ಮತದಾನದ ಗುರುತಿನ ಚೀಟಿ ಹೊಂದಿದ್ದು ಮತದಾರರ ಪಟ್ಟಿಯಲ್ಲಿ ಹೆಸರು ಇಲ್ಲದಿದ್ದರೆ ಆ ಮತದಾರನಿಗೆ ಮತ ಚಲಾಯಿಸಲು ಕಾನೂನಿನಲ್ಲಿ ಅವಕಾಶ ಇಲ್ಲ ಇದನ್ನು ಈಗಲೇ ಪರಿಶೀಲಿಸಿಕೊಳ್ಳಬೇಕೆಂದು ಸಹಾಯಕ ಚುನಾವಣಾಧಿಕಾರಿ ಡಾ.ಯತೀಶ್ ಉಲ್ಲಾಳ ತಿಳಿಸಿದರು.

ಅವರು ಇಂದು ತಾಲ್ಲೂಕು ಕಛೇರಿಯ ಸಭಾಂಗಣದಲ್ಲಿ ಕರೆದಿದ್ದ ಮಾಧ್ಯಮ, ಅಧಿಕಾರಿಗಳು ಹಾಗೂ ರಾಜಕೀಯ ಮುಖಂಡರಿಗೆ ಮಾಹಿತಿ ನೀಡಿ,

ಈಗಾಗಲೇ ಮತದಾನ ಮಾಡಲು ಮತದಾರರ ಹೆಸರನ್ನು ಸೇರ್ಪಡಿಸುವ ದಿನಾಂಕ ಮುಗಿದಿದ್ದು ಮುಂದಿನ ಚುನಾವಣೆಗಾಗಿ ಮಾತ್ರ ಸೇರಿಸಿಕೊಳ್ಳಲು ಅವಕಾಶವಿರುತ್ತದೆ ಎಂದರು.

ನಾಮಪತ್ರ ಸಲ್ಲಿಸಲು ಈ ತಿಂಗಳ ೨೬ರ ತನಕ ಅವಕಾಶವಿದ್ದು ರಜಾದಿನ ಹೊರತು ಪಡಿಸಿ ಬೆಳ್ಳಿಗ್ಗೆ ೧೧ ರಿಂದ ಮದ್ಯಾನ್ನ ೩ ಗಂಟೆಯವರೆಗೆ ನಾಮ ಪತ್ರ ಸಲ್ಲಿಸ ಬಹುದಾಗಿದೆ. ನಾಮಪತ್ರವನ್ನು ಉಮೇದುವಾರರು ಅಥವಾ ಸೂಚಕರು ಚುನಾವಣಾಧಿಕಾರಿ ಅಥವಾ ಅಪರ ಜಿಲ್ಲಾಧಿಕಾರಿಯವರಕಛೇರಿಯಲ್ಲಿ ಪಡೆದು ಕೊಳ್ಳಬಹುದು.

೨೭ನೇ ತಾರೀಖು ನಾಮಪತ್ರ ಪರಿಶೀಲನೆಗೊಂಡು ೨೯ರಂದು ಹಿಂತೆಗೆದುಕೊಳ್ಳುವ ಪ್ರಕ್ರಿಯೆ ಇದ್ದು ೧೮-೦೪-೨೦೧೯ ರಂದು ಬೆಳಿಗ್ಗೆ ೭ ಗಂಟೆಯಿಂದ ಸಂಜೆ ೬ ಗಂಟೆಯ ವರೆಗೆ ಮತದಾನ ನಡೆಯಲಿದೆ.

೨೩-೦೫-೨೦೧೯ರಂದು ಎಣಿಕೆ ನಡೆದು ಲೋಕಸಭಾ ಅಭ್ಯರ್ಥಿಯಾರೆಂದು ಗೊತ್ತಾಗಲಿದೆ.

ಬೆಂಗಳೂರು ಗ್ರಾ.ಲೋಕಸಭಾ ಕ್ಷೇತ್ರಕ್ಕೆ ಸಂಬಂಧಿಸಿದಂತೆ ಚನ್ನಪಟ್ಟಣ ವಿಧಾನಸಭಾ ಕ್ಷೇತ್ರದಲ್ಲಿ ಒಟ್ಟು ೨೬೬ ಮತಗಟ್ಟೆಗಳು ಇದ್ದು ೧,೦೬,೦೮೬ ಪುರುಷ ಮತದಾರರು ಇದ್ದು ೧,೦೯,೯೭೫ ಮಹಿಳಾ ಮತದಾರರು ಹಾಗೂ ಇತರೆ ೪ ಮತದಾರರು ಇದ್ದು ಒಟ್ಟು ೨,೧೬,೦೬೫ ಮತದಾರರು ಇದ್ದಾರೆ.

