Tel: 7676775624 | Mail: info@yellowandred.in

Language: EN KAN

    Follow us :


ಕರ್ನಾಟಕ ರಾಜ್ಯ ರೈತ ಸಂಘ ಸಂಘ(ಗ)ಗಳಾಗಿದ್ದೆ ಸಾಧನೆಯೇ!?

Posted Date: 24 Dec, 2019

ಕರ್ನಾಟಕ ರಾಜ್ಯ ರೈತ ಸಂಘ ಸಂಘ(ಗ)ಗಳಾಗಿದ್ದೆ ಸಾಧನೆಯೇ!?

ಎಂಭತ್ತರ ದಶಕದ ಕರ್ನಾಟಕ ರಾಜ್ಯ ರೈತ ಸಂಘ ೨೦೧೦ ನೆಯ ಇಸವಿ ಹೊತ್ತಿಗೆ ಸಿಟಿಲೊಡೆದು, ೨೦೨೦ ನೆಯ ಇಸವಿಯ ಹೊತ್ತಿಗೆ ರೆಂಬೆಕೊಂಬೆಗಳಾಗಿ ಕೆಲ ಮುಂದಾಳುಗಳು ನಗರ ಸೇರಿ ವಿಧಾನಸೌಧದ ಒಳಹೊಕ್ಕು ತಮ್ಮ ಬೇಳೆ ಬೇಯಿಸಿಕೊಳ್ಳುತ್ತಿದ್ದರೆ, ಅವರ ಹಿಂಬಾಲಕರಾಗಿ ರೈತರ ಪರ, ಆಡಳಿತಶಾಹಿ ವಿರುದ್ದ ರಸ್ತೆಯಲ್ಲಿ ನಿಂತು ಗಂಟಲೊಣಗುವ ತನಕ ಕಿರುಚಾಡಿ ಮುಂದಾಳುಗಳು ಮತ್ತು ಆಡಳಿತಶಾಹಿ ಒಳ ಒಪ್ಪಂದದ ಮಾತಿನ ನಂತರ ಮುಂದಾಳುಗಳಿಗೆ ಜೈಕಾರ ಹಾಕಿ ಮನೆ ಸೇರುವ ಸ್ಥಳೀಯ ನೊಂದ ರೈತನ ಬದುಕು ಇಂದು ಮೂರಾಬಟ್ಟೆಯಾಗಿದೆ. ಇಂದಿನ ರೈತನ ಈ ಸ್ಥಿತಿಗೆ ಆಡಳಿತಶಾಹಿ ಜೊತೆಗೆ ಬಹುತೇಕ ರೈತ ಮುಖಂಡರೇ ನೇರ ಕಾರಣ ಎಂಬುದನ್ನು ಅಲ್ಲಗಳೆಯುವಂತಿಲ್ಲ.


ಮೊದಲನೆ ಕೂಲಿ, ಎರಡನೇ ಕೂಲಿ ಎಂದು ಪ್ರೊಫೆಸರ್ ನಂಜುಂಡಸ್ವಾಮಿ ಯವರು ಕರೆಯುತ್ತಿದ್ದ ಡಿಸಿ, ಎಸಿ, ಶಿರಸ್ತೇದಾರರು ಅಂದು‌ ಗಡಗಡ ನಡುಗುವುಂತೆ ಮಾಡಿದ ಧೀರೋದಾತ್ತರು. ಆದರಿಂದು ಇದೇ ರೈತರನ್ನು ಇದೇ ಅಧಿಕಾರಿಗಳು ನಿಕೃಷ್ಟವಾಗಿ ನಡೆಸಿಕೊಳ್ಳುತ್ತಿದ್ದಾರೆ ! ಇದಕ್ಕೆಲ್ಲಾ ಸಂಘಟನೆಯನ್ನು ಒಡೆದ ರಾಜಕಾರಣಿಗಳು ಕಾರಣವೋ ? ಅವರ ಮಾತು ಕೇಳಿ ನನಗೊಂದು ಅವನಿಗೊಂದು ಎಂದಲ್ಲದೆ ರಾಜ್ಯ ಹೋಗಿ ದೇವಿ ಯ ಹೆಸರಿನಲ್ಲೂ ಸಹ ಸಂಘ ಕಟ್ಟಿಕೊಂಡ ರೈತ ಮುಂದಾಳುಗಳು ಕಾರಣವೋ ? ಅಥವಾ ಸಂಪೂರ್ಣ ವ್ಯಾಪಾರಿಕರಣವಾಗಿರುವ ಇಲಾಖೆಗಳೋ ? ಎಂಬುದಕ್ಕೆ ಉತ್ತರ ಯಾವ ರೈತ ಮುಖಂಡನಲ್ಲೂ ಇಲ್ಲದಿರುವುದನ್ನು ಇಂದು ಕಾಣಬಹುದಾಗಿದೆ.


