ಹೋಳಿ ಹಬ್ಬದಲ್ಲಿ ಬಂಧುಮಿತ್ರರೊಂದಿಗೆ ಬಣ್ಣ ಎರಚಿ ಸಂಭ್ರಮಿಸುವುದು ಹಬ್ಬದ ವಿಶೇಷ. ಹೋಳಿ ಹಬ್ಬ ಎಂದರೆ ಹೊಳೆಯುವ ಬಣ್ಣಗಳ ಹಬ್ಬವಾಗಿದ್ದು ಮದರಂಗಿ, ಮಾರ್ಗೋಸಾ, ಚೆಂಡು ಹೂವು, ಅರಿಶಿನ, ಕುಂಕುಮ ಮತ್ತು ರಕ್ತಚಂದನದಿಂದ ತಯಾರಿಸಿದ ಗುಲಾಲ್ ಬಣ್ಣಗಳ ಬಳಕೆ ಐತಿಹಾಸಿಕವಾಗಿ ಬಂದಿದೆ. ಆದರೆ ಕಾಲ ಬದಲಾದಂತೆ ರಾಸಾಯನಿಕ ಬಣ್ಣಗಳು ಮತ್ತು ಸಿಂಥೆಟಿಕ್ ಬಣ್ಣಗಳು ಮಾರುಕಟ್ಟೆಯನ್ನು ಪ್ರವೇಶಿಸಿವೆ. ಇವುಗಳಲ್ಲಿ ಅತ್ಯಂತ ವಿಷಕಾರಿ ಅಂಶಗಳಿದ್ದು ಮಾನವ ದೇಹಕ್ಕೆ ಹಾನಿಯುಂಟು ಮಾಡಬಲ್ಲವು. ಆದ್ದರಿಂದ ಹೋಳಿಯಲ್ಲಿ ಬಣ್ಣಗಳನ್ನು ಬಳಸುವಾಗ ಎಚ್ಚರಿಕೆ ಅಗತ್ಯ. ಬಹಳಷ್ಟು ಆಧುನಿಕ ಬಣ್ಣಗಳು ರಾಸಾಯನಿಕ ಬಣ್ಣಗಳಾಗಿದ್ದು ಚರ್ಮ ಅಲರ್ಜಿಯನ್ನು ಉಂಟು ಮಾಡಬಲ್ಲದು. ಚರ್ಮದ ಬಣ್ಣಗಳು ಉರಿ, ದದ್ದು, ಶುಷ್ಕತೆ ಮತ್ತು ಕಿರಿಕಿರಿ ಉಂಟು ಮಾಡಬಲ್ಲವು. ಕಣ್ಣುಗಳು ಅತ್ಯಂತ ಬೇಗನೆ ಹಾನಿಗೆ ಒಳಗಾಗುತ್ತವೆ. ಆದ್ದರಿಂದ ರಕ್ಷಣೆ ಅಗತ್ಯ. ಹಾನಿಕಾರಕ ಬಣ್ಣಗಳು ಕಣ್ಣಿಗೆ ಬಿದ್ದು ಕಣ್ಣಿನ ಸೋಂಕು ಉಂಟು ಮಾಡಬಹುದು. ಕಣ್ಣುಗಳು ದೇಹದ ಅತ್ಯಂತ ಸೂಕ್ಷ್ಮ ಅಂಗಗಳಲ್ಲಿ ಪ್ರಮುಖವಾದವು. ರಾಸಾಯನಿಕ ಬಣ್ಣಗಳಲ್ಲಿರುವ ಸೀಸದಿಂದ ಅಲರ್ಜಿ, ಕಂಜಕ್ಟಿವಿಟಿಸ್, ರಾಸಾಯನಿಕ ಸುಡುವಿಕೆ, ಕಾರ್ನಿಯಾ ಘರ್ಷಣೆ ಅಥವಾ ಕಣ್ಣಿಗೆ ಗಾಯ ಉಂಟು ಮಾಡಬಲ್ಲದು. 

 

ಹೋಳಿಯ ಬಣ್ಣಗಳು ಹಲವು ಬಗೆಯ ಸಮಸ್ಯೆಗಳನ್ನು ಉಂಟು ಮಾಡಬಲ್ಲವು

ತಾತ್ಕಾಲಿಕ ಅಂಧತ್ವ: 

ಬಣ್ಣ ಎರಚುವಾಗ ಅದು ಕಣ್ಣುಗಳಿಗೆ ಪ್ರವೇಶಿಸಿ ದೃಷ್ಟಿಯನ್ನು ತಾತ್ಕಾಲಿಕವಾಗಿ ಮಂದಗೊಳಿಸಬಹುದು. ರೆಟಿನಾದ ಮೇಲೆ ಕಂದು ಪೊರೆ ಕಂಡುಬಂದು ಅದು ದೃಷ್ಟಿಯನ್ನು ನಿರ್ಬಂಧಿಸಬಹುದು. ನೀರಿನ ಬಲೂನ್‍ಗಳಲ್ಲಿ ಆಡುವವರು ಎಚ್ಚರಿಕೆ ವಹಿಸಬೇಕು. ಏಕೆಂದರೆ ಅವು ನೇರವಾಗಿ ಕಣ್ಣಿಗೆ ಹೊಡೆಯಬಹುದು ಮತ್ತು ಗಂಭೀರ ಕಣ್ಣಿನ ಗಾಯದಿಂದ ಶಾಶ್ವತ ಅಂಧತ್ವ ಉಂಟಾಗಬಹುದು. 

 

ಕಾರ್ನಿಯಾ ಗೀಚುಗಳು: 

ಕಾರ್ನಿಯಾ ಅತ್ಯಂತ ತೆಳುವಾದ, ಪದರವಾಗಿದ್ದು ಅಕ್ಷಿಪಟಲವನ್ನು ರಕ್ಷಿಸುತ್ತದೆ. ಹಾನಿಕಾರ ಬಣ್ಣ ಕಣ್ಣಿನ ರೆಪ್ಪೆಯ ಒಳಗಡೆ ಸೇರಿಕೊಳ್ಳಬಹುದು. ಈ ಕಣಗಳು ಕಣ್ಣಿನ ಮೇಲ್ಮೈಗೆ ಹಾನಿಯುಂಟು ಮಾಡಿ ಸವೆತ ಉಂಟು ಮಾಡಬಲ್ಲವು. 

 

ಕಂಜಕ್ಟಿವಿಟಿಸ್: 

ಕಣ್ಣಿನ ರೆಪ್ಪೆಯ ಒಳಪದರದ ತೆಳು ಜೀವಕೋಶದ ಉರಿಯೂತ ಕಂಜಕ್ಟಿವಿಟಿಸ್ ಎನ್ನಲಾಗುತ್ತದೆ. ಈ ಪಾರದರ್ಶಕ ಪದರ ನಿಮ್ಮ ಕಣ್ಣುಗಳ ಬಿಳಿ ಭಾಗವನ್ನು ಮುಚ್ಚುತ್ತದೆ ಹೋಳಿ ಬಣ್ಣಗಳಿಂದ ನಿಮ್ಮ ಕಣ್ಣುಗಳು ಉರಿಯೂತಕ್ಕೆ ಒಳಗಾಗುತ್ತವೆ. 

 

ಕಣ್ಣಿನ ಅಲರ್ಜಿಗಳು: 

ಹೋಳಿ ಬಣ್ಣಗಳು ಅಲರ್ಜಿ ಪರಿಣಾಮ ಉಂಟು ಮಾಡುತ್ತವೆ, ಇದರಿಂದ ಕೆಂಪಾಗುವುದು, ಊತ ಬರುವುದು ಮತ್ತು ಕಣ್ಣಿನಲ್ಲಿ ನೀರು ಸೋರುವುದು ಉಂಟಾಗುತ್ತದೆ. 

