ಆಚಾರ್ಯ ಶ್ರೀ ಚಂದ್ರಪ್ರಭಾ ಸಾಗರ ವiಹಾರಾಜರಿಗೆ ‘ಸಂತವಾತ್ಸಲ್ಯ’ ಬಿರುದು

Posted date: 08 Mar, 2018

ಶ್ರವಣಬೆಳಗೊಳ: ಆಚಾರ್ಯ ಶ್ರೀ ಚಂದ್ರಪ್ರಭಾ ಸಾಗರ ವiಹಾರಾಜರಿಗೆ ಕ್ಷೇತ್ರದ ಪೀಠಾಧ್ಯಕ್ಷರಾದ ಸ್ವಸ್ತಿಶ್ರೀ ಚಾರುಕೀರ್ತಿ ಭಟ್ಟಾರಕ ಸ್ವಾಮಿಜಿಯವರು ‘ಸಂತವಾತ್ಸಲ್ಯ’ ಬಿರುದು ನೀಡಿ ಗೌರವಿಸಿದರು.
ಜೈನಕಾಶಿ ಶ್ರವಣಬೆಳಗೊಳದಲ್ಲಿ ನಡೆದ ಮಹಾಮಸ್ತಕಾಭಿಷೇಕ ಮಹೋತ್ಸವದಲ್ಲಿ ಪಾಲ್ಗೊಂಡು ಮಂಗಳ ವಿಹಾರ ಆರಂಭಿಸಿದ ಚಂದ್ರಪ್ರಭಸಾಗರ ಮಹಾರಾಜರಿಗೆ ಸನ್ಮಾನಿಸಿ ಮಾತನಾಡುತ್ತಾ ಶ್ರವಣಬೆಳಗೊಳದಲ್ಲಿಯೇ 2 ಚಾತುರ್ಮಾಸಗಳನ್ನು ಕಳೆದಿದ್ದು. ಮಹಾಮಸ್ತಕಾಭಿಷೇಕ ಸಂದರ್ಭದಲ್ಲಿ ದೇಶದಾದ್ಯಂತ ಆಗಮಿಸುವ ತ್ಯಾಗಿಗಳು ಮತ್ತು ಮಾತಾಜಿಯವರ ಯೋಗಕ್ಷೇಮ ನೋಡಿಕೊಳ್ಳುವಂತೆ ವಿನಂತಿಸಿದ್ದೆವು. ಅದರಂತೆಯೇ ಬಂದಂತಹ ಆಚಾರ್ಯರನ್ನು ಸತ್ಕರಿಸಿ ಮಹಾಮಸ್ತಕಾಭಿಷೇಕ ಯಸಸ್ವಿಯಾಗಲು ಸಹಕರಿಸಿದ್ದಾರೆ ಎಂದರು.
ಚಂದ್ರಗಿರಿಯ ಮುಂಭಾಗದಲ್ಲಿರುವ ಕೀರ್ತಿಸ್ಥಂಬದ ನಿರ್ಮಾಣಕ್ಕೆ ಅಗತ್ಯ ಸಲಹೆ ಸೂಚನೆಗಳನ್ನು ನೀಡಿದ್ದಾರೆ ಹಾಗೇಯೆ ಕ್ಷೇತ್ರದ ಎಲ್ಲಾ ಕಾರ್ಯಗಳ ಯಶಸ್ವಿಗೆ ಶ್ರಮಿಸಿದ ಶ್ರೀಗಳ ತ್ಯಾಗ ಜೀವನದಲ್ಲಿ ವಿಶ್ವದಲ್ಲಿಯೇ ಪ್ರಖ್ಯಾತಿ ಗಳಿಸಲಿ ಎಂದು ಸ್ವಸ್ತಿಶ್ರೀ ಚಾರುಕೀರ್ತಿ ಭಟ್ಟಾರಕ ಸ್ವಾಮೀಜಿಯವರು ಆಶಿಸಿದರು.
ನಂತರ ಆಚಾರ್ಯ ಶ್ರೀ ಚಂದ್ರಪ್ರಭಾ ಸಾಗರ ವiಹಾರಾಜರು ಮಾತನಾಡಿ ದೇಶದ ವಿವಿಧ ಭಾಗಗಳಿಂದ ಆಗಮಿಸುವ ಮುನಿಗಳನ್ನು ಸತ್ಕರಿಸುವುದು ತುಂಬಾ ಸಂತೋಷಕರ ವಿಷಯವಾಗಿದೆ ಹಾಗೂ ಮಹಾಸ್ತಕಾಭಿಷೇಕ ಮಹೋತ್ಸವವು ಯಶಸ್ವಿಯಾಗಿ ಜರುಗಿದ್ದು ಮಹೋತ್ಸವಕ್ಕೆ ಆಗಮಿಸಿರುವ ಮುನಿಗಳು ಸಂತೋಷಪಟ್ಟಿದ್ದಾರೆ ಎಂದರು.
ಈ ಸಂದರ್ಭದಲ್ಲಿ ಆಚಾರ್ಯ ಶ್ರೀ ವರ್ಧಮಾನ ಸಾಗರ ಮಹಾರಾಜರು ವಿಶೇಷ ಅಂಚೆ ಲಕೋಟೆಯನ್ನ ಬಿಡುಗಡೆ ಮಾಡಿದರು.
ಆಚಾರ್ಯ ಚಂದ್ರಪ್ರಭಾ ಸಾಗರ ಮಹಾರಾಜರು, ಆಚಾರ್ಯ ಜಿನ ಸೇನಾಮಹಾರಾಜರು, ಆಚಾರ್ಯ ಸಿದ್ದಸೇನಾ ಮಹಾರಾಜರು ಹಾಗೂ ಸಂಘಸ್ತ ತ್ಯಾಗಿಗಳು, ಮುತ್ತುಲಕ್ಸ್ಮೀ ಮಾತಾಜಿ ಹಾಗೂ ನಮನಶ್ರೀ ಮಾತಾಜಿಯವರು ಕ್ಷೇತ್ರದಿಂದ ವಿಹಾರ ಬೆಳೆಸಿದರು. ಶ್ರವಣಬೆಳಗೊಳದ ಪಟ್ಟಣದ ಗಡಿಯವರೆಗೂ ಬಂದು ಇವರನ್ನು ಬೀಳ್ಕೋಟ್ಟರು.