ಕ್ರಮವಾಗಿ ಒಂದು, ಎರಡು ಮತ್ತು ಮೂರನೇ ಹಂತದ ನಾಯಕರೂ ಸಹ ಅಧಿಕಾರ, ಪದವಿ ಮತ್ತು ಹಣದಾಸೆಗೆ ಬಲಿಯಾದವರೇ ಇದ್ದಾರೆ, ಎಲ್ಲೋ‌ ಬೆರಳೆಣಿಕೆಯಷ್ಟು ಮಂದಿ ರೈತ ಮುಖಂಡರು ಸಂಘಟನೆಯಿಂದ ದೂರ ಉಳಿದು ಸಮಾಜೋದ್ದರಕ್ಕಾಗಿ ಕೆಲಸ ನಿರ್ವಹಿಸುತ್ತಿದ್ದರೆ, ಸಂಘದೊಳಗೆ ಇದ್ದುಕೊಂಡು ಕೆಲ ಮಂದಿ ರೈತ ಪರ ಮಿಡಿಯುತ್ತಿರುವುದು ಸುಳ್ಳಲ್ಲ, ಆದರೆ ಅವರ ಸಂಖ್ಯೆ ಮಾತ್ರ ಎರಡಂಕಿ‌ ದಾಟದಿರುವುದು ಸಾಮಾನ್ಯ ರೈತನ ದುರಾದೃಷ್ಟವೇ ಸರಿ.


ನಾಲ್ಕು ದಶಕಗಳಿಂದ ರೈತ ಸಂಘಟನೆ ಗಳು ಇವೆಯಾದರೂ ಎರಡು ದಶಕದಲ್ಲಿ ಆದಂತಹ ರೈತರ ಕೆಲಸ ಮತ್ತೆರಡು ದಶಕದಲ್ಲಿ ಆಗಲೇ ಇಲ್ಲಾ, ರಾಜ್ಯದಾದ್ಯಂತ ತಾಲ್ಲೂಕಿನಲ್ಲಿ ಬೇಡ ಜಿಲ್ಲೆಗೊಂದರಂತೆ ರೈತ ಭವನ ಇಲ್ಲಾ, ಎಪಿಎಂಸಿ ಯಲ್ಲಿ ಬಿಳಿ ಚೀಟಿ ದಂಧೆ ನಿಲ್ಲಲಿಲ್ಲಾ, ಲಾಲ್ ಬಾಗ್ ನಲ್ಲಿ ನ್ಯಾಯ ದೊರೆಯಲಿಲ್ಲ, ವೈಜ್ಞಾನಿಕ ಬೆಳೆ ಪರಿಕಲ್ಪನೆ ಸಾಧ್ಯವಾಗಲೇ ಇಲ್ಲ ಮತ್ತು ಅದಕ್ಕೆ ಬೆಲೆಯ ಮಾತೇ ಇಲ್ಲಾ, ಕೃಷಿ ವಿಶ್ವ ವಿದ್ಯಾಲಯಗಳು ಹೆಸರಿಗಷ್ಟೇ ಸೀಮೀತವಾಗಿ, ಹೊಸ ತಳಿಗಷ್ಟೇ ಸೀಮೀತವಾದರೆ, ಆ ತಳಿಗಳ ಬೆಳೆಗೆ ಮಾರುಕಟ್ಟೆಯನ್ನು ಒದಗಿಸಿ ರೈತನ ಹಿತ ಕಾಪಾಡಲೇ ಇಲ್ಲಾ ಬಹಳ ಮುಖ್ಯವಾಗಿ ದೇಶದ ಬೆನ್ನೆಲುಬಿಗೆ ಕೃಷಿ ಸಂವಿಧಾನವೇ ಇಲ್ಲದಿರುವುದು ಅನ್ನದಾತನ ದುರ್ದೈವವೇ ಸರಿ ಎಂದು ಹಲುಬಿಕೊಳ್ಳುವ ಸಂದರ್ಭ ಇದಾಗಿದೆ. ಇಂದಿಗೂ ಕೃಷಿಯನ್ನೇ ನಂಬಿಕೊಂಡು ಆತ್ಮಹತ್ಯೆ ಯೊಂದೇ ದಾರಿ ಎಂಬುದನ್ನು ಯೋಚಿಸುವ ಮಟ್ಟಿಗೆ ಕರೆದುಕೊಂಡು ಹೋಗಿರುವ ಸಂಘಟನೆ ಮತ್ತು ರಾಜಕಾರಣಿಗಳು ಒಂದೇ ನಾಣ್ಯದ ಎರಡು ಮುಖಗಳು.


