ಭಾರತೀಯ ಆಚಾರ ವ್ಯವಹಾರಗಳಲ್ಲಿ ಅಡಗಿರುವ ಶಾಸ್ತ್ರೀಯತೆ ಶಾಸ್ತ್ರೀಯ ದೃಷ್ಟಿಯಿಂದ ವಿಶ್ಲೇಷಿಸಿರುವ ಗ್ರಂಥ

ಇಂಗ್ಲಿಷ್ ಮೂಲ ಲೇಖಕ: ಡಾ ವೆಂಗನೂರು ಬಾಲಕೃಷ್ಣನ್.

ಕನಡಕ್ಕೆ: ಊರುಕುಂಟೆ ನರಸಿಂಹ ಮೂರ್ತಿ

ಸ್ನಾನ ಮಾಡಿದ ನಂತರ ಮೊದಲು ಬೆನ್ನನ್ನು ಒರಸಿಕೊಳ್ಳಬೇಕೆ ?

ಪ್ರಧಾನವಾಗಿ ನದಿಯಲ್ಲೋ, ಕೆರೆಯಲ್ಲೋ, ಅಥವಾ ಕಾಲುವೆಯಲ್ಲೋ ಮುಳುಗು ಹಾಕಿಕೊಂಡು ಸ್ನಾನ ಮಾಡಿದ ನಂತರ ಮೊದಲು ಬೆನ್ನು ಒರಸಿಕೊಳ್ಳಬೇಕೆಂದು ನಮ್ಮ ಆಚಾರ ಹೇಳುತ್ತದೆ. ನಮ್ಮ ನಂಬಿಕೆಯ ಪ್ರಕಾರ ಮಂಗಳಕರ ಹಾಗೂ ಅಮಂಗಳಕರ ದೇವತೆಗಳು ನಮ್ಮ ಶರೀರವನ್ನು ಆಶ್ರಯಿಸಿರುತ್ತವೆ.

ಸ್ನಾನ ಮಾಡುವಾಗ ತಲೆಯ ಮೇಲೆ ನೀರು ಹಾಕಿಕೊಂಡ ತಕ್ಷಣ ಈ ಇಬ್ಬರೂ ದೇವತೆಗಳು ಶರೀರ ಬಿಟ್ಟು ಸ್ನಾನಾನಂತರ ಶರೀರವನ್ನು ಒರಸಿಕೊಂಡ ನಂತರ ಸ್ಥಾನಗಳನ್ನು ಹೊಂದುತ್ತಾರೆಂದು ಹೇಳಲಾಗಿದೆ. ಯಾವ ಭಾಗ ಮೊದಲು ಒರಸಿಕೊಳ್ಳುವೆವೊ ಆ ಭಾಗವನ್ನು ಅಮಂಗಳ ದೇವತೆಗಳು ಆವರಿಸುತ್ತಾರೆಂಬ ನಂಬಿಕೆ. ಆದ್ದರಿಂದ ಮೊದಲು ಮುಖ ಅಥವಾ ಎದೆ ಭಾಗಗಳನ್ನು ಒರೆಸಿಕೊಳ್ಳದೆ ಬೆನ್ನನ್ನು ಒರಸಿಕೊಂಡರೆ ಅಮಂಗಳಕರ ದೇವತೆಗಳು ಬೆನ್ನನ್ನು ಆಕ್ರಮಿಸಿಕೊಳ್ಳುವರು. ಆ ನಂತರ ಮುಖ ಮತ್ತಿತರ ಭಾಗಗಳನ್ನು ಒರಸಿಕೊಂಡರೆ ಶುಭದೇವತೆಯಾದ ಶ್ರೀದೇವಿ ಮುಖ ಹಾಗೂ ಇತರ ಭಾಗಗಳನ್ನು ಆಕ್ರಮಿಸಿಕೊಳ್ಳುತ್ತಾಳೆ. ಹಾಗೆ ಮುಖ ಮಂಡಲ ತೇಜೋವಂತವಾಗಿ ಇದ್ದು, ಜನಾಕರ್ಷಣೆ ಹಾಗು ಶುಭಾಕರ್ಷಣೆಯ ಫಲ ಉಂಟಾಗುತ್ತದೆ.

