ್ದನ್ನು ಖುದ್ದಾಗಿ ನೋಡಿ ಇಂತಹ ವ್ಯಕ್ತಿಗಳ ಬಗ್ಗೆ ಜಾಗರೂಕರವಾಗಿರುವಂತೆ ತಿಳಿಸಿದ್ದೇನೆ*)
ಈ ಎಲ್ಲಾ ಮಾಹಿತಿಯ ನಂತರ ಸಮಾಜ ಕಲ್ಯಾಣ ಇಲಾಖೆಯ ಅಧಿಕಾರಿ ಕಿರಣ್ ರವರನ್ನು ಮಾತಿಗೆಳೆದಾಗ ನಮ್ಮ ಇಲಾಖೆಯ ಸಿಬ್ಬಂದಿಗಳಿಗೆ ಕಛೇರಿಗೆ ಬರುವ ಯಾರನ್ನು ಸತಾಯಿಸದೇ ನ್ಯಾಯಯುತವಾಗಿ ಕೆಲಸ ಮಾಡಿಕೊಡಿ ಎಂದು ನಿರ್ದೇಶನ ನೀಡಿದ್ದೇನೆ.
ಮತ್ತು ಫಲಾನುಭವಿಗಳು ನೇರವಾಗಿ ಇಲಾಖೆಗೆ ಬಂದು ಮಾಹಿತಿ ಪಡೆದು ತಮ್ಮ ದೊರಕಬೇಕಾದ ಮೂಲಭೂತ ಸೌಕರ್ಯಗಳನ್ನು ಹಾಗೂ ಸವಲತ್ತುಗಳನ್ನು ಪಡೆದುಕೊಳ್ಳಿರಿ, ಯಾವ ಮಧ್ಯವರ್ತಿಗಳಿಗೂ ಕಮಿಷನ್ ನೀಡದೆ ಎಲ್ಲವನ್ನೂ ನೀವೆ ಪಡೆದುಕೊಂಡು ಸ್ವಾಭಿಮಾನಿಯಾಗಿ ಬದುಕುವುದನ್ನು ರೂಢಿಸಿಕೊಳ್ಳಿರಿ, ಇಲಾಖೆ ಎಂದಿಗೂ ನಿಮ್ಮ ಜೊತೆ ಇರುತ್ತದೆ ಎಂದು ಕರೆನೀಡಿದರು.

ಗೋ ರಾ ಶ್ರೀನಿವಾಸ...
ಮೊ:9845856139.