ರಸ್ತೆಯಲ್ಲಿ ಧಿಕ್ಕಾರ ಕೂಗುವ ರೈತ ದಿನದ ಒಪ್ಪೊತ್ತೂಟಕ್ಕೆ ಬಡಿದಾಡಿದರೆ, ಮುಂದಾಳತ್ವ ವಹಿಸಿದ ನಾಯಕರು ರಾಜಧಾನಿಯಲ್ಲಿ ಬೃಹತ್ ಬಂಗಲೆಗಳಲ್ಲಿ ಸ್ವಂತ ಬೆಂಗಾವಲು ಪಡೆಯೊಂದಿಗೆ ರಾರಾಜಿಸುತ್ತಿದ್ದಾರೆ. ವೇದಿಕೆಯಲ್ಲಿ ರೈತಪರ, ಆಡಳಿತದ ವಿರುದ್ಧ ಮಾರುದ್ದ ಭಾಷಣಕಷ್ಟೇ ಸೀಮೀತವಾಗಿದ್ದು ಅವರಿಗೆ ಆರ್ಥಿಕತೆ ಕಡಿಮೆಯಾದಾಗ ಮಾತ್ರ ಸ್ಥಳೀಯ ರೈತ ಮುಖಂಡರು ಮತ್ತು ಕಾರ್ಯಕರ್ತರು ನೆನಪಿಗೆ ಬರುತ್ತಾರೆ, ಮತ್ತದೇ ರಸ್ತೆ ತಡೆ, ಧಿಕ್ಕಾರ, ಮನವಿ ನಂತರ ಮಧ್ಯಸ್ಥಿಕೆ ? ಮುಂದೆ ಯಥಾಸ್ಥಿತಿ. ತಳಮಟ್ಟದ ನಿಜವಾದ ಭೂ ಉಳುಮೆಯ ರೈತ ಮತ್ತು ಕಾರ್ಯಕರ್ತ ಇವರಿಬ್ಬರೂ ಆಡಳಿತ ಮತ್ತು ನಾಯಕರ ವಿರುದ್ದ ಸೆಟೆದು ನಿಲ್ಲುವ ತನಕ ರೈತರ ಪಾಡು ನಾಯಿ ಪಾಡು ಎಂದರೆ ತಪ್ಪಾಗಲಾರದು.


ಜನಪ್ರತಿನಿಧಿ ಎನಿಸಿಕೊಂಡ ಮಹಾನುಭಾವರು ಪ್ರತಿ ಚುನಾವಣೆಯಲ್ಲೂ ರೈತನ ಏಳ್ಗೆಯೇ ನಮ್ಮ ಗುರಿ ಎನ್ನುತ್ತಾರೆ, ರೈತರ ಹಸಿರು ಶಾಲು ಹೊದ್ದು ಅವರ ಹೆಸರಿನ ಮೇಲೆ ಪ್ರಮಾಣಿಸಿ ಪ್ರತಿಜ್ಞೆ ಸ್ವೀಕರಿಸುತ್ತಾರೆ, ರೈತರಿಗಾಗಿಯೇ ಬಜೆಟ್ ಬಂದು‌ ಹೋಗಾಯಿತು, ರೈತ ನ ಕಷ್ಟಕ್ಕಾಗಿ ಅದೆಷ್ಟೋ ವೇದಿಕೆಗಳಲ್ಲಿ ಕಣ್ಣೀರ ಕೋಡಿ ಹರಿಯಿತೋ ! ಇವರಿಗೆಲ್ಲಾ ಕಲಶವಿಟ್ಟಂತೆ ಒಂದೊಂದು ಬಣದ ರೈತ ಸಂಘಟನೆ ಗಳು ಸಹ‌ ಒಂದೊಂದು ಪಕ್ಷಕ್ಕೆ ಬೆಂಬಲ ಸೂಚಿಸಿ ಬಂದಷ್ಟು ಬಾಚಿಕೊಂಡು ಇನ್ನೈವತ್ತೆಂಟು ತಿಂಗಳು ಸುಮ್ಮನಿದ್ದು ಅವಕಾಶ ಮಾಡಿಕೊಂಡು ಚಳವಳಿ ಹೆಸರೇಳಿಕೊಂಡು ಜೀವನ ಸಾಗಿಸುತ್ತಿರುವುದು ಖೇದಕರ.