ಮೊದಲು ಮುಖ ಒರೆಸಿಕೊಂಡರೆ ಅಶುಭ ದೇವತೆಗಳು ಮುಖಮಂಡಲವನ್ನು ಆಕ್ರಮಿಸಿ ಮುಖವನ್ನು ಕಳಾಹೀನವಾಗಿ ಮಾಡಿ, ನಿರಾಶೆ, ಸೋಮಾರಿತನ, ಅಕಾರಣ ಕೋಪ ಮುಂತಾದವು ಉಂಟಾಗಿ ಆ ದಿನವೆಲ್ಲ ದೀನವಾಗಿರುವ ಹಾಗೆ ಮಾಡುತ್ತದೆಂಬ ನಂಬಿಕೆ. ಈ ಕಾರಣದಿಂದಲೇ ಸ್ನಾನದ ನಂತರ ಹೇಗೆ ಒರಸಿಕೊಳ್ಳಬೇಕೆಂದು ನಮ್ಮ ಹಿರಿಯರು ಸೂಚಿಸಿರುವರು.

ಈ ನಂಬಿಕೆಯೇ ಅಲ್ಲದೆ ಈ ವಿಷಯದಲ್ಲಿ ಶಾಸ್ತ್ರೀಯತೆಯು ಸಹ ಇದೆ. *ತಣ್ಣೀರಿನಲ್ಲಿ ಸ್ನಾನ ಮಾಡುವುದರಿಂದ ಶರೀರದ ಭಾಗಗಳೆಲ್ಲ ತಣ್ಣಗಾಗುವವು. ಎಲ್ಲ ಭಾಗಗಳಿಗೆಲ್ಲ ಬೆನ್ನೆಲುಬು ಹೆಚ್ಚಾಗಿ ತಂಡಿಗೆ ಗುರಿ ಆಗುವುದು. ಈ ಕಾರಣವಾಗಿ ಸಣ್ಣ ಪುಟ್ಟ ಆರೋಗ್ಯ ಸಮಸ್ಯೆಗಳು ಉಂಟಾಗಬಹುದು. ಆದ್ದರಿಂದ ಸ್ನಾನವಾದ ನಂತರ ತಕ್ಷಣವಾಗಿ ಬೆನ್ನಿನ ಭಾಗವನ್ನು ಒರಸಿಕೊಳ್ಳಬೇಕೆಂದು ಹೇಳಲ್ಪಟ್ಟಿದೆ.* ಆದರೆ ಈ ನಿಯಮವು ಹೆಚ್ಚಾಗಿ ಬಕೀಟುಗಳಲ್ಲಿ ಸ್ನಾನ ಮಾಡುವವರಿಗೆ ಅನ್ವಯಿಸುವುದಿಲ್ಲ. ಈ ನಿಯಮವು ಮುಳುಗು ಹಾಕುವ, ನೀರಿನಲ್ಲಿ ನಿಂತು ಸ್ನಾನ ಮಾಡುವವರಿಗೆ ಅನ್ವಯಿಸುತ್ತದೆ. ಎಲ್ಲರಿಗೂ ಎಲ್ಲಾ ಸಮಯದಲ್ಲೂ ನದಿ, ಕೆರೆ, ಕಾಲುವೆ ಪ್ರವಾಹ ಸ್ನಾನಗಳು ಮಾಡಲು ಆಗುವುದಿಲ್ಲ. ಸಾಮಾನ್ಯವಾಗಿ ಎಲ್ಲರೂ ಬಕೀಟಿನಲ್ಲಿ ನೀರನ್ನು ಹಾಕಿಕೊಂಡು ಸ್ನಾನ ಮಾಡುತ್ತಾರೆ. ಆದ್ದರಿಂದ ಯಾರನ್ನು ಪ್ರಧಾನವಾಗಿ ಉದ್ದೇಶಿಸಿ ಹೇಳಿದರೂ ಸ್ನಾನ ಸ್ನಾನವೇ. ಆದ್ದರಿಂದ ಈ ನಿಯಮವನ್ನು ಅನುಸರಿಸಿ ಶುಭವನ್ನು ಹೊಂದೋಣಾ.

*ಸಂಗ್ರಹ ಮತ್ತು ಪ್ರಚಾರ;*

*ಗೋ ರಾ ಶ್ರೀನಿವಾಸ...*

*ಮೊ:9845856139.*