ಚನ್ನಪಟ್ಟಣ: ತುಮಕೂರು ನಗರದ ಎ ಎನ್ ಕೆ ಅಕಾಡೆಮಿ ಯವರು ನಡೆಸಿದ ಮಾಡೆಲಿಂಗ್ ಷೋ ನಲ್ಲಿ ಮಿಸ್ ತುಮಕೂರು ಆಗಿ ನಗರದ ಕೆಂಪೇಗೌಡ ಬಡಾವಣೆಯ ನಿವಾಸಿಗಳಾದ ಅನ್ನಪೂರ್ಣ ಆನಂದ್ ರವರ ಸುಪುತ್ರಿ ಶ್ರಾವ್ಯ ಎ ರವರು ಆಯ್ಕೆಯಾಗಿದ್ದಾರೆ. ಶ್ರಾವ್ಯ ಎ ರವರು ಚನ್ನಪಟ್ಟಣ ನಗರದ ಚನ್ನಾಂಬಿಕಾ ಕಾಲೇಜಿನಲ್ಲಿ ದ್ವಿತೀಯ ಪಿಯುಸಿ ವ್ಯಾಸಂಗ ಮಾಡುತ್ತಿದ್ದು ಮಾಡೆಲಿಂಗ್ ನಲ್ಲಿ ಆಸಕ್ತಿ ಹೊಂದಿದ್ದರು.

ಪುತ್ರಿಯ ಆಸೆಯನ್ನು ಈಡೇರಿಸುವ ಸಲುವಾಗಿ ಪೋಷಕರು ಈ ಹಿಂದೆ ಬೆಂಗಳೂರಿನಲ್ಲಿ ನಡೆದ ಮಾಡೆಲಿಂಗ್ ಕಾರ್ಯಕ್ರಮದಲ್ಲಿಯೂ ಭಾಗವಹಿಸಲು ಅವಕಾಶ ನೀಡಿದ್ದರು. ನಂತರ ಅವಕಾಶಗಳಿಗಾಗಿ ಕಾದು ಕುಳಿತಿದ್ದ ಅವರಿಗೆ ತುಮಕೂರಿನ ಕವನ ಅಕ್ಷಯ್ ರವರು ನಡೆಸುವ ಎ ಎನ್ ಕೆ ಅಕಾಡೆಮಿ ಯ ಮಿಸ್ ತುಮಕೂರಿನಲ್ಲಿ ಭಾಗವಹಿಸುವ ಅವಕಾಶ ದೊರೆತಿದ್ದು, ಮೂರು ವಾರಗಳ ಕಾಲ ಪ್ರತಿ ಭಾನುವಾರ ತರಬೇತಿ ಪಡೆದುಕೊಂಡಿದ್ದರು.

೧೧/೦೬/೨೩ ರ ಭಾನುವಾರ ಹಲವಾರು ಮಾಡೆಲಿಂಗ್ ಅನುಭವ ಹೊಂದಿರುವ ಗಣ್ಯರ ಸಮ್ಮುಖದಲ್ಲಿ ಮಾಡೆಲಿಂಗ್ ಷೋ ಜರುಗಿದ್ದು, ಸಣ್ಣ ಮಕ್ಕಳದಿಂದ ಮೊದಲ್ಗೊಂಡು ಪದವಿ ವಿದ್ಯಾರ್ಥಿಗಳವರೆಗೂ ಐದು ವಿಭಾಗಗಳಲ್ಲಿ ಮಾಡೆಲಿಂಗ್ ಷೋ ಏರ್ಪಡಿಸಿದ್ದು, ಟೀನ್ ಟೀಂ ನಲ್ಲಿ ಶ್ರಾವ್ಯ ಎ ಭಾಗವಹಿಸಿದ್ದರು. ಒಟ್ಟು ಏಳು ಮಂದಿ ಭಾಗವಹಿಸಿದ್ದು ಅವರಲ್ಲಿ ಪ್ರಥಮ ಸ್ಥಾನವನ್ನು ಶ್ರಾವ್ಯ ಎ ರವರು ಪಡೆದುಕೊಂಡು ತಾಲ್ಲೂಕಿನ ಕೀರ್ತಿ ಹೆಚ್ಚಿಸಿದ್ದಾರೆ.

