ಇಂದಿನ ಸಾಮಾಜಿಕ ಹಾಗೂ ಬಡಬಗ್ಗರ ಕಲ್ಯಾಣವಾಗಬೇಕೆಂದರೆ ಕೇವಲ ವಿದ್ಯಾವಂತ, ಉದ್ಯಮಿ, ಹಲವಾರು ಬಾರಿ ಗೆದ್ದು ಮೋಸ, ವಂಚನೆ ಹಾಗೂ ದುಡ್ಡು ಮಾಡುವ ಕಾಯಕವನ್ನೇ ಉದ್ಯಮ ಮಾಡಿಕೊಂಡಿರುವ ರಾಜಕಾರಣಿಯಿಂದ ಸಮಾಜದ ನೊಂದ ಬಡವರು ಉದ್ದಾರವಾಗುವುದಿಲ್ಲ,

ಹಾಗೇ ಅವರು ಪ್ರತಿನಿಧಿಸುವ ಕ್ಷೇತ್ರವೂ ಸಹ ಹಿಂದುಳಿಯುತ್ತದೆ. ಅಂತಹ ಕ್ಷೇತ್ರವೀಗ ಕಾಂಗ್ರೆಸ್ ಪಕ್ಷದ ಶಾಸಕ ಮುನಿರತ್ನ ಮಾಡಿದ ಅನೈತಿಕ ಅವಾಂತರಗಳಿಂದ ಈ ತಿಂಗಳ ಹನ್ನೆರಡರಂದು ನಡೆಯಬೇಕಾಗಿದ್ದ ಚುನಾವಣೆ ಇದೇ ತಿಂಗಳ ಇಪ್ಪತ್ತೆಂಟಕ್ಕೆ ನಿಗದಿಯಾಗಿದೆ.

ಒಂದೆರೆಡಲ್ಲ ಸರಿ ಸುಮಾರು ಹತ್ತಾರು ಸಾವಿರ ಮತಚೀಟಿ(Other Id)ಗಳನ್ನು ಖರೀದಿಸಿ (ಹೆದರಿಸಿ, ಹಣದ ಆಮಿಷ ಒಡ್ಡಿ) ತನ್ನ ಸುಪರ್ದಿಯಲ್ಲಿ ಇಟ್ಟುಕೊಂಡಿದ್ದರೆಂದರೆ ಮತದಾರ ಪ್ರಭುಗಳಾದ ನೀವೆ ಯೋಚಿಸಿ ಇಂತಹ ದುಷ್ಟ ನಾಯಕರಿಂದ ಕ್ಷೇತ್ರದ ಅಭಿವೃದ್ಧಿಯನ್ನಾಗಲಿ, ಸಮಾಜದ ನೊಂದ ನಾಗರೀಕರ ಉದ್ದಾರವನ್ನಾಗಲಿ ಹೇಗೆ ನಿರೀಕ್ಷಿಸುವುದು ?

ಇಂತಹ ನಾಯಕರ ನಡುವೆ ಸಜ್ಜನ ಯುವಕ, ಸಮಾಜದ ಕಳಕಳಿ ಹೊಂದಿರುವ ಮಾತೃಹೃದಯಿ, ನಾಗರೀಕ ಸಮಾಜ ನಮ್ಮದಾಗಬೇಕೆಂಬ ತುಡಿತ ಇವೆಲ್ಲವೂ ಸಾಕಾರವಾಗಬೇಕೆಂದರೆ ರಾಜರಾಜೇಶ್ವರಿ ನಗರದ ಮತದಾರ ಪ್ರಭುಗಳು ಬಿಜೆಪಿಯ ಯುವನಾಯಕ ತುಳಸಿ ಮುನಿರಾಜುಗೌಡರನ್ನು ಗೆಲ್ಲಿಸಬೇಕಾಗಿದೆ.

ಅವರ ಸಾಮಾಜಿಕ ಕಳಕಳಿಗೆ ಹಲವು ಜೀವಂತ ಉದಾಹರಣೆಗಳಿವೆ, ಇಡೀ ಕರ್ನಾಟಕ ರಾಜ್ಯದಲ್ಲಿ ಯುವಮೋರ್ಚಾ ಎಂದು ಗೊತ್ತಾಗಿದ್ದೆ  ಮುನಿರಾಜುಗೌಡ ಯುವ ಮೋರ್ಚಾ ಅಧ್ಯಕ್ಷರಾದ ನಂತರ ಕೇವಲ ಬೆಂಗಳೂರಿಗೆ ಸೀಮಿತವಾಗದೆ ಕರ್ನಾಟಕ ರಾಜ್ಯದಾದ್ಯಂತ ಯುವಕರನ್ನು ಸಂಘಟಿಸಿ ಯುವ ಬಿಜೆಪಿಯನ್ನು ಸದೃಢವಾಗಿಸುವಲ್ಲಿ ಮುಂಚೂಣಿಯಲ್ಲಿದ್ದಾರೆ.

