ಬೆಂಗಳೂರು : ಬೆಂಗಳೂರಿನಲ್ಲಿ ಮೂತ್ರಪಿಂಡ ರೋಗಗಳ ಕುರಿತು ಅರಿವನ್ನು ಉಂಟು ಮಾಡುವ ನಿಟ್ಟಿನಲ್ಲಿ ನೂರಾರು ಮಂದಿ ವಾಕಥಾನ್‍ನಲ್ಲಿ ಭಾಗವಹಿಸಿದರು. ಹೆಗಡೆನಗರದ ರೀಗಲ್ ಆಸ್ಪತ್ರೆಯಲ್ಲಿ ಪ್ರಾರಂಭವಾದ ಈ ವಾಕಥಾನ್ ಮುನ್ನೆಚ್ಚರಿಕೆ ಕೈಗೊಳ್ಳಲು ಉತ್ತೇಜಿಸಿತು. ಗಂಭೀರ ಮೂತ್ರಪಿಂಡ ರೋಗ(ಸಿಕೆಡಿ) ವಿಶ್ವದಾದ್ಯಂತ ಸಾರ್ವಜನಿಕ ಆರೋಗ್ಯದ ಸಮಸ್ಯೆಯಾಗಿದ್ದು ಮೂತ್ರಪಿಂಡ ವೈಫಲ್ಯ ಮತ್ತು ಅವಧಿಪೂರ್ವ ಮರಣಕ್ಕೆ ಕಾರಣವಾಗುತ್ತದೆ. ಸಿಕೆಡಿ ಸುಮಾರು 195 ಮಿಲಿಯನ್ ಮಹಿಳೆಯರಿಗೆ ವಿಶ್ವದಾದ್ಯಂತ ಬಾಧಿಸುತ್ತಿದೆ ಮತ್ತು ಪ್ರಸ್ತುತ ಮಹಿಳೆಯರ ಮರಣಕ್ಕೆ 8ನೇ ಅತ್ಯಂತ ಕಾರಣವಾಗಿದೆ ಹಾಗೂ ಪ್ರತಿವರ್ಷ 600,000 ಮರಣಗಳಿಗೆ ಕಾರಣವಾಗುತ್ತಿದೆ. ಈ ವರ್ಷ ವಿಶ್ವ ಮೂತ್ರಪಿಂಡ ದಿನ ಮಹಿಳಾ ದಿನದ ಸಂದರ್ಭದಲ್ಲಿಯೇ ಬಂದಿದ್ದು ಮಹಿಳಾ ವೈದ್ಯರನ್ನು ಸನ್ಮಾನಿಸಲಾಯಿತು. 

ಈ ವಾಕಥಾನ್ ನೇತೃತ್ವ ವಹಿಸಿದ ಮುಂಚೂಣಿಯ ನೆಫ್ರಾಲಜಿಸ್ಟ್ ಡಾ.ಸೂರಿ ರಾಜು(ರೀಗಲ್ ಆಸ್ಪತ್ರೆಯ ಸಂಸ್ಥಾಪಕ ಮತ್ತು ಸಿಇಒ) ಸಿಕೆಡಿ ವೃದ್ಧಿಸುವ ರಿಸ್ಕ್ ಪುರುಷರಿಗಿಂತ ಮಹಿಳೆಯರಲ್ಲಿ ಅತ್ಯಂತ ಹೆಚ್ಚಾಗಿದೆ. ಕೆಲವು ಅಧ್ಯಯನಗಳ ಪ್ರಕಾರ ಸಿಕೆಡಿ ಮಹಿಳೆಯರಲ್ಲಿ ಶೇ.14ರಷ್ಟಿದ್ದರೆ ಮತ್ತು ಶೇ.12ರಷ್ಟು ಪುರುಷರಲ್ಲಿ ಕಂಡುಬಂದಿದೆ. ಅದಕ್ಕೆ ಮೂರು ಪ್ರಮುಖ ಕಾರಣಗಳನ್ನು ಗುರುತಿಸಲಾಗಿದೆ: ಸಿಕೆಡಿ ಪುರುಷರಿಗಿಂತ ಮಹಿಳೆಯರಲ್ಲಿ ನಿಧಾನವಾಗಿ ಬೆಳೆಯುತ್ತದೆ, ಮಾನಸಿಕ-ಸಾಮಾಜಿಕ ಆರ್ಥಿಕ ಅಡೆತಡೆಗಳಿಂದ ತಡವಾಗಿ ಅಥವಾ ರೋಗಪತ್ತೆ ಮಾಡುವುದೇ ಇಲ್ಲ ಮತ್ತು ಆರೋಗ್ಯಸೇವೆಯ ಅಲಭ್ಯತೆ. ಮೂತ್ರಪಿಂಡ ಬದಲಾವಣೆ ಕೂಡಾ ಅವೈಜ್ಞಾನಿಕವಾಗಿ ವಿಸ್ತರಿಸಿದೆ ಅದಕ್ಕೆ ಸಾಮಾಜಿಕ, ಸಾಂಸ್ಕøಯಿಕ ಮತ್ತು ಮಾನಸಿಕ ಆಯಾಮಗಳು ಕಾರಣ. ಕೆಲ ದೇಶಗಳಲ್ಲಿ ಮಹಿಳೆಯರು ಮೂತ್ರಪಿಂಡ ದಾನ ಮಾಡುತ್ತಾರೆಯೇ ಹೊರತು ಪಡೆಯುವುದು ಬಹಳ ಕಡಿಮೆ. ಈ ಸಮಸ್ಯೆಯನ್ನು ಪರಿಹರಿಸುವ ಮೂಲಕ ಮಹಿಳೆಯರಿಗೆ ಆರೋಗ್ಯಸೇವೆಯ ಲಭ್ಯವಾಗುವಂತೆ ಮಾಡುವ ಮೂಲಕ ಅರಿವನ್ನು ಹೆಚ್ಚಿಸುವ ಮತ್ತು ಅವರಿಗೆ ಚಿಕಿತ್ಸೆಯ ಲಭ್ಯತೆ ಮತ್ತು ಉತ್ತಮ ಆರೋಗ್ಯದ ಫಲಿತಾಂಶ ದೊರೆಯುವಂತೆ ಮಾಡಬೇಕಾಗಿದೆ. 

ಆದ್ದರಿಂದ ಈ ವಾಕಥಾನ್ ಮೂತ್ರಪಿಂಡ ರೋಗಗಳಲ್ಲಿ ರೋಗತಡೆಯೇ ಅತ್ಯುತ್ತಮ ಮದ್ದು ಎಂದು ಜನರಲ್ಲಿ ಅರಿವನ್ನು ಉಂಟು ಮಾಡುವ ಕೆಲಸ ಮಾಡಿತು. ವೈದ್ಯರು ಭಿತ್ತಿಪತ್ರಗಳನ್ನು ಹಿಡಿದು ನೆಫ್ರೋಟಾಕ್ಸಿಕ್ ಔಷಧಗಳನ್ನು ತಪ್ಪಿಸಿ, ಸಾಕಷ್ಟು ನೀರು ಕುಡಿಯಿರಿ, ಧೂಮಪಾನ ವರ್ಜಿಸಿ, ತೂಕ ಇಳಿಸುವ ಮೂಲಕ ಕಠಿಣ ಸಕ್ಕರೆ, ಬಿಪಿ. ಕೊಲೆಸ್ಟರಾಲ್ ನಿಯಂತ್ರಣ ಮಾಡಿಕೊಳ್ಳಿ ತೂಕ/ಬಿಪಿ/ಗರ್ಭಧಾರಣೆ ಸಂದರ್ಭದಲ್ಲಿ ಎಚ್ಚರವಾಗಿರಿ ಎಂದು ಸಂದೇಶಗಳನ್ನು ಪಸರಿಸಿದರು.