ಒಂದು ವಾರ ಸಂಬಳ ಕೊಡುವುದು ತಡವಾದರೆ ಯುಜಿಸಿ ವೇತನದಾರರು ಬೊಬ್ಬೆ ಹೊಡೆಯುತ್ತಾರೆ, ತಮಗಿಷ್ಟ ಬಂದಷ್ಟು ಸಂಬಳ ಮತ್ತು ಭತ್ಯೆಯನ್ನು ರಾಜಕಾರಣಿಗಳು ಕ್ಷಣಾರ್ಧದಲ್ಲಿ ಏರಿಸಿಕೊಳ್ಳುತ್ತಾರೆ, ಒಬ್ಬ ಅನ್ನದಾತ ಸರಿಯಾದ ಸಮಯಕ್ಕೆ ವಿದ್ಯುಚ್ಛಕ್ತಿ ಇಲ್ಲಾ ಎಂದೋ, ವರ್ಷಗಳುರುಳಿದರೂ ಖಾತೆ ಆಗಿಲ್ಲವೆಂದೋ, ಕಾಲುವೆ ಅಥವಾ ಕೆರೆ ತುಂಬಿಸಿಲ್ಲಾ ಎಂದೋ ಅಧಿಕಾರಿಯ ಜೊತೆ ವಾಗ್ವಾದಕ್ಕಿಳಿದರೆ ಸುಧಾರಣೆಯುಳ್ಳ ಜೀವನ ನಡೆಸುವ ಇವರೆಲ್ಲರೂ ಪ್ರತಿಭಟನೆಗೆ ಇಳಿಯುತ್ತಾರೆ. ವರ್ಷದಲ್ಲಿ ಒಮ್ಮೆ ಅಥವಾ ಎರಡು ಬಾರಿ ಅಸಲು ಪಡೆಯಲು ಸಾಲ ಮಾಡಿ ತಮ್ಮ ಜೀವನವನ್ನೇ ಮುಡುಪಾಗಿಟ್ಟ ರೈತನ ನೆರವಿಗೆ ಧಾವಿಸಿದ ಅವರ ಪರ ಪ್ರತಿಭಟಿಸಿ ನ್ಯಾಯ ದೊರಕಿಸಿಕೊಟ್ಟ ಯಾವುದೇ ಇಲಾಖೆಯಾಗಲಿ, ಜಾತಿಗೆ ಹತ್ತರಂತೆ ಇರುವ ವೇದಿಕೆಗಳಾಗಲಿ, ಸರ್ಕಾರಿ‌ ನೌಕರರಾಗಲಿ, ರಾಜಕೀಯ ಪಕ್ಷಗಳಾಗಲಿ ಇತಿಹಾಸದಲ್ಲಿ ಕಾಣಿಸುತ್ತಿಲ್ಲ. ಇವರೆಷ್ಟು ಸಂಬಳ ಎಣಿಸಿದರೂ ಎಣಿಸುವ ಶಕ್ತಿ ಬಂದದ್ದು ಇದೇ ಅನ್ನದಾತ ನೀಡುವ ಅನ್ನ ದಿಂದ ಎಂಬುದನ್ನು ಮರೆತ ಭ್ರಷ್ಟರಲ್ಲವೇ ಇವರು ?