 

ಐರಿಸ್‍ನ ಉರಿಯೂತ: 

ಹೋಳಿ ಆಡುವಾಗ ಬಣ್ಣಗಳು ನೇರ ಅಕ್ಷಿಪಟಲಕ್ಕೆ ಬಿದ್ದು ಗಂಭೀರ ಉರಿಯೂತಕ್ಕೆ ಕಾರಣವಾಗಬಲ್ಲವು. ಕಾಂಟಾಕ್ಟ್ ಲೆನ್ಸ್ ಬಳಸುವವರಿಗೆ ಇದು ಮತ್ತಷ್ಟು ಸಮಸ್ಯಾತ್ಮಕವಾಗಿದ್ದು ರಾಸಾಯನಿಕಗಳು ಲೆನ್ಸ್ ಸೇರಿ ಲೆನ್ಸ್ ಮತ್ತು ಕಣ್ಣಿನ ಮೇಲ್ಮೈ ನಡುವೆ ಸಿಲುಕಿಕೊಳ್ಳುತ್ತವೆ. 

 

ಹೋಳಿ ಹಬ್ಬದಲ್ಲಿ ಕಣ್ಣು ರಕ್ಷಿಸಿಕೊಳ್ಳಲು ಹೀಗೆ ಮಾಡಿ: 

• ಕನ್ನಡಕಗಳು ಅಥವಾ ಸನ್‍ಗ್ಲಾಸ್ ಧರಿಸುವ ಮೂಲಕ ಕಣ್ಣುಗಳನ್ನು ರಕ್ಷಿಸಿಕೊಳ್ಳಿ.

• ಹೋಳಿ ಆಡುವಾಗ ನೈಸರ್ಗಿಕ ಬಣ್ಣಗಳನ್ನು ಬಳಸಿ

• ನಿಮ್ಮ ಕಣ್ಣ ಸುತ್ತಲೂ ಕೊಬ್ಬರಿ ಎಣ್ಣೆ ಹಚ್ಚುವ ಮೂಲಕ ನೇರ ರಾಸಾಯನಿಕಗಳು ಕಣ್ಣಿನ ಸಂಪರ್ಕಕ್ಕೆ 

• ಬಾರದಂತೆ ತಡೆಯಿರಿ

 

ಎಚ್ಚರ ವಹಿಸಿ: 

• ಕಾಂಟ್ಯಾಕ್ಟ್ ಲೆನ್ಸ್ ಧರಿಸದಿರಿ

• ಸಿಂಥೆಟಿಕ್ ಬಣ್ಣಗಳನ್ನು ಬಳಸಬೇಡಿ

• ಕಣ್ಣುಗಳ ಬಳಿ ಬಣ್ಣ ಎರಚುವುದನ್ನು ತಡೆಯಿರಿ

• ಆಡುವಾಗ ಕಣ್ಣುಗಳನ್ನು ಉಜ್ಜಬೇಡಿ 

 

ಕಣ್ಣಿಗೆ ಹಾನಿಯಾದರೆ: 

ಅಕಸ್ಮಾತ್ತಾಗಿ ಬಣ್ಣ ನಿಮ್ಮ ಕಣ್ಣು ಪ್ರವೇಶಿಸಿದರೆ ನಿಮ್ಮ ಕಣ್ಣುಗಳನ್ನು ಸ್ವಚ್ಛ ನೀರಿನಿಂದ ಕೂಡಲೇ ತೊಳೆಯಿರಿ. ಉರಿ ಹಾಗೆಯೇ ಉಳಿದರೆ ಕಣ್ಣಿನ ವೈದ್ಯರನ್ನು ಸಂಪರ್ಕಿಸಿ.

ವಾಟರ್ ಗನ್, ವಾಟರ್ ಬಲೂನ್ ಇತ್ಯಾದಿಗಳಿಂದ ಗಂಭೀರ ಗಾಯವಾದರೆ ತುರ್ತು ನೇತ್ರ ಚಿಕಿತ್ಸಾ ಸೇವೆಗಳಿಗೆ ಕರೆ ಮಾಡಿ. 

 

ಸುರಕ್ಷಿತ ಮತ್ತು ಆನಂದದಾಯಕ ಹೋಳಿ ನಿಮ್ಮದಾಗಲಿ.

 

ಲೇಖನ : -ಡಾ.ಸೊನಾಲಿ ಮುರಳೀಧರ್

(ಡಾ.ಸೊನಾಲಿ ಮುರಳೀಧರ್ ಪೀಪಲ್ ಟ್ರೀ ಹಾಸ್ಪಿಟಲ್ಸ್‍ನ ನೇತ್ರ ತಜ್ಞರಾಗಿದ್ದಾರೆ)