ಸಂವಿಧಾನದ ಆಶಯ ಉಳಿಸಿ ಬಿಇಓ ಸೀತಾರಾಮು

Posted date: 26 Mar, 2019

ಡಾ ಬಾಬಾ ಸಾಹೇಬ್ ಅಂಬೇಡ್ಕರ್ ರವರ ನೇತೃತ್ವದಲ್ಲಿ ರಚನೆಯಾದ ಸಂವಿಧಾನದಲ್ಲಿ ನಮ್ಮೆಲ್ಲರಿಗೂ ನೀಡಿರುವ ಮಹತ್ವಾಕಾಂಕ್ಷೆಯ ಹಕ್ಕು ಮತದಾನದ ಹಕ್ಕು, ಈ ಹಕ್ಕು ಚಲಾವಣೆ ಆಗಬೇಕೆಂದರೆ ಪ್ರತಿ ನಾಗರೀಕರು ಮತ ಹಾಕಬೇಕು, ಆಗಲೇ ಸಂವಿಧಾನವೂ ನಮಗೆ ನೀಡಿರುವ ಹಕ್ಕುಗಳಿಗೆ ಒಂದು ಬೆಲೆ ಬರುತ್ತದೆ ಎಂದು ತಾಲ್ಲೂಕಿನ ಕ್ಷೇತ್ರ ಶಿಕ್ಷಣಾಧಿಕಾರಿ ಆರ್ ಎಸ್ ಸೀತಾರಾಮು ತಿಳಿಸಿದರು.

ನಮ್ಮ ಒಂದು ಮತದಿಂದ ಏನಾಗಿ ಬಿಡುತ್ತೆ ಎಂಬ ಉದಾಸೀನ ಮಾಡದೆ ಪ್ರತಿ ಮತವೂ ಮುಖ್ಯ ಎಂದು ಭಾವಿಸಿ ಮತದಾನ ಮಾಡಿರಿ, ನಿರಾಸಕ್ತಿ ಹೊಂದಿದವರಿಗೂ ಸಂವಿಧಾನ ನಮಗೆ ನೀಡಿರುವ ಅಸ್ತ್ರ ದ ಮಾಹಿತಿ ನೀಡಿ ಮತ ಚಲಾಯಿಸುವಂತೆ ಪ್ರೇರೇಪಿಸಬೇಕು ಎಂದು ಕರೆ ನೀಡಿದರು.

ಮತದಾನ ಜಾಗೃತಿಗಾಗಿ ಇಂದು ಹಮ್ಮಿಕೊಂಡಿದ್ದ ಶಿಕ್ಷಕರ ಬೈಕ್ ರಾ ್ಯಲಿಗೆ ಚಾಲನೆ ನೀಡಿ ಮಾತನಾಡಿದ ತಾಲ್ಲೂಕು ಪಂಚಾಯತ ಕಾರ್ಯನಿರ್ವಹಣ ಅಧಿಕಾರಿ ರಾಮಕೃಷ್ಣ ಮಾತನಾಡಿ ಮತದಾನ ಎನ್ನುವುದು ಕೇವಲ ನಮ್ಮ ಹಕ್ಕು ಎಂದಷ್ಟೇ ಭಾವಿಸದೇ ದೇಶದ ಅಭಿವೃದ್ಧಿಗಾಗಿ ಉತ್ತಮರನ್ನು ಆಯ್ಕೆ ಮಾಡುವ ಮೂಲಕ ನಮ್ಮ ಪಾಲು ಇದೆ ಎಂಬುದನ್ನು ಅರಿಯಬೇಕು, ಒಂದು ಮತದಿಂದ ಏನೆಲ್ಲಾ ಆಗಬಹುದು ಎಂಬುದು ತಮ್ಮೆಲ್ಲರಿಗೂ ತಿಳಿದಿದೆ, ಹೊಸದಾಗಿ ಮತ ಚಲಾಯಿಸುವ ಮಂದಿಯೂ ಸಹ ಉತ್ಸಾಹದಿಂದ ಮತದಾನ ಮಾಡುವುದರ ಜೊತೆಗೆ ನಿರಾಸಕ್ತಿ ಹೊಂದಿದ ಮತದಾರರನ್ನು ಮನವೊಲಿಸಿ ಮತ ಚಲಾಯಿಸುವ ಮೂಲಕ ಅತಿ ಹೆಚ್ಚು ಮತದಾನ ಆಗುವಲ್ಲಿ ಸಫಲರಾಗಬೇಕು ಎಂದು ತಿಳಿಸಿದರು.

ಕಾರ್ಯಕ್ರಮ ದಲ್ಲಿ ಚುನಾವಣಾ ನೋಡಲ್ ಅಧಿಕಾರಿ ಹರಿದಾಸ್, ದೈಹಿಕ ಪರೀವೀಕ್ಷಕ ನರಸಿಂಹಯ್ಯ, ಶಿಕ್ಷಣ ಸಂಯೋಜಕ ವಸಂತಕುಮಾರ್, ಸಿ ಆರ್ ಪಿ, ಟಿ ಪಿ ಓ ಮತ್ತು ಹಲವಾರು ಶಿಕ್ಷಕರು ನಗರದಾದ್ಯಂತ ಬೈಕ್ ರಾ ್ಯಲಿ ನಡೆಸುವ ಮೂಲಕ ಮತದಾನ ಜಾಗೃತಿ ಮೂಡಿಸಿದರು.

ಗೋ ರಾ ಶ್ರೀನಿವಾಸ...

ಮೊ:9845856139.