ಏಳಿ ಎದ್ದೇಳಿ ರೈತ ಬಾಂಧವರೇ;

ಭಾರತ ಹಳ್ಳಿಗಳ ದೇಶ, ಭಾರತ ರೈತನ ಬೆನ್ನೆಲುಬು, ಮಹಾತ್ಮ ಗಾಂಧಿ ಯಿಂದ ನಮ್ಮ ಕುವೆಂಪು ರವರ ತನಕ ಮಾತ್ರ ರೈತರಿಗೊಂದು ಬೆಲೆ ಇತ್ತು, ಇಂದು ಜಗತ್ತಿನ ಇರುವೆ ಎಂಭತ್ತು ಕೋಟಿ ಜೀವರಾಶಿಗಳಿಗೆ ಅನ್ನ ನೀಡುವ ರೈತ ಬೇಡುವ ಸ್ಥಿತಿ ತಲುಪಿದ್ದಾನೆಂದರೆ ಮಹನೀಯರ ಆಶಯಗಳೆಲ್ಲವೂ ಮಣ್ಣು ಪಾಲಾದಂತೆಯೇ ಸರಿ. ಇನ್ನಾದರೂ ಎಚ್ಚೆತ್ತುಕೊಳ್ಳೋಣಾ, ಸರಿದಾರಿಯನ್ನು ಆಯ್ಕೆ ಮಾಡಿಕೊಳ್ಳೋಣಾ, ವೈಯುಕ್ತಿಕ ದುರಾಸೆಗಳನ್ನು ಬದಿಗೊತ್ತಿ ಎಲ್ಲರೂ ಒಂದಾಗಲು ಪ್ರಯತ್ನಿಸೋಣಾ, ದೇಶದಲ್ಲಿ ಹಸಿರು ಕ್ರಾಂತಿಗೆ ಚಾಲನೆ ನೀಡಿ ಜಡ್ಡುಗಟ್ಟಿದ ಆಡಳಿತಕ್ಕೆ ಚುರುಕು ಮುಟ್ಟಿಸಲು ತಯಾರಾಗೋಣಾ.


ರೈತ ದಿನಾಚರಣೆಯ ಈ ಸಂದರ್ಭದಲ್ಲಿ ಹಂಚಿಹೋಗಿರುವ ಸಂಘಟನೆಗಳು ಒಗ್ಗೂಡಲಿ ಎಂದು ಆಶೀಸೋಣವೇ !?


*ಗೋ ರಾ ಶ್ರೀನಿವಾಸ...*

*ಮೊ:9845856139.*

ಪ್ರತಿಕ್ರಿಯೆಗಳು

  • ನಿಮ್ಮ ಅಭಿಪ್ರಾಯ ತಿಳಿಸುವಲ್ಲಿ ನೀವು ಮೊದಲಿಗರಾಗಿ.

ನಿಮ್ಮ ಅಭಿಪ್ರಾಯಗಳನ್ನು ಬರೆಯಿರಿ/ತಿಳಿಸಿ.

Recent news in agriculture »

ಕರ್ನಾಟಕ ರಾಜ್ಯ ರೈತ ಸಂಘ ಸಂಘ(ಗ)ಗಳಾಗಿದ್ದೆ ಸಾಧನೆಯೇ!?
ಕರ್ನಾಟಕ ರಾಜ್ಯ ರೈತ ಸಂಘ ಸಂಘ(ಗ)ಗಳಾಗಿದ್ದೆ ಸಾಧನೆಯೇ!?

ಎಂಭತ್ತರ ದಶಕದ ಕರ್ನಾಟಕ ರಾಜ್ಯ ರೈತ ಸಂಘ ೨೦೧೦ ನೆಯ ಇಸವಿ ಹೊತ್ತಿಗೆ ಸಿಟಿಲೊಡೆದು, ೨೦೨೦ ನೆಯ ಇಸವಿಯ ಹೊತ್ತಿಗೆ ರೆಂಬೆಕೊಂಬೆಗಳಾಗಿ ಕೆಲ ಮುಂದಾಳುಗಳು ನಗರ ಸೇರಿ ವಿಧಾನಸೌಧದ ಒಳಹೊಕ್ಕು ತಮ್ಮ ಬೇಳೆ ಬೇಯ

ಅನಾವೃಷ್ಠಿಯಿಂದ ಪಾರಾದ ರಾಗಿ ಬೆಳೆ ಅತಿವೃಷ್ಟಿಗೆ ಬಲಿಯಾಗುವತ್ತ
ಅನಾವೃಷ್ಠಿಯಿಂದ ಪಾರಾದ ರಾಗಿ ಬೆಳೆ ಅತಿವೃಷ್ಟಿಗೆ ಬಲಿಯಾಗುವತ್ತ

ಚನ್ನಪಟ್ಟಣ: ತಾಲ್ಲೂಕಿನಾದ್ಯಂತ ಈ ಬಾರಿ ರಾಗಿ ಬೆಳೆಯು ಹುಲುಸಾಗಿ ಬೆಳೆದಿದ್ದು ರೈತನ ಮೊಗದಲ್ಲಿ ಮಂದಹಾಸ ಮಿನುಗುತ್ತಿತ್ತು.