ಸುಮಾರು ಎಂಟು ವರ್ಷಗಳಿಂದ ಬೆಂಗಳೂರಿನಾದ್ಯಂತ ಶಾಲೆಗಳಲ್ಲಿ ಹತ್ತನೆ ತರಗತಿಯನ್ನು ಉನ್ನತ ಶ್ರೇಣಿಯಲ್ಲಿ ತೇರ್ಗಡೆಯಾದ ವಿದ್ಯಾರ್ಥಿಗಳಿಗೆ ಸನ್ಮಾನ ಮಾಡುವುದರ ಜೊತೆಗೆ ಕೆಲ ಬಡ ವಿದ್ಯಾರ್ಥಿಗಳಿಗೆ ಆರ್ಥಿಕ ಸಹಾಯವನ್ನು ಮಾಡುತ್ತಿದ್ದಾರೆ.

ಸಹಕಾರ ಬೇಕೆಂದು ಕೇಳಿಕೊಂಡು ಹೋದ ಅನೇಕ ಬಡ, ಆರ್ಥಿಕವಾಗಿ ಹಿಂದುಳಿದ ಜನಗಳಿಗೆ ಅವರೆಂದು ಬರಿಗೈಲಿ ಕಳುಹಿಸಿ ಕೊಟ್ಟಿಲ್ಲ.

ಪ್ರಧಾನಮಂತ್ರಿ ನರೇಂದ್ರ ಮೋದಿಯವರ ಸಮಾಜ ಕಳಕಳಿಯ ಮನವಿಗೆ ಓಗೊಟ್ಟು ಬೀದರ್ ಜಿಲ್ಲೆಯ ಗೊರಟ ಗ್ರಾಮವನ್ನು ದತ್ತುಪಡೆದು ಉನ್ನತ ಶಾಲೆ ಮತ್ತು ವಾಚನಾಲಯವನ್ನು ನಿರ್ಮಿಸಿ ಕೊಡುವುದರ ಜೊತೆಗೆ ಉಕ್ಕಿನ ಮನುಷ್ಯ ಸರ್ದಾರ್ ವಲ್ಲಭಭಾಯಿ ಪಟೇಲ್ ರವರ ಪ್ರತಿಮೆಯನ್ನು ನಿರ್ಮಿಸಿದ್ದಾರೆ.

ಇಷ್ಟೆಲ್ಲಾ ಅಭಿವೃದ್ಧಿಗಳನ್ನು ಅಧಿಕಾರ ಇಲ್ಲದೆ ಮಾಡಿರುವ ತುಳಸಿ ಮುನಿರಾಜುಗೌಡರಿಗೆ ರಾಜರಾಜೇಶ್ವರಿ ನಗರ ಕ್ಷೇತ್ರದ ಮತದಾರ ಪ್ರಭುಗಳು ಗೆಲ್ಲಿಸಿದರೆ ಸರ್ಕಾರ ಅಧಿಕಾರದಲ್ಲಿ ಇರಲಿ ಬಿಡಲಿ ತಮ್ಮ ಶಕ್ತ್ಯಾನುಸಾರ ಕ್ಷೇತ್ರದ ಅಭಿವೃದ್ಧಿ ಗೆ ಬಿಜೆಪಿಯ ಅಭ್ಯರ್ಥಿ ಮುನಿರಾಜುಗೌಡ ಮತ್ತು ಅವರ ಸಹೋದರ ಮೂರ್ತಿ ಪಾಪಣ್ಣ ಮತ್ತು ತಂಡದ ಸ್ನೇಹಿತರು ಸದಾ ನಿಮ್ಮೊಂದಿಗಿದ್ದು ನ್ಯಾಯ ದೊರಕಿಸಿಕೊಡುತ್ತಾರೆಂಬ ಭರವಸೆ ಬಿಜೆಪಿಯ ಹಿರಿಯ ನಾಯಕರು ವ್ಯಕ್ತಪಡಿಸುತ್ತಾರೆ.

ಮತದಾರ ಪ್ರಭುಗಳೇ ಕಣ್ಣ ಮುಂದೆಯೇ ಕೆಟ್ಟ ಸಂಪ್ರದಾಯದ ದಂಧೆ ನಡೆಸುವ ಮುನಿರತ್ನ ರಂತಹ ನಾಲಾಯಕ್ ನಾಯಕರಿಗಿಂತ ಅಭಿವೃದ್ಧಿಯ ಪಥದ ಕನಸು ಹೊಂದಿರುವ ಮುನಿರಾಜುಗೌಡರಿಗೆ ರಾಜರಾಜೇಶ್ವರಿ ಕ್ಷೇತ್ರದ ಮತದಾರರು ಹರಸಿ ಹಾರೈಸುತ್ತಾರೆಂಬ ನಂಬಿಕೆ ನಮಗಿದೆ.

 

ಲಕ್ಷ್ಮಿಶ್ರೀ...