ಗಿರಿಜಾ ಕಲ್ಯಾಣ ನಂತರ ದಕ್ಷಬ್ರಹ್ಮ ಮಾಡುವ ಯಜ್ಞ ನಂತರ ಅದೇ ಯಜ್ಞದ ಕೊಂಡಕ್ಕೆ ಬಿದ್ದು ಪ್ರಾಣಾರ್ಪಣೆ ಮಾಡುವ ಗಿರಿಜೆ, ಶಿವನ ರುದ್ರನರ್ತನ, ಬೆವರಿನಿಂದ ಹುಟ್ಟಿದ ವೀರಭದ್ರ, ಶಿವನ ಕೋಪ ತಣಿಸಲು ಮನ್ಮಥ ಹೂಡುವ ಹೂಬಾಣ, ರತಿಯ ಕೋರಿಕೆ ಮೇರೆಗೆ ಪ್ರಾಣಭಿಕ್ಷೆ ಇವೆಲ್ಲಾ ಪುರಾಣಕಾಲದ ಕಥೆಗಳ ಪಾತ್ರಗಳೇ ಇಂದಿನ ಕಾಮನ ಹಬ್ಬವಾಗಿ ಆಚರಣೆಯಲ್ಲಿವೆ.

ಚನ್ನಪಟ್ಟಣ ಗರುಡಗಂಬದ ಬೀದಿಯಲ್ಲಿರುವ ಶ್ರೀ ಲಕ್ಷ್ಮಿ ನಾರಾಯಣ ಸ್ವಾಮಿ ದೇವಾಲಯದ ಮುಂಭಾಗದಲ್ಲಿ ಶತ ಶತಮಾನಗಳಿಂದಲೂ ಸಮಿತಿಯ ಮೂಲಕ ಅತಿ ವಿಜೃಂಭಣೆಯಿಂದ ಈ ಹಬ್ಬವನ್ನು ಆಚರಿಸುತ್ತಾ ಬಂದಿರುವುದು ಚನ್ನಪಟ್ಟಣದ ಇತಿಹಾಸದ ಕುರುಹುಗಳಲ್ಲಿ ಒಂದಾಗಿ ಬೆರೆತುಹೋಗಿದೆ.

ಇಪ್ಪತ್ತೊಂದು ದಿನಗಳ ಕಾಲ ನಡೆಯುವ ಈ ಹಬ್ಬವು ಇದೇ ತಿಂಗಳ ಹತ್ತನೇ ತಾರೀಖಿನಂದು ಕಾಮ ನ ಪ್ರತಿರೂಪವನ್ನು ಪ್ರತಿಷ್ಠಾಪಿಸಿ, ಇಪ್ಪತ್ತನೇ ತಾರೀಖಿನ ವರೆಗೂ ಪ್ರತಿದಿನವೂ ವಿಶೇಷ ಅಲಂಕಾರ ಮಾಡಿಕೊಂಡು ಬರಲಾಗುತ್ತದೆ. ಹತ್ತೊಂಭತ್ತನೇ ತಾರೀಖು ಮಂಗಳವಾರ ದೇಶದ ಅಂಬಾರಿ

ಎನಿಸಿಕೊಂಡ ಕೃತಕ ಆನೆಯ ಅಂಬಾರಿ ಸಾರೋಟುಸಮೇತ ವಿಶೇಷ ಅಲಂಕಾರಗೊಂಡ ವಿವಿಧ ರೀತಿಯ ಗಾಡಿಗಳು ಮೆರವಣಿಗೆ ನಡೆಸುತ್ತವೆ.

ಅದೇ ದಿನ ಸಂಜೆ ನಾಲ್ಕು ಗಂಟೆಯಿಂದ ಆರು ಗಂಟೆಯೊಳಗೆ ಕಾಮ ನನ್ನು ದಹಿಸಲಾಗುತ್ತದೆ, ನಂತರ ಸಂಜೆ ಏಳು ಗಂಟೆಗೆ ರತಿ ಯನ್ನು ಮೆರವಣಿಗೆ ಮಾಡಲಾಗುತ್ತದೆ.

ಮಾರನೆ ದಿನ ಅಂದರೆ ಇಪ್ಪತ್ತೊಂದನೇ ತಾರೀಖಿನ ಹೋಳಿ ಹುಣ್ಣಿಮೆಯ ದಿನ ಬೆಳಿಗ್ಗೆ ಹತ್ತು ಗಂಟೆಗೆ ರತಿ ಮನ್ಮಥ ರ ಮೆರವಣಿಗೆಯನ್ನು ದೇವಾಲಯದ ಸನ್ನಿಧಿಯಿಂದ ಡೂಮ್ ಲೈಟ್ ಸರ್ಕಲ್, ಮಂಡಿಪೇಟೆ, ಮದೀನಚೌಕ, ಎಂಜಿ ರಸ್ತೆ, ಕೋಟೆ, ಕಾಳಮ್ಮ ಮತ್ತು ಮಾರಮ್ಮ ದೇವಾಲಯದ ಮುಂಭಾಗದ ಮೂಲಕ ಕರಬಲ ಮೈದಾನ, ಜೆಸಿ ರಸ್ತೆ ಮೂಲಕ ಹಾದು ಮತ್ತೆ ಎಂಜಿ ರಸ್ತೆಗೆ ಬಂದು ದೇವಾಲಯದಲ್ಲಿ ಅಂತ್ಯಗೊಳಿಸಲಾಗುತ್ತದೆ.

ಕೊನೆಯ ದಿನ ಅಂದರೆ ೦೧/೦೪/೨೦೧೯ ರ ಸೋಮವಾರ ತಂಪು ಆಚರಿಸುವ ಮೂಲಕ ವಿದ್ಯುಕ್ತವಾಗಿ ತೆರೆ ಎಳೆಯಲಾಗುತ್ತದೆ.

ಗುರುವಾರ ಬೆಳಿಗ್ಗೆಯಿಂದಲೇ ಎಲ್ಲರೂ ಒಗ್ಗೂಡಿ ಬಣ್ಣ ಹಚ್ಚಿ ಹೋಳಿ ಆಚರಿಸುತ್ತಾರೆ, ವಿಶೇಷ ವೆಂದರೆ ಮಂಡಿಪೇಟೆ ಸುತ್ತಲೂ ಮುಸ್ಲಿಂ ಜನಾಂಗದವರು ಇದ್ದು ಆಸಕ್ತ ಹಿರಿಯ ಮುಖಂಡರು ಮತ್ತು ಯುವಕರು ಪಾಲ್ಗೊಂಡು ಹೋಳಿ ಆಚರಿಸುವುದು ಸೌಹಾರ್ದತೆಯ ಸಂಕೇತವಾಗಿದೆ.

ಕಾಮ ನ ತಲೆ ಗೆ ಮಾತ್ರ ಹಬ್ಬದಲ್ಲಷ್ಟೇ ಅಲ್ಲದೆ ಪ್ರತಿ ಅಮವಾಸ್ಯೆ ಮತ್ತು ಹುಣ್ಣಿಮೆಯ ದಿನ ಪಂಡಿತ ವಿಜಯೇಂದ್ರ ರವರ ಮನೆಯಲ್ಲಿ ವಿಶೇಷ ಪೂಜೆ ಮಾಡಲಾಗುತ್ತದೆ.

ಗೋ ರಾ ಶ್ರೀನಿವಾಸ...

ಮೊ:9845856139.