ಆದರ

ಬಂಪರ್ ಬೆಳೆಯತ್ತ ರಾಗಿ ರೈತನ ಮೊಗದಲ್ಲಿ ಮಂದಹಾಸ
ಬಂಪರ್ ಬೆಳೆಯತ್ತ ರಾಗಿ ರೈತನ ಮೊಗದಲ್ಲಿ ಮಂದಹಾಸ

ಚನ್ನಪಟ್ಟಣ: ಈ ಬಾರಿ ಕಾಲಕಾಲಕ್ಕೆ ಸರಿಯಾಗಿ ಬಿದ್ದ ಮಳೆಯಿಂದಾಗಿ ಜಿಲ್ಲಾದ್ಯಂತ ಬಿತ್ತಿರುವ ರಾಗಿ ಚನ್ನಾಗಿ ಬೆಳೆದಿದ್ದು ರೈತರ ಮೊಗದಲ್ಲಿ ಸಂತಸ ಎದ್ದು ಕಾಣ

ಕೆಂಪು (ರಕ್ತ) ಹುಣಸೆ ಗಾಬರಿಯಾಗಬೇಕಿಲ್ಲ. ಆಯುರ್ವೇದದಲ್ಲಿ ಇದರ ಮಹತ್ವ ಅಪಾರ*
ಕೆಂಪು (ರಕ್ತ) ಹುಣಸೆ ಗಾಬರಿಯಾಗಬೇಕಿಲ್ಲ. ಆಯುರ್ವೇದದಲ್ಲಿ ಇದರ ಮಹತ್ವ ಅಪಾರ*

ಚನ್ನಪಟ್ಟಣ: ತಾಲ್ಲೂಕಿನ ಬ್ರಹ್ಮಣೀಪುರ ದಾಖಲೆಯ ಎನ್ ಆರ್ ಕಾಲೋನಿಯ ತೋಟವೊಂದರ ಹುಣಸೆ ಮರದಲ್ಲಿ ಬಿಟ್ಟಿರುವ ಹುಣಸೆ ಕಾಯಿಯನ್ನು ಬಿಡಿಸಿದರೆ ರಕ್ರ

ತಾಲ್ಲೂಕಿನಲ್ಲಿ ಸಿರಿಧಾನ್ಯ ಬೆಳೆದು ಒಕ್ಕಣೆ ಮಾಡುತ್ತಿರುವ ಸಿರಿವಂತ ಯುವಕ ಯೋಗೇಶಗೌಡ
ತಾಲ್ಲೂಕಿನಲ್ಲಿ ಸಿರಿಧಾನ್ಯ ಬೆಳೆದು ಒಕ್ಕಣೆ ಮಾಡುತ್ತಿರುವ ಸಿರಿವಂತ ಯುವಕ ಯೋಗೇಶಗೌಡ

ಚನ್ನಪಟ್ಟಣ: ಸಿರಿಧಾನ್ಯ ಎಂದರೆ ಇತ್ತೀಚಿನವರೆಗೂ ಮೂಗು‌ ಮುರಿಯುತ್ತಿದ್ದ ಜನರು ಸಿರಿಧಾನ್ಯ ಕ್ಕೆ ಮುಗಿ ಬೀಳುತ್ತಿರುವುದು ಕಂಡು ಬರುತ್ತಿದೆ. ಅಂದು ಬ

ಹೈನೋದ್ಯಮವನ್ನು ಹತ್ತಿಕ್ಕುವ ಕೆಲಸ ಕೈಬಿಡಬೇಕು ಕಕಜವೇ ರಮೇಶ್ ಗೌಡ
ಹೈನೋದ್ಯಮವನ್ನು ಹತ್ತಿಕ್ಕುವ ಕೆಲಸ ಕೈಬಿಡಬೇಕು ಕಕಜವೇ ರಮೇಶ್ ಗೌಡ