ಹೊಂಗನೂರಿನ ೧೮೩ ಸಂಖ್ಯೆಯ ಮತಗಟ್ಟೆಯನ್ನು ಮಾದರಿ ಮತಗಟ್ಟೆ ಕೇಂದ್ರವಾಗಿ ಗುರುತಿಸಲಾಗಿದೆ. ನಗರಸಭೆಯ ೪ ಮತ ಕೇಂದ್ರಗಳನ್ನು ಸಖಿ ಮತಕೇಂದ್ರಗಳಾಗಿ ಗುರುತಿಸಿದೆ. ೫೩ ಸೂಕ್ಷ್ಮ ಮತಕೇಂದ್ರಗಳೆಂದು ಗುರುತಿಸಿದೆ.

ಕ್ಷೇತ್ರಕ್ಕೆ ಸಂಬಂಧಿಸಿದಂತೆ ೩ಕಡೆ ಚೆಕ್‌ಪೋಸ್ಟ್ಗಳನ್ನು ನಿರ್ಮಿಸಲಾಗಿದೆ.

ಗಣತಂತ್ರ ನೆನಪಿಗಾಗಿ ೧೯೫೦  ತಂತ್ರಾಂಶದಲ್ಲಿ ಆನ್‌ಲೈನ್ ವ್ಯವಸ್ಥೆ ಮಾಡಲಾಗಿದ್ದು ಅದರಲ್ಲಿ ದೂರುಗಳನ್ನು ದಾಖಲು ಮಾಡಬಹುದು.

ಸಿವಿಜಿಲ್ (cVIGIL) ಎನ್ನುವ ಆ್ಯಪ್ ಬಿಡುಗಡೆ ಮಾಡಿದ್ದು ಆಂಡ್ರಾಯ್ಡ್ ಮೊಬೈಲ್ ಹೊಂದಿರುವವರು ಅಕ್ರಮ ಹಾಗೂ ನೀತಿ ಸಂಹಿತೆಗೆ  ಸಂಬಂದಪಟ್ಟಂತೆ ಫೋಟೊ ತೆಗೆದು ಕಳುಹಿಸಿದರೆ ೧೦೦ ನಿಮಿಷಗಳಲ್ಲಿ ಕ್ರಮ ಕೈಗೊಳ್ಳಲಾಗುತ್ತದೆ ಎಂದು ತಿಳಿಸಿದರು.

ಈ ಚುನಾವಣೆ ಜನರ ಚುನಾವಣೆಯಾಗಿದ್ದು ಚುನಾವಣೆಯ ಸಿಬ್ಬಂದಿ ಜೊತೆ ಸಹಕಾರ ಮಾಡಿದರೆ ಆದಷ್ಟು ಸುಲಲಿತವಾಗಿ ಚುನಾವಣೆಯನ್ನು ನಡೆಸ ಬಹುದಾಗಿದೆ. ಚುನಾವಣಾ ಆಯೋಗವು ಈವರೆಗಿನ ಅನುಭವದ ಆಧಾರದ ಮೇಲೆ ತನ್ನದೇ ಆದ ರೀತಿಯಲ್ಲಿ ಎಲ್ಲಾ ಮುನ್ನೆಚ್ಚರಿಕೆಗಳನ್ನು ಸಹ ವಹಿಸುತ್ತಿದೆ. ಈ ಎಚ್ಚರಿಕೆಯನ್ನು ಅಭ್ಯರ್ಥಿಗಳು ಆಗುವವರು ಸಹ ಬಹಳ ಸೂಕ್ಷ್ಮವಾಗಿ ಗಮನಿಸಿಕೊಂಡು ನಿಗಾವಹಿಸುವ ಕೆಲಸವನ್ನು ಮಾಡಬೇಕಾಗಿದೆ,

ಜಾಗೃತಿ ಮೂಡಿಸುವ ಹಿನ್ನೆಲೆಯಲ್ಲಿ ಇಷ್ಟೊಂದು  ಮುತುವರ್ಜಿ ವಹಿಸಲಾಗಿದೆ ಎಂದು ತಿಳಿಸಿದರು.

ಪತ್ರಿಕಾಗೋಷ್ಟಿಯಲ್ಲಿ ತಹಶಿಲ್ದಾರ್ ಶಿವಕುಮಾರ್, ತಾಲ್ಲೂಕು ಪಂಚಾಯತ್ ಕಾರ್ಯನಿರ್ವಹಣಾಧಿಕಾರಿ ರಾಮಕೃಷ್ಣ, ನಗರಸಭೆ ಆಯುಕ್ತ ಸಿ.ಪುಟ್ಟಸ್ವಾಮಿ,ಸರ್ಕಲ್ ಇನ್‌ಸ್ಪೆಕ್ಟರ್ ಸತೀಶ್ ,ಎಲ್ಲಾ ಠಾಣೆಗಳ ಸಬ್ ಇನ್‌ಸ್ಪೆಕ್ಟರ್‌ಗಳು ಚುನಾವಣೆಗೆ ಸಂಬಂಧಿಸದಿ ಅಧಿಕಾರಿ ವರ್ಗ ಹಾಗೂ ರಾಜಕೀಯ ಮುಂಖಡರು ಭಾಗವಹಿಸಿದ್ದರು.

ಗೋ ರಾ ಶ್ರೀನಿವಾಸ...

ಮೊ:9845856139.