ಟೀನ್ ಟೀಂ ನಲ್ಲಿ ರ್ಯಾಂಪ್ ವಾಕ್ ಮಾಡಿದ್ದು, ಇದರಲ್ಲಿ ಬಹಳ ಮುಖ್ಯವಾಗಿ ಜಡ್ಜ್ ಗಳ ಪ್ರಶ್ನೆಗೆ ಉತ್ತರಿಸಬೇಕಾಗಿತ್ತು. ಜಡ್ಜ್ ಗಳು ಕೇಳಿದ ಪ್ರಶ್ನೆಗಳಿಗೆ ಸಮರ್ಪಕವಾಗಿ ಉತ್ತರಿಸಿದ ಹಾಗೂ ನಡಿಗೆಯಲ್ಲೂ ಯಾವುದೇ ರಾಜಿಯಾಗದೇ ವಾಕ್ ಹಾಗೂ ಉಡುಗೆ ತೊಡುಗೆ, ಸೌಂದರ್ಯ ವರ್ಧಕ ಮಾಡಿಕೊಂಡಿದ್ದ ಶ್ರಾವ್ಯ ಎ ರವರ ಜಾಣ್ಮೆಗೆ ಮೆಚ್ಚುಗೆ ವ್ಯಕ್ತಪಡಿಸಿದ ಜಡ್ಜ್ ಗಳು ಪ್ರಥಮ ಸ್ಥಾನ ನೀಡಿ ಗೌರವಿಸಿದರು. ಶ್ರಾವ್ಯ ಟೀನ್ ಟೀಂ ನಲ್ಲಿ ನಯನ, ಜಾನ್ವಿ, ಹರ್ಷಿತಾ, ಐಶ್ವರ್ಯ, ಪ್ರಗತಿ ಮತ್ತು ರೋಜಾ ಎಂಬುವವರು ಸ್ಪರ್ಧೆಯಲ್ಲಿ ಭಾಗವಹಿಸಿದ್ದರು.

ನಗರದ ಎಂ ಜಿ ರಸ್ತೆಯ ಬಾಲಭವನದಲ್ಲಿ ನಡೆದ ಕಾರ್ಯಕ್ರಮವನ್ನು ನಿವೃತ್ತ ಸೈನಿಕ ಜಿ ಬಸಪ್ಪ ಉದ್ಘಾಟಿಸಿದರು. ಜಡ್ಜ್ ಗಳಾಗಿ ಜೂರಿ, ಘ್ನಾನೇಶ್, ವೈಷ್ಣವಿ, ಮಂಜು ಪಿ, ಮುಖ್ಯ ಅತಿಥಿಗಳಾಗಿ ನಟ ಧರ್ಮಣ್ಣ ಕಡೂರ್, ತಮಿಳು ನಟ ವಿಜಯ್, ಅರ್ಪಿತಾ ದೇವ್, ಕವನ, ಅಕ್ಷಯ್, ಅರ್ಜುನ್ ಪಾಳೆಗಾರ್, ಜಗದೀಶ್ ಬಾಬು, ಗೌತಮ್, ದೀಕ್ಷಿತ್, ರಕ್ಷಿತ್, ಶಿವು ಮತ್ತಿತರರು ಉಪಸ್ಥಿತರಿದ್ದರು.

ನನ್ನ ತಂದೆ-ತಾಯಿ ಬಹಳ ಕಷ್ಟದ ಜೊತೆಗೆ ಇಷ್ಟ ಪಟ್ಟು ಓದಿಸುತ್ತಿದ್ದಾರೆ. ಒಂದನೇ ತರಗತಿಯಿಂದ ಇಲ್ಲಿಯವರೆಗೂ ಉತ್ತಮ ಅಂಕಗಳನ್ನು ಪಡೆದು ಓದುತ್ತಿದ್ದೇನೆ. ನೃತ್ಯದಲ್ಲೂ ಆಸಕ್ತಿ ಇದೆ. ನನ್ನ ಮುಂದಿನ ಗುರಿ ಮಾಡೆಲಿಂಗ್ ಜೊತೆಗೆ ಇಂಜಿನಿಯರ್ ಆಗಬೇಕೆಂಬ ಕನಸಿದೆ.

-ಶ್ರಾವ್ಯ ಎ. ಮಿಸ್ ಟೀನ್ ತುಮಕೂರು.

ನಮ್ಮ  ಎ ಎನ್ ಕೆ ಅಕಾಡೆಮಿ ಯಿಂದ ಮಾಡೆಲಿಂಗ್ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳುತ್ತೇವೆ. ಇದೇ ಮೊದಲನೇ ಬಾರಿ ಹಮ್ಮಿಕೊಂಡಿದ್ದು ಬಹುತೇಕ ಹಳೇ ಮೈಸೂರು ಭಾಗದ ಜಿಲ್ಲೆಗಳಿಂದ ಸ್ಪರ್ಧಿಗಳು ಆಗಮಿಸಿದ್ದರು. ಈ ಟೀನ್ ಟೀಂ ನಲ್ಲಿ ಶ್ರಾವ್ಯ ರವರು ಆಯ್ಕೆಯಾಗಿರುವುದು ನಮ್ಮ ಅಕಾಡೆಮಿಗೆ ಹೆಮ್ಮೆಯ ವಿಷಯವಾಗಿದೆ. ಆಸಕ್ತರು ನಮ್ಮನ್ನು ಸಂಪರ್ಕಿಸಿದರೆ ತರಬೇತಿ ನೀಡುತ್ತೇವೆ.

-ಕವನ, ಎ ಎನ್ ಕೆ ಅಕಾಡೆಮಿ ತುಮಕೂರು. ಮೊ:81473 31137.

ಗೋ ರಾ ಶ್ರೀನಿವಾಸ...

ಮೊ:9845856139.