ಚನ್ನಪಟ್ಟಣ: ರಾಜ್ಯದಲ್ಲಿ ಹೈನುಗಾರಿಕೆಯನ್ನೇ ನಂಬಿಕೊಂಡಿರುವ ಲಕ್ಷಾಂತರ ಕುಟುಂಬಗಳಿದ್ದು ಹಾಲು ಮತ್ತು ಅದರ ಉಪ ಉತ್ಪನ್ನಗಳಲ್ಲಿಯೂ ದೇಶ ಮುಂಚೂಣಿ

ರೈತರ ಏಳ್ಗೇಗಾಗಿ‌ ಕೃಷಿ ಅಭಿಯಾನ ಕೆವಿಕೆ ಯ ಪ್ರೀತು
ರೈತರ ಏಳ್ಗೇಗಾಗಿ‌ ಕೃಷಿ ಅಭಿಯಾನ ಕೆವಿಕೆ ಯ ಪ್ರೀತು

ಚನ್ನಪಟ್ಟಣ: ರೈತ ಬೆಳೆಯುವ ಎಲ್ಲಾ ಬೆಳೆಗೂ ಕೃಷಿ ಇಲಾಖೆಯ ಸಹಾಯ ಮತ್ತು ಮಾಹಿತಿ ಪಡೆದು ವ್ಯವಸಾಯ ಮಾಡಿದರೆ ರೈತನ ಬದುಕು ಉಜ್ವಲವಾಗುತ್ತದೆ, ರೈತರ

ಸರ್ಕಾರದ ಯೋಜನೆಯನ್ನು ರೈತರು ಸದುಪಯೋಗಪಡಿಸಿಕೊಳ್ಳಬೇಕು ಹರೂರು ರಾಜಣ್ಣ
ಸರ್ಕಾರದ ಯೋಜನೆಯನ್ನು ರೈತರು ಸದುಪಯೋಗಪಡಿಸಿಕೊಳ್ಳಬೇಕು ಹರೂರು ರಾಜಣ್ಣ

ಚನ್ನಪಟ್ಟಣ: ತಾಲ್ಲೂಕಿನಲ್ಲಿ ಸಮಯಕ್ಕೆ ಸರಿಯಾಗಿ ಮಳೆ ಬಾರದ ಕಾರಣ ಹಲವಾರು ರೈತರು ಬಿತ್ತನೆ ಮಾಡಲಾಗಿಲ್ಲ, ತಡವಾಗಿ ಬಂದ ಅಲ್ಪ ಮಳೆ ನೆಚ್ಚಿಕೊಂಡು

ತಾಲ್ಲೂಕಿನಲ್ಲಿ ಚುರುಕಾದ ಬಿತ್ತನೆ ಕಾರ್ಯ
ತಾಲ್ಲೂಕಿನಲ್ಲಿ ಚುರುಕಾದ ಬಿತ್ತನೆ ಕಾರ್ಯ

ಚನ್ನಪಟ್ಟಣ: ಮುಂಗಾರು ಮಳೆ ಕೈಕೊಟ್ಟ ಹಾಗೂ ತಡವಾಗಿ ಆಗಮಿಸಿದ ಕಾರಣ ಸರಿಯಾದ ಸಮಯದಲ್ಲಿ ಬಿತ್ತನೆ ಮಾಡಲಾಗದೇ ಕಂಗಲಾಗಿದ್ದ ರೈತ, ತಡವಾಗಿ ಆಗಮಿಸಿರುವ ಮ

ರೈತನ ಗೋಳು ಕೇಳೋರ್ ಯಾರು ?
ರೈತನ ಗೋಳು ಕೇಳೋರ್ ಯಾರು ?

ಒಂದು ಕಂತೆ ಕೊತ್ತಂಬರಿ ಮತ್ತು ಸಪ್ಪಸೀಗೆ ಸೊಪ್ಪಿಗೆ ಕೇವಲ ಐದು ರೂಪಾಯಿಗಳು, ಆಟೋದಲ್ಲಿ ಮಾರುತ್ತಿರುವ ವ್ಯಕ್ತಿ ವ್ತಾಪಾರಸ್ಥ, ಸೊಪ್ಪು ತಂದಿರುವುದು ಮಂಡ್ಯ ಮಾರ್ಕೆಟ್ ನಿಂದ, ಮಂಡ್ಯದಿಂದ ಆಟೋದಲ್ಲಿ ತ

Top Stories »  


Top ↑